Heiðar skoraði fyrir Fulham

Chelsea náði í dag að minnka forskotið á Manchester United niður í þrjú stig á toppi ensku úrvalsdeildarinnar með 1-0 útisigri á Hermanni Hreiðarssyni og félögum í Charlton. Heiðar Helguson var á skotskónum hjá Fulham í sigri á Newcastle og West Ham tapaði enn einum leiknum.

Heiðar Helguson nýtti sér varnarmistök Newcastle til að skora fyrsta mark Fulham og var þetta fyrsti sigur liðsins í átta leikjum í úrvalsdeildinni. Frank Lampard skoraði markið sem skildi Chelsea og Charlton að og Norðmaðurinn John Carew skoraði sigurmark Aston Villa gegn lánlausu liði West Ham. 

Einn leikur er eftir í dag og það er viðureign Middlesbrough og Arsenal. Tottenham og Manchester United eigast við á White Hart Lane á morgun.

Úrslit dagsins: 

Aston Villa 1-0 West Ham United

Blackburn Rovers 2-1 Sheffield United

Charlton Athletic 0-1 Chelsea

Fulham 2-1 Newcastle United

Liverpool 0-0 Everton

Manchester City 0-2 Reading

Watford 0-1 Bolton Wanderers

Wigan Athletic 1-0 Portsmouth