Loka milljarða gati með aðhaldi og auknum sköttum

Í drögum að fjárlagafrumvarpinu er leitast við að loka gati upp á sextán milljarða króna. Það verður gert með aðhaldi í útgjöldum ríkisins og aukinni tekjuöflun með sköttum og gjöldum. Þá reyndist tekjuaukningin meiri en gert var ráð fyrir í fyrra.

Útlit fyrir rigningu sunnudagskvöldið í Eyjum

Útlit er fyrir rigningu á sunnudagskvöldið á Þjóðhátíð í Vestmannaeyjum miðað við upplýsingar frá Veðurstofunni. Veðrið verður gott á svæðinu í upphafi hátíðarinnar en með sunnudagskvöldinu mun að öllum líkindum þykkna upp og útlit fyrir súld eða rigningu fram á mánudag.

Bátur með 35 manns strandaði við Lundey

Bátur með 35 farþegar strandaði við Lundey á Skjálfanda fyrir stundu. Landhelgisgæslan vinnur að því að flytja fólkið úr bátnum, en samkvæmt upplýsingum þaðan er gott veður á svæðinu og ekki mikil hætta á ferðum. Engu að síður er ítrustu varkárni alltaf gætt í aðstæðum sem þessum.

Strandveiðarnar klárast á svæði eitt á miðnætti

Sjávarútvegs- og landbúnaðarráðuneytið hefur bannað strandveiðar í ágúst, frá og miðnætti á svæði eitt, eða frá Snæfellsnesi inn í Ísafjarðardjúp, vegna of mikillar veiði á fyrri tímabilunum í sumar.

Embættistaka forsetans í máli og myndum

Vigdís Finnbogadóttir, fyrrverandi forseti Islands, Jóhanna Sigurðardóttir forsætisráðherra og Agnes M Sigurðardóttir, biskup Íslands, voru á meðal þeirra sem fögnuðu með forsetahjónunum þegar Ólafur Ragnar Grímsson var settur í embætti í gær. Fjöldi fólks fylgdist með þegar forsetahjónin stigu út á svalir Alþingishússins og veifuðu. Vilhelm Gunnarsson og Stefán Karlsson ljósmyndarar voru á staðnum og fylgdust með. Hér getur þú skoðað myndirnar þeirra.

Með lífshættulega áverka eftir hnífstungu

Hæstiréttur Íslands hefur staðfest úrskurð Héraðsdóms Reykjavíkur um að karlmaður sæti gæsluvarðhaldi til 9. ágúst vegna gruns um að hafa stungið annan mann með hnífi. Fórnarlambið hlaut lífshættulega áverka á brjóstkassa.

Latte-lepjandi lið í 401 Ísafjörður

Í Ögursveit á Vestfjörðum er rúmlega eitt kaffihús á hverja fjóra íbúa. Á svæðinu hafa um þessar mundir aðeins 10 til 11 manns fasta búsetu. Kaffihúsin eru aftur á móti þrjú, sem gæti verið einhvers konar met með tilliti til höfðatölu.

Beltislausir ógna lífi samferðamanna sinna

Um 20% þeirra sem látast í umferðarslysum eru taldir hafa látist af völdum þess að þeir voru ekki í öryggisbeltum. Þetta kemur fram í orðsendingu frá Umferðarstofu sem brýnir fyrir þeim sem ætla að ferðast um næstu helgi að nota slík belti. Segir Umferðarstofa að einn laus einstaklingur í bíl stofni ekki bara eigin lífi í hættu heldur einnig annarra sem í bílnum eru. Þá bendir Umferðarstofa á að 20% allra banaslysa í umferðinni eru af völdum þess að ökumaður er undir áhrifum áfengis.

Ungmennin fundust heil á húfi í Brynjudal

Fjögur ungmenni á aldrinum 12 til 17 ára fundust heil á húfi í Brynjudal í Hvalfirði í nótt eftir farið var að sakna þeirra.

Fundu fjall vestur af Snæfellsnesi

Fjall sem Hafrannsóknastofnunin (Hafró) fann neðansjávar í nýjum leiðangri sínum kann að vera tuttugu milljón ára gamalt.

Stöðva strandveiðar á svæði eitt

Sjávarútvegs- og landbúnaðarráðuneytið hefur tilkynnt að strandveiðum í ágúst, á svæði eitt, eða frá Snæfellsnesi inn í Ísafjarðardjúp, skuli ljúka á miðnætti. Bátarnir fá því aðeins tvo veiðidaga á þessu svæði í mánuðinum.

