Samningum um endurfjármögnun Actavis lokið

Í tilkynningu segir að félagið starfar nú á heilbrigðum fjárhagslegum grunni og hefur þann styrk og sveigjanleika sem þarf til að styðja við stefnu félagsins um áframhaldandi vöxt, einkum í Suður-Evrópu, Japan, Mið-Austurlöndum og Norður-Afríku og til að auka markaðshlutdeild á núverandi mörkuðum. Félagið mun einnig leggja sérstaka áherslu á líftæknilyf (biosimilars), sem eru dýr í þróun og krefjast því sterkrar fjárhagsstöðu.

Þessar breytingar ásamt öflugum rekstri og nýlegri ráðningu Claudio Albrecht sem forstjóra setja Actavis í kjörstöðu til að ná markmiðum félagsins um vöxt til framtíðar.

Endurfjármögnunin er gerð með fullum stuðningi stjórnendateymis Actavis og lánardrottna.

Claudio Albrect forstjóri Actavis verður starfandi stjórnarformaður. Í stjórn munu jafnframt setjast reyndir aðilar úr lyfjageiranum.

"Þar sem endurfjármögnuninni er lokið er Actavis nú í styrkri stöðu til að vinna samkvæmt stefnu félagsins að framtíðarvexti þess. Þetta þýðir meiri stöðugleika og betri tækifæri fyrir starfsfólk Actavis, bæði á Íslandi og annarsstaðar í veröldinni," segir Claudio Albrecht, forstjóri Acavis Group.

Gert er ráð fyrir að endurfjármögnuninni verði formlega lokið að uppfylltum venjubundnum skilyrðum á næstu mánuðum.