Gylfi orðaður við Cardiff

Gylfi Einarsson, landsliðsmaður í knattspyrnu, var í morgun orðaður við Cardiff City. Gylfi skoraði í síðasta leik sínum með Lilleström um helgina. Á vefnum Newnow.com kemur fram að Gylfi eigi í viðræðum um 18 mánaða samning við Cardiff City.

Jones rekinn frá Úlfunum

Wolverhampton Wanderes rak í morgun knattspyrnustjóra sinn, Dave Jones. Úlfarnir eru í 19. sæti deildarinnar. Gary Megson, sem rekinn frá frá West Bromwich Albion í síðustu viku, og Micky Adams, sem lét af störfum hjá Leicester City, eru helst nefndir til sögunnar sem knattspyrnustjóri Úlfanna.

10 milljónir dala á tímabilinu

Fídjeyingurinn Vijay Singh varð um helgina fyrsti kylfingurinn til þess að vinna sér inn tíu milljónir Bandaríkjadala í verðlaunafé á einni keppnistíð. Singh sigraði á Chrysler-mótinu sem lauk í Palm Harbor á Flórída. Samtals lék hann á 18 höggum undir pari og varð fimm höggum á undan Svíanum Jesper Parnevik sem varð annar.

Skoraði í fjórða leiknum í röð

Michael Owen skoraði í fjórða leik sínum í röð þegar Real Madríd sigraði Getafe 2-0 í spænsku knattspyrnunni í gærkvöldi. Ronaldo skoraði hitt markið. Barcelona er í fyrsta sæti með 23 stig og hefur sex stiga forystu á Sevilla sem tapaði 0-3 fyrir Real Zaragoza. Real Madríd er núna í þriðja sæti með 16 stig, sjö stigum á eftir Barcelona.

Magdeburg burstaði Minden

Arnór Atlason skoraði tvö mörk þegar Magdeburg burstaði Minden 40-26 á útivelli í þýska handboltanum í gærkvöldi. Patrekur Jóhannesson skoraði fjögur mörk fyrir Minden.

Gylfi til Cardiff eða Leeds

Landsliðsmaðurinn Gylfi Einarsson, sem er laus allra mála hjá norska liðinu Lilleström, dvelur nú hjá enska 1. deildarliðinu Cardiff þar sem hann hitta forráðamenn enska liðsins með samning í huga.

Allt undir hjá Arsenal

Fjórða umferð riðlakeppninnar í meistaradeild Evrópu hefst í kvöld með átta leikjum. Þrjú lið, Chelsea, AC Milan og Inter Milan geta tryggt sér sæti í sextán liða úrslitum en þau hafa öll unnið fyrstu þrjá leiki sína í keppninni

34 stig frá Hildi dugðu ekki

Hildur Sigurðardóttir og félagar hennar í Jamtland í sænsku kvennadeildinni í körfubolta töpuðu báðum leikjum sínum um helgina og það dugði ekki þótt Hildur hafi skorað 34 stig í fyrri leiknum.

Logi að komast í gang

Njarðvíkingurinn Logi Gunnarsson er að komast af stað á nýjan leik eftir að hafa farið tvisvar úr axlarlið á síðasta tímabili. Logi spilar með Giessen 46ers í úrvalsdeild í Þýskalandi og hefur fengið að koma inn á í tveimur fyrstu leikjunum.

Brassar gegn Grikkjum

Heimsmeistarar Brasilíu og Evrópumeistarar Grikkja drógust saman í riðlakeppni Álfubikarsins sem fer fram í Þýskalandi á næsta ári en heimamenn í Þýskalandi eru hinsvegar með Argentínumönnum í riðli.

Heiðar Davíð stóð sig best

Íslendingar enduðu í 27. sæti á heimsmeistaramóti áhugamanna í golfi sem lauk um helgina á Púerto Ríco en keppni á lokadeginum á sunnudaginn var aflýst vegna óveðurs. Bandaríska sveitin sigraði mótið í þriðja sinn í röð með níu högga forskot á næsta lið.

