Svartsýnir á að halda Montella

Forráðamenn Fulham viðurkenna að ólíklegt verði að teljast að félagið haldi ítalska framherjanum Vincenzo Montella lengur en út tímabilið eftir að hann sló í gegn í fyrstu leikjum sínum með Fulham og hefur skorað fjögur mörk í þremur leikjum.

Montella er í láni hjá Fulham frá Roma út leiktíðina og hefur slegið í gegn frá fyrsta leik. "Montella er með langan og feitan samning við Roma og hann kom bara hingað til að fá að spila. Hann hefur hinsvegar smollið ótrúlega vel inn í allt hérna hjá okkur, hann er að læra ensku þrisvar í viku og stuðningsmennirnir elska hann, " sagði sagði Chris Coleman, stjóri Fulham.