Fréttir af falli óbreyttra borgara rannsakaðar

Bandaríski herinn rannsakar nú ásakanir þess efnis að fjöldi óbreyttra borgara hafi fallið í átökum bandarískra hermanna og talibana í afganistan. Talsmenn á vegum Sameinuðu þjóðanna og afganskra stjórnvalda segja að um 50 óbreyttir borgarar hafi fallið í bardögum á föstudag og sunnudag í síðustu viku. Bardagarnir voru háðir í Herat héraði og beitti bandaríski herinn loftárárásum í þeim.

Hamid Karzai, forseti Afganistan sagði í gær að fjöldi dauðsfalla í röðum óbreyttra borgara hefði náð hæðum sem væru „óásættanlegar". Bandaríski herinn hefur enn ekki tekið undir fréttir þess efnis að óbreyttir borgara hafi fallið í þessum bardögum en í dag lýsti æðsti herforingi Bandaríkjamanna í landinu því yfir að málið yrði rannsakað