Verður ekki kærður fyrir þýðingu á Harry Potter

Franskur táningspiltur, sem var handtekinn fyrir að þýða nýjustu Harry Potter bókina yfir á frönsku og birta á netinu, án tilskilinna leyfa, verður ekki kærður fyrir athæfið. Útgefandi bókarinnar í Frakklandi ákvað í samráði við höfundinn, JK Rowling, að falla frá kæra.

Þegar hinn sextán ára táningur var handtekinn fyrir athæfi sitt tjáði hann lögreglu að hann hefði ekki haft í hyggju að þéna á þýðingu sinni. Þýðing hans birtist á netinu nokkrum dögum eftir að bókin kom út á ensku, þann 21. Það kom mörgum á óvart hversu fagmannleg þýðing drengsins var. Samt sem áður þótti athæfið gróft brot á höfundarréttarlögum.

Opinberleg, frönsk þýðing bókarinnar, sem ber enska titillinn Harry Potter and the Deathly Hallows, kemur út þann 26. október.

Þessi lokahluti ævintýrsins um Harry Potter hefur rokselst. Bókin seldist í um 11 miljónum eintaka fyrsta sólarhringinn. Engin bók hefur selst jafn hratt.