Mannskæðasta árásin frá 2001

Að minnsta kosti 35 létust og 52 særðust þegar rúta með lögreglukennurum var sprengd í loft upp í Kabúl, höfuðborg Afganistan, í gær í mannskæðustu árásinni frá innrás Bandaríkjahers og bandamanna í Afganistan árið 2001. Talibanar lýstu ábyrgð á árásinni á hendur sér.

Forseti Afganistan, Hamidd Karzai, fordæmdi árásina sem hann sagði tilraun „óvina Afganistan“ til að stöðva þróun öryggissveita landsins. Sveitirnar spila lykilhlutverk í áætlun Bandaríkjanna og Atlantshafsbandalagsins um að stjórnvöld í Afganistan taki yfir stjórn öryggismála í landinu. -