Taylor hættir sem þjálfari ungmennaliðs Englendinga

Peter Taylor hefur sagt starfi sínu lausu sem þjálfari 21 árs landsliðs Englendinga til þess að einbeita sér að þjálfun enska fyrstu deildar liðsins Crystal Palace. Taylor hefur þjálfað ungmennaliðið í nærri þrjú ár en hann þjálfaði það einnig á árabilinu 1996-1999.

Enska ungmennaliðið undirbýr sig nú fyrir Evrópukeppni ungmennalandsliða í ár en búist er við því að tilkynnt verði um eftirmann Taylors áður en liðið leikur vináttuleik við Spánverja í næstu viku. Meðal þeirra sem nefndir hafa verið til sögunnar eru Stuart Pearce, knattspyrnustjóri Manchester City og Steve Tilson, stjóri Southend.