106 ára gömul kona neitar að yfirgefa hjúkrunarheimili

Hundrað og sex ára gömul kona, Louisa Watts, sem er fimmta elsta kona Bretlands, berst nú gegn því að vera flutt af hjúkrunarheimili í Wolverhampton sem til stendur að loka í sparnaðarskyni.

Móðgaði Brown með spurningum um lyfjanotkun

Gordon Brown, forsætisráðherra Bretlands, er sármóðgaður út í Andrew Marr, helsta stjórnmálaskýranda BBC, eftir að Marr spurði hann í viðtali um helgina hvort hann notaði lyf til að komast gegnum daginn.

83 látnir og margra saknað

Að minnsta kosti 83 hafa látist og 23 er saknað eftir að fellibylurinn Ketsana gekk yfir norðurhluta Filippseyja. Flóðin á svæðinu eru þau mestu í fjóra áratugi. Rigningu kyngdi látlaust niður í einn sólarhring og var hún álíka mikil þennan sólahring og meðaltal alls september­mánaðar. Rúmlega 330 þúsund manns þurftu að glíma við afleiðingar fellibylsins. Þar af voru 59 þúsund manns flutt í um eitt hundrað skóla, kirkjur og önnur húsnæði. Margir íbúar misstu allar eigur sínar en voru engu að síður þakklátir fyrir að vera enn á lífi. „Við erum komin aftur á byrjunarreit,“ sagði einn íbúanna.

Aukin pressa á Íransstjórn

Öryggisráð Sameinuðu þjóðanna samþykkti fyrir helgina einróma að „skapa skilyrði þess að heimurinn verði án kjarnorkuvopna“.

Írar nú sáttari við Lissabon-sáttmálann

Örlög Lissabon-sáttmála Evrópusambandsins ráðast í þjóðar­atkvæðagreiðslu á Írlandi næsta föstudag. Samkvæmt skoðanakönnun, sem birt var fyrir helgi, eru góðar líkur til þess að samningurinn verði samþykktur.

Angela Merkel lýsti yfir sigri í kosningunum

Angela Merkel, kanslari Þýskalands, hefur lýst yfir sigri í þingkosningunum þar í landi. Flokkur hennar, Kristilegir demókratar, geta myndað stjórn með frjálsum demókrötum ef niðurstöður verða eins og fyrsta útgönguspá gefur til kynna. Sextíu og tvær milljónir manna eru á kjörskrá í Þýskalandi en kjörstöðum hefur verið lokað.

Flugmaðurinn í þyrluráninu handtekinn

Sænska lögreglan hefur handtekið þyrluflugmann úr þyrluráni sem framið var í Stokkhólmi á miðvikudaginn, eftir því sem fram kemur í blaðinu Expressen. Lögregluþjónar fóru í dag á heimili mannsins til að gera húsleit þar. Fleiri hafa verið handteknir í dag vegna málsins.

Kosið í Þýskalandi í dag

Kjörfundur hófst í Sambandsþingskosningunum í Þýskalandi klukkan 6 í morgun að íslenskum tíma eða 8 að staðartíma. 62 milljónir manna eru á kjörskrá. Gríðarleg öryggisgæsla er í landinu vegna kosninganna, enda hafa alþjóða hryðjuverkasamtök hótað því að láta til skarar skríða í Þýskalandi í dag. Búist er við að Angela Merkel kanslari og flokkur hennar, kristilegir demókratar, beri sigur út býtum í þingkosningunum.

Danskir sósíaldemókratar vilja banna vændiskaup

Sósíaldemókratar í Danmörku vilja banna kaup á vændi með lögum líkt og gert hefur verið á hinum Norðurlöndunum. Ályktun þessa efnis var samþykkt á landsfundi Sósíaldemókrata í Álaborg í gær.

Rændu gullsmíðaverkstæði í Álaborg

Tveir menn huldir reykgrímurm réðust á í morgun inn í gullsmíðaverkstæðið N.P. Nielsen í Bispensgade í Álaborg og flúðu á brott með skartgripi að verðmæti allt að 100 þúsund dönskum krónum eða um 2,5 milljónum íslenskra.

