Fleiri fréttir

Lækkunin nemur 5.000.000.000.000 dollurum

Fréttavefur Bloomberg segir lækkun hlutabréfamarkaða heimsins síðustu vikuna nema fimm billjónum dollara en í þeirri tölu koma tólf núll á eftir fimmunni. Við það má bæta tveimur núllum til að finna hvað þetta gerir í íslenskum krónum.

Financial Times veltir fyrir sér ábyrgð íslenska ríkisins gagnvart Icesave

Breskir fjölmiðlar fylgjast grannt með ástandinu á Íslandi. Menn eru aðallega að velta fyrir sér stöðunni sem komin er upp með Icesave netbanka Landsbankans í Bretlandi. Financial Times veltir fyrir sér hversu vel tryggðar innistæður viðskiptavina bankans eru í nokkuð ítarlegri grein. Þar er því velt fyrir sér hvort íslensk stjórnvöld standi undir því að tryggja innistæður breskra sparifjáreigenda Icesave.

Seðlabanki Danmerkur hækkar stýrivexti í 5%

Seðlabanki Danmerkur hefur, öllum að óvörum, hækkað stýrivexti sína um 40 punkta og í 5%. Ástæðan er neikvæður vaxtamunur við evrusvæðið og mikið útstreymi af gjaldeyri frá landinu.

Davíð Oddsson á Bloomberg: Viðræður við Rússa eru í gangi

Davíð Oddsson seðlabankastjóri segir í samtali við Bloomberg-fréttaveituna að viðræður við Rússa um stórt lán séu í gangi. Davíð segir jafnframt að tilkynning Seðlabankans í morgun hefði verið röng, en þar sagði að lánið væri í húsi.

Asíumarkaðir lækka

Hlutabréf lækkuðu á mörkuðum í Asíu í morgun í kjölfar verðlækkunar á evrópskum og bandarískum mörkuðum í gær.

Svartsýnir í röðum bandarískra fjárfesta

Gengi hlutabréfa í fjármálafyrirtækjum féll með skelli á bandarískum hlutabréfamarkaði í dag en fjárfestar vestanhafs óttast nú að viðamiklar björgunaraðgerðir bandarískra stjórnvalda, sem gengu í gegnum þingið á föstudag, dugi ekki til að koma fjármálakerfinu á réttan kjöl.

Segja að Nordea sé með FIH-bankann í sigtinu

Sænskir greinendur telja að Nordea hafi áhuga á að kaupa FIH-bankann danska af Kaupþingi. Fyrr í dag komu fréttir um að Nordea gæti hugsað sér að kaupa eitthvað af eigum Kaupþings á Norðurlöndunum.

Dow Jones ekki lægri í fimm ár

Dow Jones-hlutabréfavísitalan hefur fallið um 3,39 prósent í dag og stendur vísitalan í 9.974 stigum. Hún hefur ekki verið lægri síðan seint í nóvember árið 2003 þegar hún var að rísa upp eftir að netbólan sprakk og hryðjuverkaárásir á Bandaríkin.

Enn einn skellurinn í Bandaríkjunum

Enn einn skellurinn var á bandarískum hlutabréfamarkaði í dag en fjárfestar telja björgunaraðgerðir stjórnvalda, sem fulltrúaþing Bandaríkjaþings samþykkti í síðustu viku, hvergi duga til að koma fjármálakerfinu aftur á réttan kjöl.

deCode á athugunarlista Nasdaq

deCODE genetics, móðurfélag Íslenskrar erfðagreiningar, á það á hættu að vera hent út úr Nasdaq Global markaðnumþar sem gengi bréfanna hefur lækkað mikið.

Hlutabréf á niðurleið í Asíu

Hlutabréf lækkuðu í verði á Asíumörkuðum í morgun og telja greiningaraðilar að meðal annars megi rekja lækkunina til vantrúar markaðsaðila á því að 700 milljarða bankabjörgunaráætlun Bandaríkjastjórnar nægi til að koma í veg fyrir að verulega hægist á hagvexti í heiminum.