Þolinmæði Skota á þrotum

Heimildir BBC herma að dagar Berta Vogts, landsliðsþjálfara Skota, með liðið séu taldir og honum verði formlega tilkynnt um afsögn á fundi skoska knattspyrnusambandsins í vikunni. Þykir líklegt að Gordon Strachan, fyrrum þjálfara Southampton, verði boðin staðan í framhaldinu.

Quatar kallar

Hvað gera sífellt fleiri af hæstlaunuðustu knattspyrnumönnum heims þegar halla fer undir fæti vegna aldurs með stórliðum Evrópu? Í stað þess að hætta á toppnum með bankainnistæður sem gætu gert öllum íbúum Eritreu kleift að lifa í vellystingum í langan tíma er stefnan tekin til smáríkisins Quatar enda tilboðin sem þaðan streyma með ólíkindum.

Samuel ekki með Madrid gegn Kiev

Þungamiðjan í slakri varnarlínu Real Madrid, Argentínumaðurinn Walter Samuel, mun ekki leika með liði sínu á útivelli gegn Dinamo Kiev á morgun vegna meiðsla.

Poulter sigraði á Volvo Masters

Kylfingurinn Ian Poulter sigraði á Volvo Masters-mótinu sem fram fór í Andalusíu um helgina eftir bráðabana við heimamanninn Sergio Garcia.

Marrko sigraði Katalóníurallið

Eistlendingurinn Marrko Martin sigraði Katalóníu-rallið um helgina og á möguleika á því að ná öðru sæti í heimsmeistarakeppni rallökumanna þegar ein keppni er enn eftir.

NBA hefst í kvöld

NBA-deildin í körfuknattleik hefst á ný í kvöld með þremur leikjum. Detroit tekur á móti Houston, Dallas fær Sacramento í heimsókn og gjörbreytt lið LA Lakers mætir Denver.

Niemi íþróttamaður ársins

Antti Niemi, markvörður enska úrvalsdeildarfélags Southampton, hefur verið valinn íþróttamaður ársins í heimalandi sínu Finnlandi.

Aimar fékk þungt höfuðhögg

Argentínumaðurinn Pablo Aimar mun ekki leika næstu vikurnar með liði Valenciu eftir að hafa fengið þungt höfuðhögg um helgina í leik gegn Atletico Madrid.

Michael Jordan í golfi á Spáni

Körfuboltastjarnan fyrrverandi, Michael Jordan, dúllaði sér í golfi á Spáni um helgina en þar var hann sérlegur gestur á bifhjólakeppni sem þar fór fram.

Juventus besta lið Evrópu

Samkvæmt tölfræðinni er Juventus besta knattspyrnulið Evrópu um þessar mundir.

Gengur vel hjá Ólöfu á Ítalíu

Ólöf María Jónsdóttir kylfingur úr GK lék á 2 yfir pari á 2. stigi úrtökumótanna fyrir Evrópumótaröð kvenna í Bari á Ítalíu í dag. Ólöf lék á 74 höggum og er í 16.-20. sæti á samtals 3 yfir pari og aðeins 4 höggum á eftir efsta sæti. Ólöf María á rástíma kl.10 í fyrramálið að íslenskum tíma en eftir morgundaginn verður skorið niður í 50 keppendur.

Blackburn á botninn

Einn leikur fór fram í ensku úrvalsdeildinni í knattspyrnu í kvöld en rétt í þessu voru Manchester City og Norwich að gera jafntefli 1-1. Willo Flood kom City yfir á 11. mínútu en Damien Francis jafnaði metin á 45. mínútu. Norwich sem var í botnsæti deildarinnar fyrir leikinn skilur Blackburn eftir á botninum.

Grindavík vann Skallagrím

Fyrri leikirnir í 8-liða úrslitum Hópbílakeppninnar í körfuknattleik karla fóru fram í gær. Grindavík vann Skallagrím 90-78 í Borgarnesi. Darrell Lewis skoraði 32 stig fyrir Grindavík og Páll Axel Vilbergsson 25.

Rosenborg meistari 13. árið í röð

Rosenborg varð á laugardag Noregsmeistari í knattspyrnu 13. árið í röð eftir mikla dramatík i lokaumferð norsku deidarinnar. Þegar upp var staðið var Rosenborg hnífjafnt Vålerenga að stigum, bæði lið með 48 stig á toppnum með jafna markatölu en Rosenborg er meistari á fleiri mörkum skoruðum eða minnsta mögulega mun.