Eftirlitsmenn SÞ mega skoða auðgunarstöð á Úrani

Eftirlitsmönnum Sameinuðu þjóðanna er velkomið að skoða nýja auðgunarstöð á úrani sem Íranar hafa komið sér upp. Þetta segir Mahmoud Ahmadinejad forseti landsins. Íranar voru harðlega gagnrýndir í gær af leiðtogum Bandaríkjanna, Bretlands og Frakklands eftir að upplýst var að þeir hefðu leynilega komið sér upp nýrri auðgunarstöð á úrani.

Stóra samsteypan gæti lifað

Angela Merkel Þýskalandskanslari á sér þá ósk heitasta að losna úr stjórnarsamstarfi við Sósíaldemókrata og mynda samsteypustjórn með Frjálsum demókrötum. Hvort henni verður að ósk sinni ræðst á morgun, þegar Þjóðverjar kjósa sér nýtt þing.

Boða nýtt regluverk

„Hið gamla kerfi alþjóðlegrar efnahagssamvinnu heyrir sögunni til. Nýja kerfið, frá og með deginum í dag, er komið af stað,“ sagði Gordon Brown, forsætisráðherra Bretlands, á leiðtogafundi tuttugu mestu iðnríkja heims í Pittsburgh í Bandaríkjunum.

Barnaníðinga verður að gelda

Neðri deild pólska þingsins samþykkti í gær frumvarp sem gerir yfirvöldum skylt að gelda barnaníðinga með lyfjagjöf. Frumvarpið fer nú til efri deildar þingsins, en þarf einnig samþykki forsetans. Talið er víst að það verði að lögum.

Íranir undir miklum þrýstingi á G20 fundinum

Íranir hafa komið sér upp aðstöðu til auðgunar úrans í leynilegri tilraunastöð. Barack Obama sagði í ræðu sinni á G20 fundinum sem hófst í Pittsburgh í Bandaríkunum í dag að skýlaus krafa væri uppi um að eftirlitsmenn á vegum Sameinuðu þjóðanna fái að rannsaka stöðina.

Sjóræningjar láta enn til skarar skríða

Sómalskir sjóræningjar ruddustu um borð í skip sem var á leið til höfuðborgarinnar Mogadishu og skutu skipstjórann til bana. Skipstjórinn, sem var frá Alsír hafði neitað að verða við skipunum ræningjanna um að breyta um stefnu á skipinu að sögn sómalskra yfirvalda.

Mjaðmaaðgerðir kostnaðarsamar fyrir breska skattgreiðendur

Einn af hverjum fimm Bretum, sem gengst undir mjaðmaaðgerð á breskum einkasjúkrahúsum og stofum, þarf á nýrri aðgerð eða viðgerð að halda, innan við þremur árum eftir aðgerð. Margar hinna síðari aðgerða eru framkvæmdar á opinberum sjúkrahúsum með miklum kostnaði fyrir breska skattgreiðendur.

Áður óbirt myndband með Jackson

Áður óbirt myndband, sem sýnir Michael Jackson heitinn æfa flutning lagsins This is it, hefur nú litið dagsins ljós.

Vopnabrak og gnýr á G20-fundi

Táragas og tuddaskapur einkenndu upphaf hins svokallaða G20-fundar í Pittsburgh sem hófst í gær.

Segir tóma blekkingu að Noregur standi utan ESB

„Það er tóm blekking að Noregur standi utan við Evrópusambandið,“ sagði Fredrik Sejersted, formaður Evrópuréttarstofnunar Óslóarháskóla, á morgunverðarfundi um stöðu Noregs í Evrópu sem haldinn var í Norræna húsinu í gær.

Vekur vonir um sigur á AIDS

Alþjóða heilbrigðisstofnunin WHO og Alnæmisstofnun Sameinuðu þjóðanna segja að tilraunir í Taílandi með nýtt bóluefni gegn alnæmi hafi gengið vel og lofi mjög góðu.

