Abbas setur nýja ríkisstjórn í dag

Mahmoud Abbas forseti Palestínu hefur gefið út tilskipun um að ákvæði í stjórnarskrá sem takmarka völd forsetans skuli sniðgengin svo hann geti komið á fót neyðarstjórn. Aðstoðarmenn forsetans sögðu að með því gæti hann útilokað Hamasliða úr ríkisstjórninni. Það myndi gera forsetanum kleyft að koma nýrri ríkisstjórn á fót án samþykkis þingsins.

Ný ríkisstjórn forsetans mun því taka við völdum seinna í dag.

Ísraelar hafa brugðist við valdatöku Hamas á Gasa með því að draga verulega úr eldsneytissendingum til svæðisins í dag. Það er gert til að þrýsta á Hamas islamista eftir valdatöku þeirra á Gasa ströndinni. Orkufyrirtæki í Ísrael segist enn tryggja stærri orkustöðvum eldsneyti, en en ekki smærri bensínstöðvum.