Anelka vill fara aftur til Arsenal

Franski framherjinn Nicolas Anelka viðurkenndi í samtali við fjölmiðla í heimalandi sínu um helgina að hann væri vel til í að fara aftur til Arsenal, þar sem hann hóf feril sinn á Englandi á sínum tíma. Þessi ummæli hans fara eflaust öfug ofan í knattspyrnustjóra hans Sam Allardyce hjá Bolton.

Anelka gekk í raðir Arsenal árið 1998 og spilaði þar stórt hlutverk í liðinu sem vann tvöfalt. Hann var svo seldur til Real Madrid fyrir 23,3 milljónir punda en hefur verið á nokkru flakki milli liða allar götur síðan.

"Það væri frábært að fara aftur til Arsenal. Það er frábært félag með mikinn metnað og svo er Arsene Wenger einn besti þjálfari heimsins. Hann hafði mikil áhrif á mig á sínum tíma og ég átti frábær augnablik með félaginu," sagði Anelka.