Solano útilokar ekki að spila í Bandaríkjunum

Miðjumaðurinn skemmtilegi Nolberto Solano hjá Newcastle gagnrýndi harðlega ákvörðun David Beckham að fara til Bandaríkjanna frá Real Madrid, en segist sjálfur vel geta hugsað sér að spila í Ameríku þegar hann hættir í ensku úrvalsdeildinni.

Perúmaðurinn segir að Beckham hafi bara ákveðið að fara til Ameríku til að geta skemmt sér með fræga fólkinu, en segist sjálfur vilja halda áfram að leika á Englandi. "Vonandi get ég spilað áfram hér á Englandi í tvö ár í viðbót eða svo, en mér hefur reyndar ekki verið boðinn samningur enn, svo ég verð að sjá til með það. Ef ég fæ ekki annan samning hérna, væri ég til í að spila í Suður- eða Norður-Ameríku," sagði Solano.