Haukar-Creteil í dag kl 17

Í dag leika Haukar sinn síðasta heimaleik í F-riðli Meistardeildarinnar í handbolta þegar þeir taka á móti franska liðinu Creteil. Frakkarnir mæta með sitt sterkasta lið svo Haukarnir búast við mjög erfiðum leik. Leikurinn fer fram á Ásvöllum í Hafnarfirði og hefst kl. 17:00.

Cisse ekki meira með í vetur

Franski landsliðsmaðurinn Djibril Cisse leikur ekki meira með liði sínu Liverpool á þessu tímabili. Cisse fótbrotnaði í 2-2 jafnteflisleik gegn Blackburn í ensku úrvalsdeildinni í knattspyrnu. Cisse fór í aðgerð í morgun þar sem settur var pinni í vinstri sköflung sem brotnaði mjög illa.

Áframhaldandi sigurganga Juventus

Juventus hélt áfram sigurgöngu sinni í ítölsku deildarkeppninni í knattspyrnu í dag og er nú með 2 stiga forskot á toppi Serie A með 2 stiga forystu og á leik til góða á AC Milan sem er í 2. sæti. Juve sigraði Chievo 3-0 á Delle Alpi í dag.Roma Rúllaði yfir Cagliari 5-1.

Markalaus fyrri hálfleikur

Einn leikur er á dagskrá í ensku úrvalsdeildinni í dag en nú er hálfleikur hjá Bolton og Newcastle. Staðan er 0-0.

8 liða úrslit Hópbílabikarsins

Einn leikur fór fram í 8 liða úrslitum í Hópbílabikar kvenna í körfubolta í dag. Haukar og KR gerðu jafntefli 63-63. Þetta var fyrri viðureign liðanna sem mætast svo aftur á miðvikudag. ÍS valtaði yfir Tindastól á laugardag, 33-73. 8 liða úrslit í karlaflokki hefjast í kvöld en þá fara fram fyrri viðureignir liðanna sem eru eftirfarandi:

Bolton í 4. sætið

Bolton heldur áfram sigurgöngu sinni og tyllti sér í 4. sæti ensku úrvalsdeildarinnar í knattspyrnu nú rétt í þessu eftir 2-1 sigur á Newcastle. El-Hadji Diouf kom Bolton í 1-0 á 52. mínútu en Darren Ambrose jafnaði fyrir Newcastle 3 mínútum síðar. Kevin Davies skoraði svo sigurmark Bolton á 70. mínútu.

Glæstur 7 marka sigur Hauka

Haukar unnu glæstan sigur á franska liðinu Creteil í F-riðli Meistardeildarinnar í handbolta að Ásvöllum nú undir kvöldið en lokatölur urðu 37-30 fyrir Hauka. Þórir Ólafsson var markahæstur heimamanna með 10 mörk.

Zaragoza í 3. sætið á Spáni

Real Zaragoza tyllti sér í 3. sæti spænsku 1. deildarinnar í knattspyrnu á Spáni í dag með 3-0 sigri á næst efsta liði deildarinnar, Sevilla en 6 leikir fóru fram í deildinni í dag. Real Madrid sigraði Getafe 2-0 þar sem Michael Owen skoraði sitt fjórða mark fyrir Real Madrid í jafnmörgum leikjum og Ronaldo gerði eitt.

KR lagði Snæfell í Hópbílabikarnum

3 leikjum er lokið í 8 liða úrslitum í Hópbílabikar karla í körfubolta en 4 leikir fara fram í kvöld. Skallagrímur lá heima fyrir Grindavík 78-90, KR sigraði Snæfell, 78-74 og ÍR steinlá heima fyrir Keflavík, 63-109. Haukar töpuðu fyrir Njarðvík, 59-81 í síðasta leik kvöldsins.

Lúkas hafnar Grindavík

Knattspyrnuþjálfarinn Lúkas Kostic hafnaði freistandi samningstilboði Grindvíkinga um helgina. Ástæðan er sú að tímasetningin hentar Kostic engan veginn. Hann er að þjálfa 4. flokk KR og U-17 ára lið Íslands og telur sig ekki geta gengið frá þeim störfum eins og staðan er í dag.

