Þjóðverjar skammaðir

Þýskar vegabréfsáritanir, sem gefnar voru út á árunum 1999 til 2002, stóðust ekki reglur Evrópusambandsins sem miða að því að koma í veg fyrir ólöglega innflytjendur. Starfsmönnum þýskra sendiráða var ekki sagt að þeir þyrftu að krefjast sönnunar fyrir því að ferðalangar sem ætluðu til Þýskalands hefðu keypt sér miða til baka og að ferðalangarnir hefðu næg fjárráð fyrir dvölina innan Evrópusambandsins. Einnig gleymdist að athuga af hverju ferðalangar vildu ferðast til Evrópusambandsins. Þjóðverjar breyttu reglum sínum um útgefnar vegabréfsáritanir árið 2004, til samræmis við reglur Evrópusambansins.