25 þúsund líkpokar

Bob Johannessen, talsmaður heilbrigðisyfirvalda í borginni, var spurður hvort yfirvöld byggjust við að finna 25 þúsund lík í borginni, svaraði hann: "Við vitum ekki við hverju við eigum að búast." Borgarstjóri New Orleans, Ray Nagin hefur sagt opinberlega að tala látinna geti náð tíu þúsund. Þegar hefur bráðabirgðalíkhús verið útbúið í vöruhúsi í úthverfi borgarinnar sem tekið getur á móti fimm þúsund líkum. Þá er óttast að allt að þúsund manns hafi látist í Mississippi. Georg Bush Bandaríkjaforseti hefur beðið þingið að samþykkja að veita um 52 milljörðum Bandaríkjadala, eða um 3.200 milljarða íslenskra króna, til hjálparstarfanna í viðbót við þá rúmu tíu milljarða, eða sex hundruð milljarða íslenskra króna. sem þegar hafa verið samþykktar. Alls mun Bandaríkjaþing þá hafa samþykkt fjárveitingar upp á tæpar 4000 milljarða íslenskra króna vegna hjálparstarfanna.