Eignir stóreignafólks nema um 350 milljörðum

Samkvæmt upplýsingum frá skattinum hefur hluti landsmanna sloppið vel undan fimbulvetri fjármálakreppunnar.

Lánshæfiseinkunn ÍLS óbreytt hjá Moody´s, horfur stöðugar

Matsfyrirtækið Moody´s heldur lánshæfiseinkunn sinni hjá Íbúðalánasjóði (ÍLS) óbreyttri í Baa3 og með stöðugum horfum.

Ríkissjóður hagnast á fátæku úrvali fjárfestingarkosta

Það er ljóst að fátæklegt úrval fjárfestingakosta aðstoðar ríkissjóð við að fá ódýra fjármögnun. Fjárfestar hafa fáa möguleika til að ávaxta fé sitt aðra en kaup á ríkisskuldabréfum.

Hagnaður Össurar hf. sjöfaldast milli ára

Hagnaður Össurar hf. á öðrum ársfjórðungi sjöfaldaðist miðað við sama tímabil í fyrra. Hagnaðurinn í ár nam tæplega 1,7 milljörðum króna en í fyrra varð hann rúmlega 240 milljónir króna.

Einblínir á sushi-markaðinn

Dótturfélag Atlantis Group, félags í íslenskri eigu, er orðið langstærsta fyrirtækið á sviði túnfiskseldi í heiminum eftir sameiningu við mexíkóskt eldisfyrirtæki. Fyrirtækið framleiðir nú 20 til 30 prósent af öllum bláuggatúnfiski sem alinn er í kvíum í heiminum.

Stefán Hilmarsson hefur áfrýjað gjaldþrotaúrskurðinum

Stefán H. Hilmarsson endurskoðandi áfrýjaði i gær gjaldþrotaúrskurði Héraðsdóms Reykjavíkur til Hæstaréttar.

Auknar heimtur úr þrotabúi Landsbankans

Samningur milli þrotabús Landsbankans í Lúxemborg, Landsbanka Íslands, Seðlabanka Lúxemborgar og nokkurra af stærstu kröfuhöfum bankans hefur verið samþykktur.

Undirbúa stofnun nýs banka

Undirbúningur að stofnun nýs banka hér á landi er langt komin, að því er fréttavefur Viðskiptablaðsins greinir frá.

Verulegur viðsnúningur í rekstri Nýherja

Verulegur viðsnúningur hefur orðið í rekstri Nýherja á fyrri árshelmingi ársins miðað við sama tímabil í fyrra, samkvæmt tilkynningu frá fyrirtækinu.

Icesave ekki hluti af skuldauppgjöri

Icesave reikningar Landsbankans eru ekki hluti af skuldauppgjöri Björgólfs Thors Björgólfssonar þrátt fyrir að félag í hans eigu hafi átt tæplega helming hlutabréfa í bankanum og fengið marga milljarða í arð. Talsmaður Björgólfs segir að hann beri enga ábyrgð á Icesave.

Runólfur Ágústsson er umboðsmaður skuldara

Runólfur Ágústsson, lögfræðingur, hefur verið skipaður í nýtt embætti umboðsmanns skuldara sem tekur til starfa 1. ágúst næstkomandi.

Gamma hækkaði lítillega í dag

Skuldabréfavísitalan GAMMA: GBI hækkaði lítillega í dag í 3,6 ma. viðskiptum. GAMMAi: Verðtryggt lækkaði lítillega í 1,7 ma. viðskiptum og GAMMAxi: Óverðtryggt hækkaði um 0,2% í 1,9 ma. viðskiptum.

Mjög dregur úr viðskiptum með atvinnuhúsnæði

Mjög hefur dregið úr viðskiptum með atvinnuhúsnæði í kreppunni. Í júní síðastliðnum var 68 kaupsamningum og afsölum um atvinnuhúsnæði þinglýst á landinu öllu. Í sama mánuði árið 2006,þegar viðskiptin voru hvað mest á þessum markaði í aðdraganda þenslunnar sem endaði með bankahruninu, var 311 skjölum þinglýst.

Sendinefnd AGS mælir með þriðju endurskoðuninni

Sendinefnd Alþjóðagjaldeyrissjóðsins (AGS) segir að hún muni mæla með því að stjórn sjóðsins afgreiði og samþykki þriðju endurskoðunin á áætlun sjóðsins fyrir Ísland í september n.k.

Segir að Deutsche Bank gæti tapað 200 milljörðum á Actavis

Reuters hefur heimildir fyrir því að Deutsche Bank gæti þurft að taka á sig hátt í 1,5 milljarða evra eða allt að 200 milljarða króna skell við endurskipulagninguna á Actavis sem tilkynnt var um í gærdag.

