Castro spáir valdaránum

Fidel Castro fyrrverandi leiðtogi Kúbu spáir því að ef Manuel Zelaya forseti Honduras fái ekki að taka aftur við embætti sínu muni hvert valdaránið af öðru verða framið í Suður-Ameríku.

Þúsundir húsa gjöreyðilagðar

Meira en 400 þúsund manns þurftu að yfirgefa heimili sín eftir að harður jarðskjálfti varð í suðvestanverðu Kína á fimmtudag. Hamfarirnar kostuðu einn mann lífið og hundruð manna slösuðust, þar af nokkrir tugir alvarlega.

Segir efnahagshruni afstýrt

Barack Obama Bandaríkjaforseti sagði við lok G8-fundarins á Ítalíu í gær að líklega hefði tekist að afstýra efnahagshruni í heiminum, sem hefði haft skelfilegar afleiðingar. Enn væri þó langt í varanlegan bata.

Maður stangaður til bana í Pamplona

Maður lést eftir að naut stangaði hann í hinu árlega nautahlaupi í spænsku borginni Pamplona í morgun. Nautið hljóp manninn niður og hafði svo horn í síðu hans.

Franskir ferðamenn verstir í heimi

Þeir eru hrokafullir, þrjóskir og tala yfirleitt ekkert tungumál nema sitt eigið. Hverjum er lýst þarna? Auðvitað Fransmönnum.

Útfararstjórar grófu upp lík

Fjórir útfararstjórar í Chicago hafa verið ákærðir fyrir að grafa upp mörg hundruð lík í þeim tilgangi að selja grafirnar aftur.

Reyndi að myrða nemanda sinn

Grunnskólakennari í Mansfield á Englandi er í haldi lögreglu, grunaður um að reyna að myrða einn nemenda sinna og stórslasa annan.

Stálu úr bensínsjálfsölum

Tveir menn, sem brutu upp sjálfsala á nokkrum bensínstöðvum í bænum Fredericia á Jótlandi í nótt eru enn ófundnir eftir að þeir komust undan lögreglu í miklum eltingarleik um götur bæjarins en mennirnir brugðu meðal annars á það ráð að aka á lögreglubíl og skemma hann til að komast undan.

Kínverjar minnast Jacksons

Kínverjar hyggjast koma sér upp eftirlíkingu af búgarði Michaels Jackson heitins, Neverland, á eyju nálægt Shanghai til að heiðra minningu poppgoðsins.

Bretar reiðubúnir að fækka kjarnavopnum

Stjórnvöld í Bretlandi segjast reiðubúin til að fækka kjarnorkuvopnum sínum ef Norður-Kóreumenn og Íranar hætta við sínar kjarnorkuáætlanir.

Breskt vikublað sagt staðið að hlerunum

Breska vikublaðið News of the World, sem er í eigu ástralska fjölmiðlajöfursins Ruberts Murdochs, er sagt hafa stundað hleranir í stórum stíl.

Gatt-viðræðum verði hraðað

Leiðtogar átta auðugustu ríkja heims og fimm upprennandi efnahagsvelda samþykktu í gær að GATT-viðræðunum um aukið frelsi í heimsviðskiptum verði hraðað. Nú er stefnt að því að ljúka þeim á næsta ári, en upphaflega átti þeim að ljúka með samningi árið 2004.

Hökkuðu sig inn í farsíma stórstjarna og stjórnmálamanna

Breska blaðið The Guardian segir fjölmiðlafyrirtækið sem meðal annars gefur út æsifréttablöðin News of the World og The Sun í Bretlandi hafa hakkað sig inn í farsíma þúsundir manna, meðal þeirra séu stórstjörnur og stjórnmálamenn.

Ekki sáttur með samþykktina um loftslagsmál

Ekki var gengið nógu langt í loftlagssáttmála sem leiðtogar helstu iðnríkja heims samþykktu í gær. Þetta segir Ban Ki-moon, aðalritari Sameinuðu þjóðanna. Hann segir samninginn pólitískt og siðferðilega mikilvægan fyrir framtíð mannkynsins, jafnvel fyrir framtíð jarðarinnar.

Iðnríkin ná samkomulagi í loftslagsmálum

Fulltrúar átta stærstu iðnríkja heimsins, svokallaðra G-8 ríkja, náðu í gær samkomulagi um sameiginlegar lausnir í loftslagsmálum þegar samþykkt var að vinna að því að draga úr hlýnun jarðar þannig að hún yrði um 2 gráður á Celsius miðað við upphaf iðnbyltingarinnar og draga úr gróðurhúsaáhrifum um helming á næstu fjörtíu árum.