Töluverður erill hjá lögreglunni

Töluverður erill var hjá lögreglunni á höfuðborgarsvæðinu í gærkvöldi og í nótt og gista margir fangageymslur.

Slasaðist þegar hann ók bifhjóli út í hraun

Ökumaður bifhjóls slasaðist þegar hann missti stjórn á hjólinu í beygju á Grindavíkurbraut vestan við fjallið Þorbjörn í gærkvöldi og hafnaði út í hrauni.

Slapp ómeiddur frá strandi í Tálknafirði

Skipverji á litlum fiskibáti slapp ómeiddur þegar báturinn sigldi beint upp í fjöru í Tálknafirði í nótt.

Yfir tuttugu virkjanakostir í athugun

Landsvirkjun stendur fyrir athugun á fjölda virkjanakosta, bæði hvað varðar jarðvarma- og vatnsaflsvirkjanir. Formaður Samorku segir eðlilegt að rannsaka virkjanakosti sem settir eru í biðflokk í rammaáætlun. Náttúruverndarsinnar gagnrýna boranir við Þjórsá.

Vefsíur gagnslausar í baráttunni gegn barnaklámi

Félag um stafrænt frelsi á Íslandi er mótfallið upptöku vefsíu til að hamla umferð Íslendinga á vefsíður með efni sem sýnir börn á kynferðislegan hátt. Síur séu í besta falli gagnslausar og geti í raun gert ógagn.

Stjórnarskrá Íslands ramminn sem hélt

Ólafur Ragnar Grímsson sór embættiseið sem forseti Íslands í fimmta skipti í gær. Sagði fimm kosningar frá hruni sýna kosti stjórnarskrárinnar en minntist ekki á kosningar til stjórnlagaráðs. Vill að kjörnir fulltrúar láti af átökum.

Ofbeldisbrotum og innbrotum fækkaði 2011

Ofbeldisbrotum og innbrotum fækkaði verulega á höfuðborgarsvæðinu á síðasta ári. Þá fækkaði skemmdarverkum einnig en kynferðisbrotum fjölgaði. Þetta er meðal þess sem kemur fram í ársskýrslu lögreglustjórans á höfuðborgarsvæðinu fyrir árið 2011 sem kom út á þriðjudag.

Kapphlaup um bestu tjaldstæðin

VestmannaeyjarÞað var handagangur í öskjunni þegar Eyjamönnum var leyft að stika út svæði fyrir tjöld sín í Herjólfsdal í gær.

Þjóðhátíðarbrennan er ekki í hættu

Vísi hefur borist ábendingar um að eldur logi í þjóðhátíðarbrennunni í Vestmannaeyjum. Í samtali við fréttastofu sagði lögreglumaður að svo væri ekki. Um er að ræða lítil bál sem logar við hlið brennunnar.

Fjallaleiðsögumenn sitja naktir fyrir - ræða nú dagatal

Það er aldrei róleg stund hjá leiðsögumönnum ferðaskrifstofu Íslenskra fjallaleiðsögumanna. Þegar markaðsfulltrúinn bað um ljósmynd af piltunum ákváðu þeir að sýna honum hvernig atvinnumenn í fjallaferðum gera hlutina.

Fátt um svör eftir að rúta var stöðvuð á Egilsstöðum

Lögreglan á Egilsstöðum kyrrsetti í dag rútu frá fyrirtækinu Bílar og fólk ehf. Framkvæmdastjóri félagsins hafði í kjölfarið samband við lögregluna á Egilsstöðum og á Höfn en hvorugt embættið kannaðist við málið.

Nítugasta kóngulóategundin gerir sig heimakomna

Nýjasti landnemi Íslands er langleggjuð, vel hærð, fim og afskaplega falleg að sögn meindýraeyðis. Hann telur að með þessum landnema megi gera ráð fyrir því að finna megi 90 kóngulótegundir á landinu.

Enginn með allar tölur réttar

Enginn var með allar tölur réttar í Víkingalottóinu í kvöld. Vinningstölurnar voru 6, 11, 19, 21 og 41.

Refsiheimildir laga um gjaldeyrisviðskipti ófullnægjandi

Refsiheimildir í lögum um gjaldeyrisviðskipti eru ekki fullnægjandi og því er ekki hægt að ákæra einstaklinga þrátt fyrir að Seðlabankinn gruni þá um brot. Þetta kemur fram í áliti Ríkissaksóknara sem fréttastofa hefur undir höndum. Fundur sem Seðlabankinn vildi með Ríkissaksóknara um málið fyrir tveimur mánuðum hefur enn ekki verið haldinn.

