Benitez svarar fyrir sig

Rafa Benitez, framkvæmdastjóri Liverpool, hefur verið harðlega gagnrýndur uppá síðkastið vegna gegni liðsins í deildinni heima fyrir, en Liverpool er sem stendur í ellefta sæti deildarinnar og hefur tapað fjórum af fyrstu níu leikjum tímabilsins. Benitez hefur einnig verið gagnrýndur fyrir að láta fyrirliða liðsins, Steven Gerrard, spila í stöðu hægri kantmanns en Benitez hefur nú varið þá ákvörðun sína.

"Gerrard hefur frelsi til að fara inn á miðjuna og koma sér í auð svæði til að sækja. Ef að Gerrard hefði spilað inn á miðjunni allan leikinn gegn Manchester United þá hefðu Scholes og Carrick alltaf verið hjá honum til að pressa hann. Gerrard getur skapað vandræði fyrir andstæðinginn með því að koma inn á miðjuna frá kantinum og Garcia og Gerrard sköpuðu ursla fyrir vörn Manchester United í leiknum," sagði Rafa Benitez.