Berst áfram gegn spillingu

Susilo Bambang Yudhoyono, forseti Indónesíu, þykir nokkuð öruggur með endurkjör eftir fyrstu talningu atkvæða úr forsetakosningum, sem haldnar voru í gær.

Hu mætti ekki á leiðtogafund

Hu Jintao, forseti Kína, sneri heim frá Ítalíu í gær vegna átakanna í Xinjiang-héraði. Hann mætti því ekki á leiðtogafund G8-ríkjanna, þar sem þau átök hefði væntanlega borið á góma.

Demókrati aðstoðar Karzai

Bandarískur demókrati, fyrrverandi kosninga-ráðgjafi Bills Clinton, starfar nú með Hamid Karzai, forseta Afganistans, og reynir að tryggja honum sigur í forsetakosningunum, sem haldnar verða í næsta mánuði.

Ganga ungrar konu stöðvuð

Lögreglan á Gasa stöðvaði för ungrar konu og manns, sem gengu saman á ströndinni. Maðurinn var handtekinn ásamt tveimur félögum hans og urðu þeir fyrir barsmíðum af hálfu lögreglunnar. Þetta fullyrðir bæði konan og einn mannanna.

Gripið verður til aðgerða gegn hlýnun jarðar

Leiðtogar átta helstu iðnríkja heims samþykktu í dag að grípa til aðgerða til að koma í veg fyrir hlýnun jarðar. Aðgerðin mun hafa áhrif á losun gróðuhúsalofttegunda um allan heim.

Harðvítug mótmæli halda áfram í Kína

Harðvítug mótmæli halda áfram í Kína. Forseti landsins hefur snúið heim frá Ítalíu og mun ekki sitja leiðtogafund G8 ríkjanna vegna ástandsins.

Farþegi lést eftir Íslandsferð

Farþegi skemmtiferðaskipsins The Marco Polo lést á mánudag er skipið var á leið til hafnar í Englandi eftir ferð um Ísland. Talið er að maðurinn, sem var á áttræðisaldri, hafi fengið hjartaáfall.

Danir skammast sín fyrir þjóðerni sitt

Næstum sjötti hver Dani heldur því leyndu að hann sé frá Danmörku þegar að hann ferðast erlendis. Þetta sýnir viðhorfskönnun sem gerð var fyrir danska blaðið metroXpress. Þá segist tíundi hver Dani fá neikvæð viðbrögð þegar hann segir frá því erlendis að hann sé danskur.

Ákærður fyrir að stela aðgangskóða Goldman Sachs

Fyrrverandi starfsmaður Goldman Sachs-fjárfestingarbankans, sem ákærður er fyrir að stela aðgangskóða að viðskiptagagnagrunni bankans, hefur verið látinn laus gegn 750.000 dollara tryggingu en réttarhöldin hefjast 3. ágúst.

Dýrustu bílastæði heims í London

Lundúnabúar njóta þess vafasama heiðurs að greiða hæstu bílastæðagjöld í heimi. Þetta er niðurstaða nýrrar könnunar ástralska ráðgjafarfyrirtækisins Colliers International sem náði til allrar heimsbyggðarinnar.

Tölvuglæpir aldrei fleiri en í júní

Tölvuþrjótum vex nú fiskur um hrygg sem aldrei fyrr og settu þeir nýtt met í iðju sinni í júnímánuði.

Glæpatvíburar í Varde loks sakhæfir

Tvíburabræður á unglingsaldri í danska bænum Varde hafa haldið samfélaginu þar í heljargreipum árum saman með skemmdarverkum og annarri andfélagslegri hegðun.

Kim slappur í sjónvarpsávarpi

Kim Jong-il, leiðtogi Norður-Kóreu, var fölur og fár þegar hann ávarpaði þjóð sína í sjónvarpi í morgun í tilefni þess að 15 ár eru í dag liðin frá því að faðir hans, Kim Il-sung, sem hélt um valdataumana á undan honum, lést árið 1994.

Dæmdur frá flöskunni

Breti á fimmtugsaldri hefur hlotið dóm sem bannar honum að vera drukkinn á almannafæri á Englandi og í Wales næstu sjö árin, eða til ársins 2016.

Óska eftir að ráða norn

Ferðamannastaðurinn Wookey Hole Caves í Somerset á Englandi auglýsir nú eftir norn og býður jafnvirði rúmra 10 milljóna króna í árslaun fyrir stöðuna.

Engin skýring á voðaverkunum

Íbúum í smábænum Gaffney í Suður-Karólínu létti mjög þegar lögreglu tókst á mánudag að fella fjöldamorðingjann, sem hafði hrellt bæjarfélagið dögum saman með fimm morðum af handahófi.