Íslendingar undir þrýstingi að leysa Icesave í ESB viðræðum

Íslendingar verða beittir þrýstingi til að leysa Icesavedeiluna og að endurskoða fiskveiðistefnu sína í komandi aðildarviðræðum við Evrópusambandið, en þær eiga að hefjast í næstu viku.

Björgólfur lagði áherslu á að halda Fríkirkjuveginum

Björgólfur Thor Björgólfsson lagði mikla áherslu á það við 1.200 milljarða skuldauppgjör að halda í sinni eigu sögufrægu húsi við Fríkirkjuveg, sem langafi hans lét reisa fyrir hundrað árum. Björgólfur segir að engar skuldir verði afskrifaðar en inn í uppgjörinu er hluti skulda föður hans.

Segja stefnuna tilefnislausa

PricewaterhouseCoopers hf. krefst frávísunar á máli slitastjórnar, skilanefndar og fulltrúa Glitnis gegn fyrirtækinu sem höfðað er fyrir dómstóli í New York. Í yfirlýsingu sem Reynir Vignir, framkvæmdastjóri hjá PricewaterhouseCoopers, sendi frá sér í kvöld segist hann telja að stefnan sé tilefnislaus og ekki á rökum reist.

Um 4,7 milljarða viðskipti á skuldabréfamarkaði

Skuldabréfavísitalan GAMMA: GBI lækkaði um 0,2% í dag í 4,7 ma. viðskiptum. GAMMAi: Verðtryggt lækkaði um 0,2% í 2,3 ma. viðskiptum og GAMMAxi: Óverðtryggt lækkaði lítillega í 2,4 ma. viðskiptum.

Nýir eigendur og forstjóri hjá Tali

Nýir eigendur tóku í dag við rekstri Tals. Ingvar Garðarson var ráðinn forstjóri félagsins. Kjartan Örn Ólafsson hefur keypt 5% hlut í Tali sem er annars í eigu Auðar I fagfjárfestasjóðs.

Skuldir Samsonar og Björgólfs eldri einnig gerðar upp

Skuld Björgólfsfeðga við Arion banka upp á sex milljarða króna er hluti af heildarskuldauppgjöri Björgólfs Thors og Novators. Einnig 11 milljarða króna skuld vegna viðskipta föður hans og skuldir Samsonar eignarhaldsfélags.

Samningum um endurfjármögnun Actavis lokið

Gengið hefur verið frá samningum um endurfjármögnun Actavis Group í samvinnu við lánardrottna félagsins. Stærsti lánadrottinn Actavis er Deutsche Bank.

Seðlabankinn heldur dráttarvöxtum óbreyttum

Seðlabankinn hefur ákveðið að halda dráttarvöxtum óbreyttum í 15% í ágúst. Þetta kemur fram í mánaðarlegri tilkynningu bankans um vaxtabreytingar. Vextir af verðtryggðum lánum verða einnig óbreyttir áfram í 4,8%.

Aðeins dregur úr sölu skuldabréfa í útboðum

Heildarsala skuldabréfa í verðbréfaútboðum í júní 2010 nam 28,59 milljörðum kr. á söluverði samanborið við 29,02 milljarða kr. mánuðinn áður.

Greining MP Banka spáir verðhjöðnun

Greining MP Banka spáir verðhjöðnun í þessum mánuði en greiningin reiknar með að vísitala neysluverðs mælist 0,3% lægri í júlí en í júní. Ef það reynist rétt lækkar ársverðbólgan úr 5,7% í 5,2%.

Norðurskel framleiðir 1.000 tonn af krækling á næsta ári

Norðurskel í Eyjafirði mun framleiða 1.000 tonn af kræklingi á næsta ári. Útflutningsverðmætið nemur 200 til 300 milljónum króna.

Segir engar skuldir verða afskrifaðar

Björgólfur Thor Björgólfsson athafnamaður hefur gengið frá samkomulagi við lánardrottna sína um heildaruppgjör skulda. Fram kemur í tilkynningu frá Björgólfi að engar skuldir verði afskrifaðar.

Jón Ásgeir er vinur systur sinnar

Það er ekki nein deila milli systkinanna Jóns Ásgeirs Jóhannessonar og Kristínar Jóhannesdóttur, eftir því sem Jón fullyrðir í yfirlýsingu sem hann hefur sent fjölmiðlum.

Kaupmáttur eykst í fyrsta sinn frá hruni

Hagstofan birtir í dag tölur yfir þróun launa og kaupmáttar fyrir júnímánuð. Tölurnar marka tímamót, því kaupmáttur yfir tólf mánaða tímabil er nú að aukast í fyrsta sinn frá því talsvert fyrir hrun.