Kauphöllin í Kaupmannahöfn opnaði með blóðbaði

Kauphöllin í Kaupmannahöfn opnaði með blóðbaði í morgun eins og það er orðað í dönskum fjölmiðlum. C20-vísitalan féll um sex prósent og eru það bankarnir Danske Bank og Nordea sem leiða lækkunina.

Næststærsta banka Þýskalands bjargað

Stjórnvöld í Þýskalandi hafa komist að samkomulagi við samtök þýskra fjármálafyrirtækja um að bjarga íbúðabankanum Hypo Real Estate, næststærsta banka landsins. Frá þessu var greint í kvöld.

Unnið að björgunarpakka fyrir nauðstadda banka í Danmörku

Það er víðar en á Íslandi sem unnið er að björgunarpökkum fyrir fjármálakerfið því danskir miðlar greina frá því að ríkisstjórnin þar í landi og bankarnir séu að komast að samkomulagi um sérstakan sjóð upp á 35 milljarða danskra króna, jafnvirði um 700 milljarða íslenskra króna, fyrir banka í neyð.

Karl Svíakóngur tapar miklu á fjármálakreppunni

Karl Svíakóngur hefur ekki farið varhluta af fjármálakreppunni. Samkvæmt frétt í Aftonbladet hefur Karl tapað um 10 milljónum sænskra króna eða nær 160 milljónum kr. á síðustu vikum.

Fjármálakreppan á Íslandi gæti haft áhrif á Skota

Skoska blaðið Sunday Mail segir í morgun að fjármálakreppan á Íslandi geti haft áhrif á stærstu verslunakeðjur Skotlands. Sérstaklega er vísað til búða á vegum keðjanna Iceland og Jenners og einnig House of Fraser sem er sameiginlega í eigu Baugs og skoska auðjöfursins Tom Hunter.

Gengi DeCode hefur aldrei verið lægra

Gengi hlutabréfa í DeCode, móðurfélagi Íslenskrar erfðagreiningar, féll um 10,81 prósent á Nasdaq-markaðnum í Bandaríkjunum í dag og endaði gengi bréfa í fyrirtækinu í 33 sentum á hlut.

Englandsbanki opnar bönkum dyrnar á gátt

Englandsbanki hefur rýmkað reglur um veð sem gerir breskum bönkum auðveldara um vik að sækja sér lausafé. Í tilkynningu sem bankinn sendir frá sér í dag segir að hann hafi ákveðið að gera þetta vegna lausafjárþurrðar á fjármálamörkuðum um þessar mundir.

Breska ríkið hækkar tryggingu á bankainneignum Breta

Breska ríkið tryggir nú bankainneignir Breta upp að jafnvirði tæplega tíu milljóna króna samkvæmt tilkynningu frá í morgun. Áður ábyrgðist breska ríkið jafnvirði tæplega sjö milljóna króna.

Heimsmarkaðsverð á olíu hríðfellur

Heimsmarkaðsverð á olíu heldur áfram að hríðfalla á mörkuðum bæði vestan hafs og austan. Í Texas er olíutunnan komin í rúma 93 dollara og Brent-olían á markaðinum í London er komin niður í 90 dollara nú í morgun.

Lækkun bréfa í Asíu

Hlutabréf lækkuðu á Asíumörkuðum í morgun og fylgdu eftir lækkun gærdagsins á Wall Street

Enn einn skellurinn á Wall Street

Nýjustu upplýsingar hins opinbera í Bandaríkjunum um samdrátt í framleiðslu og vísbendingar um aukið atvinnuleysi urðu til þess að svartsýni greip um sig í röðum fjárfesta vestanhafs í dag. Bankar og fjármálafyrirtæki hertu enn frekar tökin á sjóðum sínum og hömstruðu fjármagn með þeim afleiðingum að lánsfé varð enn dýrara en í gær.

Sjá næstu 50 fréttir

Mest lesið