Dæmdur fyrir morð á belgískum friðargæsluliðum

Belgískur dómstóll dæmdi í dag Bernard Ntuyahaga, fyrrverandi hershöfðingja í Rúanda, fyrir morð á 10 belgískum friðargæsluliðum árið 1994. Hann var hins vegar sýknaður fyrir morðið á Agathe Uwilingiyimana, þingmanni í Rúanda.

Ntuyahaga var gefið að sök að hafa rænt friðargæsluliðunum af heimili þingmannsins. Hann lét þá síðan í hendur annarra hermanna á herstöð í höfuðborginni Kigali, þar sem þeir voru lamdir, skotnir eða skornir til bana.

Morðin á friðargæsluliðunum leiddu til þess að friðargæslulið sameinuðu þjóðanna dró sig frá Rúanda og í kjölfarið voru 800,000 Tútsar og hófsamir Hútúar drepnir. Mark Doyle, blaðamaður BBC, sem var í Rúanda þegar þjóðarmorðin áttu sér stað, segir að morðin á friðargæsluliðunum hafi verið mikill áhrifaþáttur því að í kjölfarið á þeim hafi Sameinuðu þjóðirnar misst stjórn á ástandinu í Rúanda.

Dómarar munu ákveða refsingu Ntuyahaga á morgun.