Jarðneskar leifar úr Trójustríðinu

Fornleifafræðingar í Tyrklandi hafa fundið jarðneskar leifar fólks sem talið er að hafi dáið í Trójustríðinu 1.200 árum fyrir Krists burð.

Ernst Pernicka og samstarfsfólk hans við háskólann í Tubingen halda varla vatni yfir fundi sínum en leifarnar eru af manni og konu og fundust rétt við stað þar sem varnarmúr hinnar fornfrægu Trójuborgar stóð.

Trója reis seint á ofanverðri bronsöldinni og segir af því í Ilíonskviðu blinda skáldsins Hómers þegar grískir hermenn laumuðu sér inn í borgina í gríðarmiklum tréhesti, sem Trójumenn voru látnir halda að væri gjöf, og lögðu hana í rúst. Talið var að sagan af Tróju væri hreinn skáldskapur þar til Þjóðverjinn Heinrich Schliemann gróf rústir borgarinnar upp árið 1873 en hún er skammt suður af Istanbúl.