Leiðtogar hittast og ræða heimsmálin

Leiðtogar G8-ríkjanna koma saman í jarðskjálftabænum L‘Aquila á Ítalíu í dag, þar sem þeir ætla að ræða heimsmálin og snæða saman næstu þrjá daga.

Minningarstund um Michael í beinni

Nú er rétt að hefjast minningarstund um Michael Jackson, einn dáðasta söngvara seinni tíma. Jackson var jarðsettur í Forest Lawn kirkjugarðinum í Los Angeles fyrr í dag og hófst opinber minningarathöfn að því loknu. Athöfnin er sýnd í beinni á Stöð 2 extra og hér á Vísi.

Kröfu móður Jacksons hafnað

Dómari í Los Angeles hafnaði í gær kröfu Katherine Jackson, móður poppsöngvarans, um að hún yrði gerð að fjárhaldsmanni í dánarbúi Jackson. Þess í stað skipaði dómarinn lögfræðinginn John Branca og tónlistarútgefandann John McClain fjárhaldsmenn dánarbúsins. Í erfðaskrá söngvarans frá árinu 2002 kemur fram sú ósk hans að Branca og McCain meðhöndli eignir hans falli hann frá. Við dómsúrskurðinn í gær kom fram að eignir dánarbúsins væru metnar á 500 milljón dollara. Það eru um 64 milljarðar króna.

Mannréttindasamtök áhyggjufull vegna mótmælanna í í Xinjiang

Kínversk stjórnvöld hafa sett á útgöngubann í höfuðborg Xinjiang héraðs í vesturhluta Kína, þar sem harðvítug átök hafa átt sér stað síðustu daga. Mannréttindasamtök lýsa yfir þungum áhyggjum af ástandinu.

Hitlerstré veldur deilu í pólskum bæ

Eikartré í bænum Jaslo í Suðaustur-Póllandi, sem á sínum tíma var gróðursett á afmælisdegi Adolfs Hitler árið 1942 honum til heiðurs, verður að öllum líkindum öxinni að bráð fái bæjarstjórinn að ráða.

Leyndarskjalavörður les Vatíkaninu pistilinn

Vatíkanið ætti að læra af þeim mistökum sem það gerði gagnvart Galíleó Galílei og hætta að óttast framfarir í vísindum, segir skjalavörður Vatíkansins.

Raðmorðinginn í Suður-Karólínu skotinn til bana

Allar líkur eru taldar á því að maður, sem lögregla í Suður-Karólínu skaut til bana í gær, sé raðmorðinginn sem leikið hefur þar lausum hala síðustu tíu daga.

Enn mótmælt í Xinjiang

Enn halda mótmæli og átök áfram í Xinjiang-héraðinu í vesturhluta Kína en þar hafa íslamskir úígúar átt í harðvítugum deilum við Han-Kínverja þar sem þeir fyrrnefndu telja sér mismunað í samfélaginu.

Jackson lagður til hinstu hvílu

Stevie Wonder, Lionel Richie og Mariah Carey verða meðal þeirra söngvara sem heiðra minningu poppgoðsins Michaels Jackson við minningarathöfn sem haldin verður um hann í dag í Staples Center í Los Angeles.

Fangavörður hlaut áverka eftir árás fanga

Fangavörður í Hillerød í Danmörku er á sjúkrahúsi með áverka í andliti eftir árás gæsluvarðhaldsfanga í fangelsinu þar í bænum í gærkvöldi.

Öryggisráðið fordæmir tilraunir N-Kóreu

Öryggisráð Sameinuðu þjóðanna fordæmdi í gær eldflaugaskot Norður-Kóreumanna á laugardag en þá skutu þeir allt í allt sjö skammdrægum eldflaugum út á Japanshaf.

Stefnir í verkfall hjá British Airways

Sumarfrí fjölmargra Breta gætu farið úr skorðum vegna yfirvofandi verkfalls starfsmanna flugfélagsins British Airways. Talin er hætta á að af því verði, eftir að starfsmennirnir greiddu nánast allir sem einn atkvæði gegn niðurskurðartillögum félagsins í gær.

Viðvörun til Vesturlanda

Ali Khameini, æðsti leiðtogi Írans, segir að afskipti leiðtoga Vestur­landa af stjórnmálum í Íran geti haft neikvæð áhrif á samskipti Írans við þessi lönd.

Hátt á annað hundrað látnir

Að minnsta kosti 156 manns biðu bana og yfir 800 særðust á sunnudag í harðvítugum átökum, sem brutust út í kjölfar mótmælasamkomu í Urumqi, höfuðborg Xinjiang-héraðs vestast í Kína.