Varasamt tannkrem

Colgate tannkremstúpur hafa verið afturkallaðar í fjórum fylkjum Bandaríkjanna vegna gruns um að þau innihaldi eitruð efni.

Doug Arbesfeld, hjá Lyfja- og matvælaeftirliti Bandaríkjanna, staðfesti að prófanir hefðu leitt í ljós að eiturefni hefðu fundist í Colgate tannkremstúpum. Hann sagði þó ekki víst hvort þetta væri raunverulega Colgate vara. Mögulega væri um eftirlíkingu að ræða.

Efnið fannst við reglubundið eftirlit Lyfja- og matvælastofnunarinnar, en talið er að um sé að ræða, diethylene glycol, en efnið er notað til að afþýða. Þetta kemur fram á vef Associated Press.