Kassinn finnst kannski aldrei

Mögulegt er að svarti kassi flugvélarinnar sem fórst yfir Atlantshafinu á sunnudag finnist aldrei. Flugvélar og skip leituðu að meira braki úr vélinni við mjög erfiðar aðstæður í gær.

Aðgangur að torginu bannaður

Erlendum blaðamönnum var meinaður aðgangur að Torgi hins himneska friðar í gær, þegar tuttugu ár voru liðin frá því að friðsamleg mótmæli fyrir lýðræðisumbótum voru brotin á bak aftur.

Vinstrisigur á Grænlandi

Vinstriflokkurinn Inuit Ataqatigiit sigraði í þingkosningunum á Grænlandi. Flokkurinn hlaut 44 prósent atkvæða og 14 af 31 þingsæti.

Bréf til Brown: Kæri forsætisráðherra segðu af þér

Nauðavörn Gordons Browns, forsætisráðherra Bretlands heldur áfram en samflokksmenn hans eru nú að safna undirskriftum svo þeir geti sent bréf þar sem hann er hvattur til þess að stíga til hliðar svo nýr leiðtogi geti leitt Verkamannaflokkinn inn á nýjar sigurbrautir.

Svindlaði sér inn í Arkitektaskólann í Árósum

25 ára gamall Íslendingur hlaut í dag 40 daga skilorðsbundinn fangelsisdóm í Vestur Landsrétti Danmerkur fyrir skjalafals. Maðurinn var sakfelldur fyrir að hafa falsað inntökubréf í Arkitektaskólann í Árósum.

Meira brak fundið úr vél Air France

Meira brak sem talið er vera úr flugvél Air France sem hrapaði yfir Atlandshafi hefur fundist. Þar á meðal er um sjö metra langt stykki úr vélinni. Í gær hafði fundist meira brak sem talið er vera úr sömu vél.

Aðstæður á leitarsvæðinu afar erfiðar

Óttast er að flugritar Air France farþegaflugvélarinnar sem talið er að hrapað hafi í Atlantshaf finnist ekki þar sem aðstæður á svæðinu þar sem brak hefur fundist eru mjög erfiðar.

Annar ráðherra Browns segir af sér

Breskir fjölmiðlar greina frá því í dag að Hazel Blears, ráðherra sveitastjórnarmála í Bretlandi, hafi sagt af sér embætti sökum óheimilla útgjaldaliða.

Skákbókasafn Bobbys Fischer á uppboð

Hundruð skákbóka, og annarra gagna sem tengjast skák, úr safni Bobbys heitins Fischer fara á uppboð í New York og á uppboðssíðu Bonhams í næstu viku.

Loka fjölda netsíðna til að hindra umfjöllun um torgið 1989

Kínversk stjórnvöld hafa lokað aðgangi að vissum hlutum Netsins til að fyrirbyggja of mikla umfjöllun um atburðina á Torgi hins himneska friðar fyrir 20 árum.

Vinstristjórn líkleg á Grænlandi

Þingkosningar fóru fram á Grænlandi í gær. Kosningarnar voru þær síðustu sem fram fara áður en Grænlendingar öðlast aukið sjálfstæði 21. júní.

Ráðuneytismenn fá námskeið í uppistandi

Líf japanskra embættismanna er allt annað en hlægilegt þessa dagana og liggur stjórnarandstaðan þeim meðal annars á hálsi fyrir að sóa fé skattborgaranna ráðleysislega á krepputímum.

Málverk á uppboð eftir nær öld í einkaeigu

Löngu horfið málverk eftir franska listmálarann Jacques-Louis David var sýnt opinberlega í fyrsta sinn í 84 ár í New York í gær.

Las ræningja pistilinn og sneri honum til trúar

Verslunareigandi nokkur á Long Island í New York sneri vörn í sókn þegar maður, vopnaður hafnaboltakylfu, gerði tilraun til að ræna verslun hans nú fyrir mánaðamótin.

Hundruð þúsunda dollara hrundu úr bíl

Tveir heiðarlegir vegfarendur skiluðu til lögreglu rúmlega 275.000 bandaríkjadollurum sem hrundu út úr peningaflutningabíl í Syracuse í New York í síðustu viku en dyrum bílsins hafði ekki verið lokað almennilega áður en haldið var af stað.

Erfitt gæti reynst að finna flugrita Air France-þotunnar

Enn er leitað að Airbus-þotu franska flugfélagsins Air France sem hvarf yfir Atlantshafi um helgina með 228 farþega innanborðs. Brak, sem talið er að sé úr vélinni, hefur sést í sjónum en það voru leitarflugmenn frá Brasilíu sem komu auga á það í gær.

Ráðherrar í stjórn Browns segja af sér

Breski innanríkisráðherrann Jacqui Smith ætlar að segja af sér embætti á næstu dögum, að því er breskir fjölmiðlar greindu frá í gær.

