Herferð til bjargar listaverkum

Frægustu listaverk Ítalíu liggja undir skemmdum. Til að bregðast við vandanum reyna ítölsk yfirvöld að fá almenning til að opna seðlaveskin með því að sýna fram á hversu fátækleg Ítalía yrði án listarinnar. Hringleikahúsið Coloseum, Forum Romanum eða miborg gömlu Rómarborgar og eitt frægasta málverk veraldar; Síðsta máltíð Leonardos DaVincis liggur undir skemmdum, vegna mengunar, skemmdarverka og vanhirðu. Coloseum er haldið uppi með múrsteinum og vírum, og verðmætir listmunir liggja eins og hráviði á jörðinni við Forum Romanum . Yfirvöld í Ítalíu verja meira en jafnvirði sjötíu og sjö milljörðum íslenskra króna ár hvert til að viðhalda byggingum og listaverkum í landinu, en það hrekkur skammt. Nú hefur verið hrundið af stað dramatískri auglýsingaherferð sem á að blása Ítölum í brjóst að leggja fram fjármuni til að viðhalda þjóðargersemunum. Þar má meðal annars sjá Róm án Coliseum, David hans Michaelangelos með einn fótlegg, og Síðustu kvöldmáltíðina án Krists.