Hundruð þúsunda dollara hrundu úr bíl

Tveir heiðarlegir vegfarendur skiluðu til lögreglu rúmlega 275.000 bandaríkjadollurum sem hrundu út úr peningaflutningabíl í Syracuse í New York í síðustu viku en dyrum bílsins hafði ekki verið lokað almennilega áður en haldið var af stað. Einhverjir óheiðarlegri vegfarendur eru þó taldir hafa orðið sér úti um aðra 60.000 dollara sem einnig féllu út úr bílnum en alls voru það rúmlega tólf peningapokar sem duttu út úr honum meðan á akstrinum stóð og voru í þeim hvort tveggja seðlar og mynt.