Tveggja mánaða fangelsi fyrir framhjáhald

Breskt par hefur verið dæmt í tveggja mánaða fangelsi fyrir framhjáhald í Daubai. Þau Sally Anita og Mark Hawkins voru handtekin þar sem þau yfirgáfu fimm stjörnu Radisson Blu Hótel í síðasta mánuði.

Hugsanleg afsögn innanríkisráðherra Bretlands

Breskir miðlar greina frá því í dag að Jacqui Smith, innanríkisráðherra Bretlands, muni segja af sér á næstu dögum vegna enn eins hneykslismáls þingmanna breska þingsins er varðar óheimil útgjöld þeirra.

Brak úr frönsku flugvélinni fundið

Brak úr farþegaþotu Air France, sem hvarf með 228 manns innanborðs yfir Atlantshafinu í fyrrinótt, fannst í dag um 640 kílómetra norðaustur af Brasilíu. Flugvélasæti er sagt meðal þess sem flýtur um í sjónum en það voru hermenn úr brasilíska sjóhernum sem fundu brakið.

Dýrkar van Damme

Verðandi leiðtogi Norður-Kóreu elskar hraðskreiða bíla og Jean Claude Van Damme. Kim Jong-il, leiðtogi landsins, hefur látið í ljós þá ósk sína að sonur hans, Kim Jong Un taki sæti hans þegar hann er allur.

Myrti nágranna sína fyrir að þvo þvott

Maður, sem handtekinn var í Kawasaki í Japan á laugardaginn fyrir að stinga þrjá nágranna sína til bana snemma um morguninn, gaf þá skýringu á athæfinu að hann hefði hreinlega ekki þolað að hlusta á hávaðann í þeim við að þrífa íbúðir sínar og opna og loka dyrum.

Darling biðst afsökunar vegna kostnaðarmála

Breski fjármálaráðherrann Alistair Darling baðst afsökunar á því í gær að hafa látið ríkissjóð greiða kostnað af íbúð sinni í London eftir að hann tók upp búsetu í embættisbústað við Downing-stræti 11.

J.D. Salinger stefnir rithöfundi fyrir brot á höfundarrétti

Höfundur skáldsögunnar Bjargvætturinn í grasinu hefur stefnt öðrum rithöfundi og útgáfufyrirtæki hans vegna bókar sem sá síðarnefndi skrifaði sem framhald sögunnar.

Hnífaæði meðal breskra unglinga

Sífellt fleiri breskir unglingar ganga nú um vopnaðir hnífum og hafa þarlend yfirvöld látið í ljós áhyggjur af þróuninni.

Kim Jong-il vill yngsta soninn sem eftirmann

Kim Jong-il, leiðtogi Norður-Kóreu, hefur látið í ljós þá ósk sína að yngsti sonur hans taki sæti hans þegar hann er allur.

Leitin að þotu Air France hefur engan árangur borið

Leit að farþegaþotu Air France, sem hvarf með 228 manns innanborðs yfir Atlantshafinu í fyrrinótt, stendur enn yfir en nú er talið að vélin, sem er af gerðinni Airbus A330, hafi verið nær Brasilíu en Afríku þegar hún fórst á leið sinni frá Rio de Janeiro í Brasilíu til Charles de Gaulle-flugvallarins í París.

Bandaríkin ættu að sýna gott fordæmi

Bandaríkin ættu fremur að sýna öðrum ríkjum gott fordæmi en að hlutast til um það hvernig þeim er stjórnað. Þetta var meðal þess sem Barack Obama Bandaríkjaforseti sagði í ræðu sem hann hélt í Kaíró í Egyptalandi í gær.

Motzfeldt of drukkinn í flug

Jonathan Motzfeldt, fyrrverandi formaður grænlensku landstjórnarinnar, fékk ekki að fara um borð í þyrlu, sem var á leið frá Qaqortoq til Narsarsuaq um miðjan maí, þar sem hann þótti of drukkinn.

Gerði mistök en leiðrétti þau

Talið hefur verið víst að Gordon Brown láti Alistair Darling, fjármálaráðherra Bretlands, fara eftir Evrópuþingskosningarnar í þessari viku. Annað var hins vegar uppi á teningnum í gær.

Feðgum smyglað frá Rússlandi

Deila er komin upp milli finnskra og rússneskra stjórnvalda eftir að sendiráðsstarfsmaður Finna í Sankti Pétursborg í Rússlandi smyglaði nýlega föður og ungum syni hans frá Rússlandi yfir landamærin til Finnlands í skottinu á bíl sínum.

Dómur hafnar kröfu fríríkisins

Eystri landsréttur í Danmörku hefur nú úrskurðað að fríríkið Kristjanía hafi ekki landnýtingarréttinn á svæðinu þar sem fríríkið stendur.

Grefur undan friði í heiminum

Norður-kóresk stjórnvöld undirbúa nú að skjóta annarri eldflaug á loft, þrátt fyrir alþjóðlega gagnrýni. Talið er að henni verði skotið á loft í kringum 16. júní og hún sé af sömu gerð og sú sem var skotið upp 5. apríl síðastliðinn.