Obama vill lesa betri dagblöð

Forseti Bandaríkjanna hefur hug á að gera lagafrumvarp til að auðvelda dagblöðum að sporna gegn þeirri hnignun sem þau standa frammi fyrir. Til greina mun koma að dagblöðin, í breyttu rekstrarformi, fái skattaívilnanir. Fari svo verði þau ekki rekin í ágóðaskyni.

Framleiðandi AK-47 á leið á hausinn

Stærsti vopnaframleiðandi Rússlands sem kallast Izhmash stendur frammi fyrir gjaldþroti. Fyrirtækið er þekktast fyrir að framleiða Kalashnikov vélbyssuna sem einnig er þekkt undir nafninu AK-47. AK-47 er útbreiddasta vélbyssa sögunnar og hefur hún komið við sögu í flestum ef ekki öllum stríðum sem háð hafa verið frá lokum seinni heimstyrjaldarinnar.

Íslenskur þorskur í úrslitum í Bretlandi

Spennan er heldur betur farin að magnast í keppninni um besta „Fish ´n´Chips“ staðinn í Bretlandi. Nú eru einungis sex staðir eftir í keppninni en flestir hafa sterkar skoðanir á því hvernig best sé að útbúa þennan þjóðarrétt Breta.

Nýtt bóluefni gegn alnæmi dregur úr líkum á sýkingu

Nýtt bóluefni hefur fundist gegn alnæmi sem dregur úr líkum á sýkingu af völdum þessa sjúkdóms. Bóluefnið er enn á tilraunastigi en fyrstu niðurstöður benda til að það minnki líkur á sýkingu um þriðjung.

Sádi-Arabar bjóða bæði kyn velkomin í háskóla

Sádi-Arabar hafa opnað sinn fyrsta háskóla sem stendur stúdentum af báðum kynjum opinn.

Níu ára fangelsi fyrir skotárás á McDonald's

Félagi í vélhjólasamtökunum Vítisenglum í Danmörku og tveir menn sem bíða inngöngu í samtökin hafa verið dæmdir í níu ára fangelsi fyrir tilraun til manndráps þegar þeir gerðu skotárás á þrjá menn úr annarri vélhjólaklíku á McDonald's-stað í Árósum fyrir tæpu ári.

Nýjar smyglleiðir frá Mexíkó

Mexíkóskir smyglarar leita sífellt nýrra leiða til að koma ólöglegum innflytjendum og fíkniefnum til Bandaríkjanna og nýjasta aðferð þeirra er að sigla meðfram Kyrrahafsströndinni frá Mexíkó og taka land á fáförnum slóðum á strandlengju Kaliforníu.

Indverjar finna vatn á tunglinu

Indverjar hafa fundið vatn á tunglinu, fyrstir manna. Þetta gerðist í fyrsta tunglleiðangri þeirra en þar var á ferð ómannað könnunarfar með búnað sem sérstaklega var ætlað að leita að ummerkjum um vatn.

Mafíukrókódíll upptækur

Lögregla í Napólí á Ítalíu gerði krókódíl í eigu mafíuforingjans Sergio Di Mauro upptækan við húsleit á heimili hans í síðustu viku.

Páfi heimsækir Breta á næsta ári

Benedikt XVI páfi heldur í opinbera heimsókn til Bretlands á næsta ári og verður það í fyrsta sinn síðan 1982 sem páfi heimsækir landið.

Verðið lækkar erlendis

Heimsmarkaðsverð á hráolíu féll um tæp fjögur prósent og fór undir sjötíu dali á tunnu í gær eftir að bandaríska orkumálaráðuneytið birti vikulega tölur um olíubirgðir í landinu.

Obama að ávarpa allsherjarþing SÞ

Barack Obama Bandaríkjaforseti hóf fyrir stundu fyrstu ræðu sína á allsherjarþingi Sameinuðu Þjóðanna sem nú stendur yfir. Ræðan hófst klukkan hálftvö að íslenskum tíma og er búist við því að forsetinn muni afra yfir aðgerðir Bandaríkjamanna til þess að takast á við alheimskreppuna auk þess sem búist er við því að Obama lýsi þeirri viðhorfsbreytingu sem átt hefur sér stað í Hvíta húsinu gagnvart Sameinuðu þjóðunum frá því hann tók við.

