Breski herinn heim frá Norður Írlandi

Neyðaraðgerð breska hersins á Norður-Írlandi, sem staðið hefur í þrjátíu og átta ár, líkur á miðnætti.

Þetta er lengsta herseta breska hersins utan heimahaganna, en herliðinu var ætlað að veita norður-írsku lögreglunni aðstoð í baráttu hennar gegn hryðjuverkum.

Fleiri en 300 þúsund hermenn hafa tekið þátt í aðgerðunum og hafa 763 verið drepnir af vígamönnum. Fimm þúsund hermenn verða eftir, en öryggisgæsla verður alfarið í höndum lögreglu.

Herliðið var sent sem friðargæslulið til Írlands árið 1969, eftir blóðug átök kaþólikka og mótmælenda.

Minningarathöfn um þá sem hafa látist í átökunum fór fram í St Annes kirkjunni í belfast í gær. Varnamálaráðherra Breta, Bob Ainsworth sagði við það tilefni að dagurinn markaði tímamót, þar sem herinn yrði nú eðlilegri partur af samfélaginu, líkt og á öðrum stöðum í landinu. Þá hrósaði hann óbreyttum borgurum sem hafi aðstoðað herinn og sagði þá, líkt og samfélagið í heild hafa mátt þola dauða og hörmungar í stríðinu.