Ben Foster í byrjunarliði Englendinga

Markvörðurinn Ben Foster frá Manchester United mun spila sinn fyrsta leik fyrir enska landsliðið annað kvöld þegar liðið mætir Spánverjum í vináttuleik. Steve McClaren hefur tilkynnt byrjunarlið sitt fyrir leikinn og gefur Foster, sem spilar sem lánsmaður hjá Watford, tækifæri til að sanna sig milli stanganna.

Jonathan Woodgate stendur í hjarta varnarinnar ásamt fyrrum félaga sínum Rio Ferdinand frá Leeds. Phil Neville spilar stöðu vinstri bakvarðar og bróðir hans Gary verður hægri bakvörður.

Kieron Dyer, Michael Carrick, Frank Lampard, Shaun Wright Phillipsog Steven Gerrard verða á fimm manna miðju og Peter Crouch hjá Liverpool veður einn í framlínunni.

Leikur Spánverja og Englendinga á Old Trafford verður sýndur beint á sjónvarpsstöðinni Sýn annað kvöld.