Hringdi 300 sinnum í 911

Yfirvöld í Bandaríkjunum hafa haft hendur í hári fjögurra ára stúlku sem hringdi tæplega þrjú hundruð sinnum í neyðarlínuna 911 í júní.

Stúlkan hringdi oft á dag í neyðarlínuna úr farsíma án vitundar móður hennar. Þrátt fyrir að heyra í stúlkunni gátu starfsmenn neyðarlínunnar aðeins rakið símtalið til fjölbýlishússins sem stelpan býr í.

Loks spurðu starfsmenn neyðarlínunnar stúlkuna hvað hún vildi. Hún sagðist vilja McDonald‘s hamborgara. Henni var þá lofað hamborgara ef hún segði til um hvar hún ætti heima. Hún tók því tilboði.