Haraldur til Noregs

Ástandið í herbúðum bikarmeistara Keflavíkur er ekki burðugt þessa dagana. Þeir eru þjálfaralausir og enn er ekki farið að ræða við neina þjálfara. Svo eru þeir byrjaðir að missa leikmenn frá liðinu og líklegt er að þeir missi einn sinn besta mann í vikunni.

Þrenn verðlaun hjá Bjarka

Ármenningurinn Bjarki Ásgeirsson stóð sig mjög vel á Norðurlandamóti drengja í fimleikum sem fór fram í Helsinki um helgina.

Hatrömm barátta

Þjálfarar liða í Kyrrahafsriðlinum prísa sig eflaust sæla að þurfa ekki að hafa áhyggjur af því hvernig þeir eiga að stöðva Shaquille O´Neal. Núna er hann horfinn á braut sem gerir riðilinn töluvert jafnari.

Grétar sagði NEI við ÍA

Fram hemur á <a href="http://www.ia.is/kia/Default.aspx?cmd=&menubarid=1&menubarindex=0"><strong>heimasíðu ÍA</strong></a> í dag að sóknarmaður Grindavíkur í Landsbankadeild karla í knattspyrnu, Grétar Hjartarson hafi afþakkað tilboð Knattspyrnufélags ÍA um að leika með liðinu á næsta keppnistímabili. Grindavík vill framlengja samning sinn við Grétar sem er eftirsóttur þessa dagana.

Johnson enn á skotskónum

Andy Johnson, framherji nýliða Crystal Palace, tryggði liði sínu sigur á Birmingham í ensku úrvalsdeildinni í dag. Johnson skoraði eina mark leiksins, sem fram fór á heimavelli Birmingham, á 41. mínútu er hann komst einn inn fyrir vörn heimamanna. Þetta var áttunda mark kappans á leiktíðinni og er hann þar með markahæstur í deildinni ásamt Thierry Henry.

Chelsea yfir gegn W.B.A

Mörk hafa ekki einkennt leiki ensku úrvalsdeildarinnar það sem af er í dag. Hálfleikur er nú í sex leikjum og hafa aðeins fimm mörk litið dagsins ljós. Markalaust er í leik Portsmouth og Manchester United og einnig hjá Arsenal og Southampton, Chelsea hefur hins vegar forystu gegn W.B.A á útivelli með marki varnarmannsins William Gallas.

Ferguson vill svör

Sir Alex Ferguson, stjóri Manchester United, vill komst til botns í "súpumálinu" fræga sem átti sér stað eftir leik United gegn Arsenal um síðustu helgi. Ferguson telur Arsenal ekki hafa gert nægilega mikið hvað rannsókn málsins varðar.

Portsmouth komið yfir

David Unsworth er búinn að koma Portsmouth yfir í viðureign liðsins gegn Manchester United. Unsworth skoraði úr vítaspyrnu sem Jamaíkubúinn Ricardo Fuller hafði fiskaði eftir viðskipti sín við Rio Ferdinand. Eiður Smári Guðjohnsen er heldur betur heitur þessa dagana en hann er búinn að skora í leik Chelsea  gegn W.B.A, en staðan þar er 3-1.

Agassi í úrslit í Stokkhólmi

Bandaríski tenniskappinn Andre Agassi komst í dag í úrslit á opna Stokkhólms-mótinu með því að sigra Þjóðverjann Tommy Haas, 7-6 og 7-6. Agassi hefur ekki enn tapað setti á mótinu en í úrslitum mætir hann annaðhvort Tomas Johansson eða Michael Ryderstedt, en þeir eru báðir heimamenn. Þetta er í fyrsta sinn sem Agassi kemst í úrslit í Stokkhólmi.

Mönchengladbach lagði Bayern

Bayern Munchen hélt slælegri byrjun sinni í þýsku Bundesligunni áfram í dag er þeir sóttu leikmenn Borussia Mönchengladbach heim. Lokatölur urðu 2-0 heimamönnum í hag og fullkomnaði brasilíski varnarmaðurinn Lucio niðurlægingu Bæjara með því að láta reka sig út af í upphafi síðari hálfleiks.