Aðgerðin heppnaðist vel

Fimm separ voru fjarlægðir úr ristli George W. Bush Bandaríkjaforseta í aðgerð sem hann gekkst undir í gær. Separnir fundust við hefðbundna krabbameinsskoðun sem var framkvæmd í bústað forsetans í Camp David.

Separnir verða rannsakaðir til að skera úr um hvort krabbamein finnist í þeim en afar ólíklegt þykir að sú verði raunin vegna þess hversu litlir þeir voru.

Á meðan Bush var undir læknishöndum, eða í rúmar tvær klukkustundir, fór varaforsetinn Dick Cheney með forsetavaldið.