Hækkað öryggisstig vegna bréfs sem sumir segja „augljóst gabb“

Bréfið er á tamíltungu og varar við því að Al kaída hafi komið fyrir „nútímalegu sprengiefni" á ónafngreindum flugvöllum í borginni Chennai (fyrrum Madras) og héraðinu í kring: Tamil Nadu, auk nágrannahéraðsins Kerala. Einnig er í bréfinu varað við bílasprengjum. Rökin fyrir því að bréfið sé falsað eru meðal annars þau að nafnið „Allah Osama" sem birt er í nafninu geti ekki staðist vegna þess að enginn múslimi myndi nota nafn Guðs svo kæruleysislega. Einnig þykir draga úr trúverðugleika bréfsins að flugvellirnir séu ekki nafngreindir.

En lögreglan hættir ekki á neitt enda muna menn þegar nafnlaust viðvörunarsímtal var afskrifað sem rökleysa árið 1984. Síðan sprakk sprengja á Chennai-flugvelli sem varað var við og 40 manns létust.