Líklegt að ræningjarnir í Svíþjóð hafi hlotið herþjálfun

Sænska lögreglan telur að þyrluflugmaðurinn sem tók þátt í að ræna peningageymslu öryggisfyrirtækis í morgun hafi hlotið herþjálfun. Þá leikur einnig grunur á að einn ræningjanna sé starfsmaður öryggisfyrirtækisins.

Fjórir ræningjar á þyrlu sneru á sænsku lögregluna

Djarfir ræningjar á þyrlu sprengdu upp peningageymslu öryggisfyrirtækis og nældu sér í óþekkta peningaupphæð í Västberga í Stokkhólmi snemma í morgun.

Bréf Hitlers, Churchills og fleiri til sýnis í New York

Bréf frá Adolf Hitler, þar sem fyrirskipað er að Berlín skuli varin meðan nokkur maður stendur uppi, er meðal muna á sýningu stríðsgrúskara nokkurs í New York.

Jarðneskar leifar úr Trójustríðinu

Fornleifafræðingar í Tyrklandi hafa fundið jarðneskar leifar fólks sem talið er að hafi dáið í Trójustríðinu 1.200 árum fyrir Krists burð.

Sydney hulin rykmekki

Glórulaus rykstormur fer nú um austurhluta Ástralíu, þar á meðal Sydney, en þar sáu menn varla milli húsa í morgun. Slíkir stormar eru ekki óalgengir í Ástralíu en eru oftast meira inn til landsins.

Skógareldar í Kaliforníu á ný

Enn á ný geisa skógareldar í Kaliforníu og fengu tveir slökkviliðsmenn reykeitrun í gær þegar þeir börðust við elda í suðvesturhluta ríkisins.

Skotbardagi við landamæri Mexíkó

Hliðinu við San Ysidro, sem eru landamæri Bandaríkjanna og Mexíkó og er í Kaliforníu Bandaríkjamegin, var lokað í nokkrar klukkustundir í gær eftir að skotbardagi braust þar út.

Sjö látnir í flóðum í Georgíu

Sjö eru látnir í miklum flóðum í norðurhluta Georgíuríkis í Bandaríkjunum en miklar rigningar hafa valdið því að Chattahoochee-áin hefur flætt yfir bakka sína, kaffært um þúsund heimili og slegið út rafmagni hjá alls 30.000 manns.

Irina Bokava stýrir UNESCO

Frakkland, AP Irina Bokava, sendiherra Búlgaríu í Frakklandi, verður næsti framkvæmdastjóri UNESCO, menningarmálastofnunar Sameinuðu þjóðanna.

Jarðýtum beitt á búðir flóttamanna

Franska lögreglan réðst í gærmorgun til atlögu gegn ólöglegum búðum flóttamanna, sem höfðu komið sér fyrir skammt frá borginni Calais við Ermarsund, í þeirri von að komast yfir til Englands um Ermarsundsgöngin.

Öryggisgæsla hert í Þýskalandi vegna al-Qaeda

Öryggisgæsla hefur verið hert í Þýskalandi vegna myndskeiða sem hryðjuverkasamtökin al-Qaeda hafa birt. Á myndskeiðunum hótar al-Qaeda árásum dragi Þjóðverjar ekki herlið sitt til baka frá Afganistan. Kosið er í Þýskalandi á sunnudag en einungis einn flokkur, Vinstri, er fylgjandi því að herlið Þjóðverða verði samstundis kvatt heim.

Danir eru bjartsýnir þrátt fyrir kreppu

Þrátt fyrir að Danir hafi orðið fyrir barðinu á alheimskreppunni eins og íbúar í flestum öðrum þjóðum heims eru viðhorf þeirra til framtíðarinnar mjög jákvæð. Þetta sýnir rannsókn um viðhorf Dana til framtíðarinnar, sem Capacent rannsóknir gerðu fyrir Rauða krossinn í Danmörku.