Hollt að leggja sig yfir daginn

Að leggja sig yfir daginn getur dregið úr hættu á að deyja úr hjartasjúkdómi, samkvæmt viðamikilli rannsókn grískra vísindamanna sem sagt er frá á fréttavef BBC.

Sex ára rannsóknir sýndu fram á að þeir sem lögðu sig í hálftíma yfir daginn að minnsta kosti þrisvar sinnum í viku voru í 37 prósent minni hættu en aðrir á að deyja vegna hjartasjúkdóma eftir að tekið hafði verið tillit til heilsufars, aldurs og líkamlegs forms.

Sérfræðingar sögðu að miðdegishvíldin gæti hjálpað fólki að slaka á og þar með draga úr streitu.