Hálf milljón manna hefur þurft að yfirgefa heimili sín

Yfir 500 þúsund manns hafa fengið fyrirskipun um að yfirgefa heimili sín í Kalíforníu. Þar geysa nú miklir eldar. Mikið hvassviðri er í Kalíforníu þessa dagana og breiðast eldarnir því hratt út. Þeir ná frá Santa Barbara til landamæra að Mexíkó. Tveir hafa látist í eldunum og 1200 heimili og fyrirtæki hafa eyðilagst, eftir því sem yfirvöld í Mexíkó segja. Gert er ráð fyrir að George W. Bush Bandaríkjaforseti haldi til Kalíforníu á fimmtudag. Forsetinn var gagnrýndur mjög fyrir að bregðast seint og illa við náttúruhamförunum þegar fellibylurinn Katrín skók New Orleans.