Martin Jol: Við nýttum ekki færin okkar

Martin Jol, stjóri Tottenham, segir að klaufaskapur sinna manna fyrir framan mark andstæðinganna hafi verið helsta ástæðan fyrir því að liðið tapaði enn eina ferðina fyrir grönnum sínum í Arsenal.

"Við hefðum átt að gera út um þennan leik en við nýttum ekki færin okkar. Við hefðum átt að komast í 2-0 í leiknum en þá fengum við á okkur mark eftir fast leikatriði. Síðan fengum við gott færi í stöðunni 1-1 og tvö dauðafæri í stöðunni 2-1 fyrir þá. Við létum þá finna fyrir okkur og sköpuðum okkur færi - en þeir nýttu sín færi betur og þar lá munurinn í dag," sagði Jol.