"Eyrarbakki er eins og fullkomið stúdíó"

Það eru ekki bara stórstjörnu frá Hollywood sem heimsækja Ísland þessa dagana. Á Eyrarbakka er nú verið að taka upp sænska kvikmynd í fullri lengd.

Alvarlegum vanskilum heldur áfram að fjölga

Tæplega tuttugu og sjö þúsund einstaklingar eru í alvarlegum vanskilum og hafa þeir aldrei verið fleiri. Helmingi fleiri fasteignir voru seldar á nauðungarsölu í Reykjavík á fyrstu sex mánuðum þessa árs miðað við sama tíma fyrra.

"Botninum í niðurskurði virðist ekki náð"

"Fyrsta skrefið í átt að bættu ástandi fæst með því að ræða stöðuna." Þetta segir Steinar Adolfsson, framkvæmdastjóri landssambands lögreglumanna. Hann gestur í útvarpsþættinum Reykjavík síðdegis á Bylgjunni í dag. Hann ræddi við þáttastjórnendur um ársskýrslu lögreglunnar á höfuðborgarsvæðinu sem kom út í gær.

Fjórir í haldi vegna hnífstungu - áverkar piltsins ekki alvarlegir

Áverkar piltsins sem stunginn var í lærið í Mjóddinni í Breiðholti eftir hádegi í dag eru ekki alvarlegir, samkvæmt upplýsingum frá vakthafandi lækni á slysadeild Landspítalans. Hann verður þó til eftirlits á spítalanum fram á kvöld.

Forsetinn sór embættiseið

Ólafur Ragnar Grímsson forseti Íslands sór embættiseið í fimmta sinn í þinghúsinu um klukkan tuttugu mínútur yfir fjögur í dag. Það var Markús Sigurbjörnsson, forseti Hæstaréttar, sem setti Ólaf Ragnar Grímsson í embætti. Hann gekk að því loknu á svalir Alþingishúsinu ásamt Dorrit Moussaieff forsetafrú þar sem hann bað menn að minnast fósturjarðarinnar.

Forsetahjónin komin til kirkju

Forsetahjónin eru komin til guðsþjónustu í Dómkirkjunni. Þau mættu í Alþingishúsið klukkan tuttugu mínútur yfir þrjú í dag, en um tíu mínútum seinna hófst guðsþjónustan og ráðgert er að Ólafur Ragnar Grímsson verði settur í embætti forseta klukkan fjögur. Ólafur Ragnar Grímsson, forseti Íslands, og Markús Sigurbjörnsson gengu fyrstir í átt að Dómkirkjunni, því næst Dorrit Moussaieff forsetafrú og Agnes Sigurðardóttir, biskup Íslands, en því næst Jóhanna Sigurðardóttir forsætisráðherra og Ásta Ragnheiður Jóhannesdóttir, forseti Alþingis.

Árásarmaðurinn í Mjóddinni handtekinn

Búið er að handtaka mann sem grunaður er um að hafa stungið mann í lærið í Mjódd rétt fyrir klukkan eitt í dag. Að sögn lögreglunnar á höfuðborgarsvæðinu var maðurinn handtekinn skammt frá staðnum þar sem atvikið varð. Maðurinn sem var stunginn var fluttur á slysadeild með áverka, en ekki er vitað meira um líðan hans. Sjónarvottur sagði í samtali við Vísi að sá sem varð fyrir árásinni hafi gefið upp nafn árásarmannsins. Ekki er vitað um tildrög árásarinnar.

Stunginn um hábjartan dag í Mjódd

Karlmaður var stunginn í Mjódd rétt fyrir klukkan eitt í dag. Hann fékk aðstoð viðstaddra við að stöðva blæðingu sem hlaust af, en sjúkralið kom svo á staðinn og var maðurinn fluttur á slysadeild. Nokkur hópur fólks varð vitni að atburðinum. Samkvæmt frásögn eins sjónvarvottar sem dreif að eftir atburðinn gat sá sem stunginn var gefið upp nafnið á árásarmanninum.

Aldrei eins fá innbrot

Innbrotum á höfuðborgarsvæðinu fækkaði verulega á síðasta ári og hafa aldrei verið eins fá. Að jafnaði voru framin fjögur innbrot í umdæminu á hverjum degi, en til samanburðar voru þau sex árið á undan.

Sjö þúsund þyrstir Íslendingar á klukkustund

Forsvarsmenn Vínbúðarinnar búast við annasamri viku nú þegar Verslunarmannahelgin nálgast. Í fyrra komu tæplega 117 þúsund viðskiptavinir í Vínbúðirnar vikuna fyrir þessa stærstu ferðamannahelgi ársins. Til samanburðar komu að meðaltali 98 þúsund viðskiptavinir í Vínbúðirnar í viku í júlí.

