Davids í viðræðum við Kana

Hollenski miðjumaðurinn Edgar Davids hjá Tottenham fetar mögulega í fótspor David Beckham á næstunni, því knattspyrnustjóri FC Dallas í MLS deildinni hefur nú gefið það upp að félagið sé í viðræðum við Tottenham um að fá Davids til sín. Leikmaðurinn hefur ekki átt fast sæti í liði Tottenham í vetur.

Davids er á háum launum hjá Tottenham og er sagður vera á lausu, en Steve Morrow, fyrrum leikmaður Arsenal, er stjóri Dallas-liðsins og hefur áhuga á að fá Davids áður en félagaskiptaglugginn lokast í Bandaríkjunum í lok mánaðarins.