Sérfræðingar skoða álitamál um ráðherraábyrgð

Þingmannanefnd sem fjallar um skýrslu rannsóknarnefndar Alþingis hefur falið þremur sérfræðingum að skoða álitaefni sem varða ráðherraábyrgð. Búist er við skýrslu frá þeim í ágúst en eftir það verður væntanlega tekin ákvörðun um það hvort landsdómur verður kallaður saman í fyrsta sinn.

Litlar breytingar á GAMMA

Skuldabréfavísitalan GAMMA: GBI lækkaði um 0,1% í dag í 3,4 ma. viðskiptum. GAMMAi: Verðtryggt lækkaði lítillega í 1,8 ma. viðskiptum og GAMMAxi: Óverðtryggt lækkaði um 0,1% í 1,6 ma. viðskiptum.

Orri Hauksson ráðinn framkvæmdastjóri Samtaka iðnaðarins

Orri Hauksson hefur verið ráðinn framkvæmdastjóri Samtaka iðnaðarins. Hann hefur störf í ágúst.

Yfir 90% sætanýting hjá Iceland Express til New York

Iceland Express hefur ákveðið að fljúga til New York allan ársins hring. Fram til 1. nóvember verður flogið fjórum sinnum í viku mánudaga til fimmtudaga, en frá nóvemberbyrjun verður flogið þrisvar í viku mánudaga, miðvikudaga og föstudaga.

Landsbankinn býður viðskiptavinum hagstæð lán

Landsbankinn hefur ákveðið að bjóða viðskiptavinum sínum annars vegar sérstök Framkvæmdalán og hins vegar Lán til góðra verka.

Tæplega 170.000 starfandi á öðrum ársfjórðungi

Fjöldi starfandi fólks á öðrum ársfjórðungi 2010 var 169.500 manns og fjölgaði um 2.000 frá sama tíma ári áður.

Launavísitalan hækkaði um 2,2% í júní

Launavísitala í júní 2010 er 378,3 stig og hækkaði um 2,2% frá fyrri mánuði.

Vísitala byggingarkostnaðar hækkar lítillega

Vísitala byggingarkostnaðar reiknuð um miðjan júlí 2010 er 102,2 stig sem er hækkun um 0,1% frá fyrri mánuði. Vísitalan gildir í ágúst 2010.

Atvinnuleysi ungs fólks mældist 21% á öðrum ársfjórðungi

Á öðrum ársfjórðungi 2010 voru að meðaltali 16.200 manns án vinnu og í atvinnuleit eða 8,7% vinnuaflsins. Atvinnuleysi mældist 9,4% hjá körlum og 8% hjá konum. Frá öðrum ársfjórðungi 2009 til annars ársfjórðungs 2010 fækkaði atvinnulausum um 500 manns.

Afar góð sala á nautakjöti í sumar

Sala á nautakjöti í liðnum mánuði var afar góð og varð veruleg aukning á sölunni frá fyrra ári, þ.e. miðað við júní í fyrra, eða um 7,8%.

Bankarnir fá ókeypis ríkisábyrgð

Bankarnir greiða ekkert fyrir ótakmarkaða ríkisábyrgð á innstæðum. Yrði slíkt gjald innheimt gæti það skilað milljörðum króna á ári í ríkiskassann.

Telur að ESA mótmæli ekki eignarhaldi Húsasmiðjunnar

Steinþór Baldursson, framkvæmdastjóri eignarhaldsfélagsins Vestia, væntir þess að ESA, Eftirlitsstofnun EFTA, muni ekki gera athugasemd við eignarhald Landsbankans á Húsasmiðjunni. Hann fagnar því að fá álit ESA á því flókna verkefni sem fjárhagsleg endurskipulagning íslenskra fyrirtækja er í því erfiða árferði sem nú ríkir í íslensku efnahagslífi. Þetta kemur fram í tölvupósti til Vísir.is.

Múrbúðin kærir Landsbankann til ESA

Múrbúðin hefur sent kvörtun til ESA, Eftirlitsstofnunar EFTA, vegna yfirtöku Landsbankans á Húsasmiðjunni.

Krónumarkaður er 0,15% af því sem hann var fyrir bankahrun

Veltan á millibankamarkaði með gjaldeyri það sem af er ári er einungis 0,15% af sem hún var á sama tíma 2008.

Spáir verðhjöðnun í júlí, verðbólgan lækkar í 5,2%

Greiningardeild Arion banka gerir ráð fyrir 0,25% verðhjöðnun í júlí sem mun lækka 12 mánaða verðbólgu niður í 5,2%, úr 5,7%.

Sendinefnd AGS stödd á landinu að ræða næstu endurskoðun

Sendinefnd frá Alþjóðagjaldeyrissjóðnum (AGS) er nú stödd í Reykjavík og verður hér fram á fimmtudag.