Fellibylur veldur skaða í Óman

Tugþúsundir Ómana flúðu hafnarborgina Sohar í fyrradag þegar fellibylurinn Gonu nálgaðist Hormuz-sund, helstu flutningsæð olíu frá Mið-Austurlöndum. Styrkur Gonu fer minnkandi, en 28 hafa farist af völdum hans, þar af þrír í Íran.

Gonu er sterkasti fellibylurinn sem ógnar Arabíuskaga í sextíu ár. Olíuverð hækkaði og útflutningur olíu var stöðvaður.

Rafmagn fór af í höfuðborginni Múskat og vatn flæddi yfir göturnar. Vindurinn fór í hundrað kílómetra hraða á sekúndu. Þyrlur og flugvélar gátu ekki flogið og vegum var lokað.