United er betra lið en Chelsea

Eric Cantona, fyrrum leikmaður Manchester United, segir að United sé með betra lið en Chelsea í dag og verði það næstu árin. Cantona vann sjálfur fjóra meistaratitla með United á sínum tíma og segir Alex Ferguson vera rétta manninn til að tryggja góðan árangur liðsins næstu ár.

"Manchester United getur unnið Chelsea í deildinni - það er enginn vafi á því. Þeir eru með sterkara lið í dag og verða það á næstunni vegna ungra manna eins og Ronaldo og Wayne Rooney. Það góða við það er að Alex Ferguson er svo góður að ná því besta út úr ungum leikmönnum - en það er nokkuð sem ekki allir stjórar geta.

United liðið er sterkt, en þeir verða að sanna að þeir séu nógu góðir til að vinna titla. Liðið er í aðstöðu til að vinna þrennuna og það á að geta það. Þetta er nýtt lið, ný kynslóð og það er nú að ná því jafnvægi sem til þarf til að geta talist besta lið á Englandi."