Bandalag menningarheima vill brúa bilið milli miðausturs og vesturs

Hópur skipulagður af Sameinuðu þjóðunum, 20 áberandi menn og konur frá ýmsum stöðum og menningarheimum, kalla eftir tafarlausum aðgerðum til að brúa bilið milli múslima og hins vestræna menningarheims. Hópurinn gengur undir nafninu Bandalag menningarheima og krefst fræðslu til að berjast á móti fordómum og fáfræði.

Þeir segja aðalorsökina ekki vera trúarbrögð eða sprottna úr sögunni, heldur byggist þetta á nýlegum stjórnmálaatburðum, nefnilega baráttunni milli Ísraelsmanna og Palestínumanna. Þessi gagnkvæmi ótti og illvilji styrkist svo af fáfræði og staðalímyndum.

Meðal annarra eiga sæti í nefndinni erkibiskupinn Desmond Tutu og Mohammed Khatami, fyrrverandi forseti Írans. Þeir vilja ekki segja að þessir árekstrar menningarheima séu óumflýjanlegir en segja að skjótra viðbragða sé þörf.

Skýrsla Bandalags menningarheima var kynnt af Kofi Annan, framkvæmdastjóra Sameinuðu þjóðanna, með viðhöfn í Istanbúl í Tyrklandi í morgun.