Bréf til Brown: Kæri forsætisráðherra segðu af þér

Nauðavörn Gordons Browns, forsætisráðherra Bretlands heldur áfram en samflokksmenn hans eru nú að safna undirskriftum svo þeir geti sent bréf þar sem hann er hvattur til þess að stíga til hliðar svo nýr leiðtogi geti leitt Verkamannaflokkinn inn á nýjar sigurbrautir.

Fjölmiðlar hafa komist yfir bréfið en það verður ekki lagt fram opinberlega fram fyrr en fimmtíu flokksmenn hafa skrifað undir. Óttast er að sá fjöldi gæti orðið talsvert meiri.

Gífurleg pressa hefur verið á Gordon undanfarið en tveir ráðherrar hafa sagt af sér og er það túlkað sem vantraustsyfirlýsing á Brown.

Meðal þeirra sem hefur sagt af sér er ráðherra sveitafélaga, Hazel Blears en það gerði hún aðeins sólarhring fyrir sveitarstjórnarkosningar.

Tímasetningin er engin tilviljun, talið er að hún hafi viljað koma sem þyngstu höggi á Brown.