Ég er sáttur hjá Chelsea

Jose Mourinho segist vera ánægður með lífið hjá Chelsea og vill klára samning sinn við félagið sem gildir til ársins 2010. Mikið hefur verið rætt um að Mourinho sé að hætta hjá Chelsea í sumar, en Portúgalinn litríki segist vera búinn að koma sér fyrir í London og hefur engan hug á að yfirgefa félagið.

"Ég elska Chelsea, úrvalsdeildina og knattspyrnuna á Englandi. Fjölskylda mín er búin að koma sér vel fyrir hérna og ég held að það væri ekki gott að flytja héðan núna. Ég vil helst af öllu klára samning minn við félagið," sagði Mourinho í dag.