Fórnaði lífi sínu fyrir nemendurnar

Kennari í Virginia Tech háskólanum fórnaði lífi sínu til að forða nemendum sínum frá því að verða Cho Seung-Hui,suður-kóreska skotmanninum, að bráð. Kennarinn, sem var af rúmensku bergi brotinn, notaði líkamsþunga sinn til að hindra Cho gæti opnað hurðina að kennslustofunni á meðan nemendurnir stukku út um gluggann.

Kennarinn, Liviu Librescu, var 76 ára gamall og kenndi vélaverkfræði við Virginia Tech háskólann. Hann var gyðingur og lifði af helförina á tímum seinni heimsstyrjaldar.

Þegar skotárásirnar byrjuðu var Liviu að kenna á annari hæð í Norris Hill byggingunni. Þegar Cho reyndi að komast inn í kennslustofuna notaði Liviu líkama sinn til að hindra að Cho gæti opnað hurðina. Á meðan stukku nemendurnir út um gluggann og fótbrotnuðu sumir í fallinu. Stuttu síðar lét Liviu lífið af völdum skotsára.

Nemendur í þýskutíma á hæðinni fyrir ofan voru ekki eins heppnir en þeir hlóðu stólum og borðum fyrir dyrnar til loka aðgengi að stofunni undir stöðugri skothríð frá Cho. Aðeins sex af fimmtán nemendum sem voru í tímanum lifðu af.