Mótmæla ásókn Walmart í Mexíkó

Mexíkóskir og bandarískir mótmælendur tóku höndum saman í gær til þess að mótmæla aukinni starfsemi bandarísku verslunarkeðjunnar Walmart í Mexíkó. Fyrsti formlegi tvíhliða Mexíkó-bandaríski fundurinn gegn Walmart var settur í gær, rétt eftir að verslanakeðjan tilkynnir um opnun fjögurra nýrra útsöluverslana, veitingastaðar og fatabúðar, þar með er fjöldi útibúa Walmart í Mexíkó kominn upp í 870.

Mótmælendurnir segja að búðirnar útrými litlum verslunareigendum sem geti ekki keppt við verðið og þar með ógni þær menningu Mexíkóa og þjóðfélagsmunstri.