Fjölskylda Ólafs Ragnars viðstödd embættistökuna

Öll fjölskylda Ólafs Ragnars Grímssonar, forseta Íslands, verður viðstödd embættistöku hans í Alþingishúsinu síðdegis. Vísir náði tali af Guðrúnu Tinnu Ólafsdóttur, dóttur forsetans núna í hádeginu. Þá var hún að greiða dætrum sínum fyrir athöfnina, en einnig að sinna yngstu börnum sínum sem ekki hafa nægan aldur til að vera viðstödd.

Lögreglumenn ættu að vera 700 en ekki 300

Alltof langt hefur verið gengið í niðurskurði á löggæslu á höfuðborgarsvæðinu, segir lögreglustjóri. Á svæðinu ættu að vera vel yfir sjö hundruð lögreglumenn en ekki þrjú hundruð, ef við berum okkur saman við frændur okkar Norðmenn.

Skoða skipið sem strandaði í Vopnafjarðarhöfn

Verið er að kafa og skoða hvort einhverjar skemmdir hafi orðið á botni norska skipsins Silver Copenhagen, sem tók niðri í innsiglingunni í Vopnafjarðarhöfn um klukkan 5 í morgun.

Óvenju mörg manndrápsmál í fyrra

Óvenjumörg manndrápsmál, eða alls þrjú, voru til rannsóknar hjá lögreglunni á höfuðborgarsvæðinu í fyrra. Þetta kemur fram í ársskýrslu lögreglunnar sem birt var í gærkvöld. Tímabilið 2007-2010 voru framin samtals fjögur morð í umdæminu og árið í fyrra var því óvenjulegt að þessu leyti. Lögreglan segir þó að varast beri að horfa á sérstaka þróun í þessum efnum og rétt að hafa hugfast að í fyrra fækkaði ofbeldisbrotum á höfuðborgarsvæðinu.

Eftirlitsmyndavélar í Herjólfsdal

Öryggisgæsla á Þjóðhátíð í Vestmannaeyjum hefur verið efld til muna frá því á síðasta ári, segir Páll Scheving Ingvarsson, formaður þjóðhátíðarnefndar. Ellefu öryggismyndavélar verða í Herjólfsdal og um 120 manns sinna gæslu á svæðinu.

Lést í slysi á sunnudag

Ökumaður sem lést í slysi nærri Steingrímsfjarðarheiði á sunnudagskvöld hér Halldór Jónsson. Halldór var fæddur 8. febrúar 1932 á Ísafirði, en starfaði sem ökukennari í Reykjavík. Hann lætur eftir sig eiginkonu. Hann eignaðist fimm börn, en eitt þeirra er látið. Líðan kanadísks pars sem var farþegar í bíl Halldórs var að sögn vakthafandi læknis á gjörgæslu óbreytt í gærkvöldi. Karlmaðurinn var enn í lífshættu og var haldið sofandi og í öndunarvél, en konan er ekki lengur í lífshættu.

Mamma Brynjars fagnar sýknudómi

Brynjar Mettinisson hefur verið sýknaður af ákæru um fíkniefnasmygl. Þetta fullyrðir móðir hans í samtali við DV í dag. Móðir hans segir þó að hann sé ekki laus heldur þurfi Brynjar að bíða í mánuði þar til saksóknarar hafa ákveðið hvort málinu verði áfrýjað eða ekki. Þetta er mikill léttir og þó að það sé smá skuggi framundan þá er það samt léttir að hann hafi verið sýknaður," segir hún.

Slökkvitæki björguðu miklu í tveimur eldsvoðum

Greiður aðgangur að slökkvitækjum í sameignum tveggja fjölbýlishúsa á höfuðborgarsvæðinu kom í veg fyrir að eldur færi úr böndunum í báðum tilvikum í gærkvöldi og í nótt.

Norskt flutningaskip strandaði við Vopnafjörð

Þrjú þúsund og fimm hundruð tonna norskt flutningaskip tók niðri og strandaði í innsiglingunni til Vopnafjarðar á sjötta tímanum í morgun þegr skipið var á útleið.

Engin samstaða meðal strandveiðisjómanna

Ekkert varð úr samstöðu strandveiðisjómanna um að hefja ekki veiðar úr ágúst kvótanum fyrr en eftir verslunarmannahelgi , til að koma í veg fyrir verðfall á mörkuðum.