Botsvana með mesta lýðræðið

Fleiri Afríkubúar vilja nú lýðræði en áður. Samkvæmt nýrri könnun sem gerð var í nítján löndum álfunnar hefur stuðningsmönnum lýðræðis fjölgað um fimm prósent síðan 2005, þegar fjörutíu prósent afrískra borgara vildu lýðræði.

Barnslík fannst í bakpoka

Maður og kona fundust látin á Englandi í gærkvöldi en talið er að þau hafi framið sjálfsmorð með því að stökkva fram af háum kletti í Eastbourne, East Sussex. Bifreið sem talin er hafa verið í eigu þeirra fannst á klettabrúninni. Lögreglumaður sem kom að fólkinu sá að tveir bakpokar lágu í seilingarfjarlægð frá líkunum. Hann opnaði annan bakpokann og sá þá eitthvað sem hann hélt að væri höfuð af dúkku. Þegar hann gáði betur kom í ljós að þetta var höfuð af litlum dreng sem var inni í bakpokanum.

Þrír danir um borð í vélinni

Christian Kønigsfeldt sendiherra Danmerkur í Brasilíu segir að þrír danir hafi verið um borð í farþegaflugvél Air France sem óttast er að hafi hrapað rétt fyrir utan Brasilíu í nótt. Vélin var á leið frá Rio de Janero til Parísar. Óttast var að fleiri danir væru um borð fyrr í dag.

ESB-ríki geta sett lög um hverjir eiga og reka lyfjabúðir

Evrópudómstóllinn hefur úrskurðað að ríkjum sambandsins sé heimilt að setja lög sem skilyrða hverjir megi eiga og reka lyfjabúðir. Dómurinn var kveðinn upp eftir að Þjóðverjar settu í lög að lyfjaverslanir mættu eingöngu vera í eigu lyfjafræðinga.Þessi niðurstaða veldur eigendum verslanakeðja með lyf miklum vonbrigðum, þar sem þeir höfu vonast til að geta fært út kvíarnar til ríkja sem hafa haft takmarkanir sem þessar í lögum.

Líklegt að vélin hafi orðið fyrir eldingu

Talið er að farþegaflugvél með 228 manns innanborðs sem var á leið frá Rio de Janeiro í Brasilíu til Parísar hafi orðið fyrir eldingu en allt fjarskiptasamband slitnaði við vélina í nótt. Leit er nú hafin að vélinni við litla eyju við stendur Brasilíu.

Líklegt að Darling verði látinn fjúka

Gordon Brown segir að hann muni ekki láta af embætti forsætisráðherra Bretlands þótt stjórn hans sé rúin trausti. Hins vegar er líklegt að Alastair Darling fjármálaráðherra verði látinn fjúka.

Farþegavél með 228 farþega hvarf yfir Atlantshafi

Farþegaflugvél með 228 farþega innaborðs frá franska flugfélaginu Air France er saknað eftir að hún hvarf yfir Atlantshafinu. Vélin var á leið frá Rio de Janeiro í Brasilíu og var á leið til París. Samkvæmt flugmálayfirvöldum á Charles de Gaulle flugvellinum í París misstu þeir samband við vélina um sex leytið í morgun. Það er BBC sem greinir frá.

Rukkaði ríkið fyrir skattaskýrslugerð

Líkur á því að Alastair Darling fjármálaráðherra Bretlands sé á útleið hafa enn aukist eftir að dagblaðið Daily Telegraph upplýsti að hann sendi ríkisstjóði reikning fyrir að láta endurskoðanda gera skattskýrslu sína.

Elísabet Fritzl komin með kærasta

Austurrískir fjölmiðlar skýra frá því að Elísabet Fritzel hafi fundið ástina í fyrsta skipti. Sá útvaldi er einn af lífvörðum hennar. Faðir Elísabetar hélt henni í fangelsi í tuttugu og fjögur ár og eignaðist með henni sjö börn. Hún er nú fjörutíu og fjögurra ára gömul en kærastinn er sagður allnokkuð yngri. Þau eru sögð hafa hafið sambúð.

Síðasti eftirlifandi Titanic farþeginn látinn

Síðasti eftirlifandi farþeginn af Titanic lést í gær 97 ára að aldri. Elisabeth Gladys Dean, sem oft var kölluð Millvina, lést á hjúkrunarheimili nærri Southampton, en þar hafði hún dvalið í boði Leonardo Di Caprio og Kate Winslet, sem léku aðalhlutverkin í Titanic myndinni.

Sex menn fórust í átökum Hamas og Fatah

Sex menn fórust þegar sérsveitir Fatah hreyfingarinnar börðust við Hamasliða í borginni Qalqilya á Vesturbakkanum í gær. Vefsíða breska blaðsins Telegraph segir að um sé að ræða verstu bardagar milli Palestínumanna, sem eiga sér stað utan Gaza, í mörg ár.