Smitaði táningsstúlkur af HIV

Rúmlega þrítugur maður hefur verið handtekinn í Svíþjóð grunaður um að hafa smitað tvær stúlkur af HIV. „Við teljum að hann hafi verið í sambandi við alls um 130 stúlkur og ungar konur sem hann hitti á netinu,“ segir Diana Sundin hjá lögreglunni í Stokkhólmi á vefútgáfu Aftonbladet.

Maðurinn notaði nafnið „Hot Boy“ og eiga brotin að hafa átt sér stað 2003-2006, meðal annars í hverfinu Hässelby og Nynäs í Stokkhólmi. Maðurinn, sem er breskur ríkisborgari, hefur verið HIV-jákvæður í fimmtán ár. Hann er grunaður um gróft ofbeldi og HIV-smitburð.