Bent má fara fyrir rétt verð

Alan Curbishley, nýráðinn stjóri Charlton í ensku úrvalsdeildinni, hefur nú viðurkennt að félagið gæti þurft að selja framherjann Darren Bent - en aðeins ef rétt verð fæst fyrir hann.

Charlton er sagt vilja hærri upphæð en þær 7 milljónir punda sem talið er að Tottenham hafi þegar boðið í leikmanninn. Bent er raunar meiddur á hné og verður frá keppni næstu vikurnar.

"Það lítur út fyrir að hann hafi fallið eitthvað í verði en ef menn halda að hann sé falur fyrir 7 milljónir punda, er þá að dreyma. Hann er algjör toppleikmaður og er í enska landsliðinu. Hann er leikmaður Charlton í augnablikinu, en við þurfum á leikmönnum að halda sem geta hjálpað okkur strax," sagði Curbishley.