Wenger hefur fulla trú á kjúklingunum

Arsene Wenger ætlar ekki að breyta út af vananum annað kvöld þegar Arsenal sæki granna sína í Tottenham heim á White Hart Lane í fyrri viðureign liðanna í undanúrslitum enska deildarbikarsins, en þar mun Arsenal tefla fram svipuðu liði og burstaði Liverpool í keppninni á dögunum.

"Strákarnir lögðu Everton og Liverpool á útivelli áður í keppninni og því ættu þeir þá ekki að geta unnið Tottenham? Þetta verða frábærir leikir og ég á von á því að strákarnir verði tilbúnir. Það má líka ekki gleyma því að þeir náðu alla leið í undanúrslit í fyrra, en þeir eru betri núna," sagði Wenger.

Leikur Tottenham og Arsenal verður í beinni á Sýn annað kvöld.

Líklegt lið Arsenal:Almunia, Hoyte, Toure, Djourou, Connolly, Traore, Walcott, Diaby, Denilson, Julio Baptista, Aliadiere, Poom, Merida, Lansbury, Randall, Adebayor, Senderos, Flamini.