Fjórir í haldi vegna hnífstungu - áverkar piltsins ekki alvarlegir

Áverkar piltsins sem stunginn var í lærið í Mjóddinni í Breiðholti eftir hádegi í dag eru ekki alvarlegir, samkvæmt upplýsingum frá vakthafandi lækni á slysadeild Landspítalans. Hann verður þó til eftirlits á spítalanum fram á kvöld.

Árásarmaðurinn var handtekinn skammt frá staðnum þar sem atvikið varð en að sögn lögreglunnar í Kópavogi, sem annast rannsókn málsins, eru þrír aðrir í haldi grunaðir um aðild að árásinni.

Sjónvarvottur sagði í samtali við Vísi að pilturinn, sem er yngri en tvítugt samkvæmt upplýsingum Vísis, hafi gefið upp nafn árásarmannsins.

Ekki er vitað um tildrög árásarinnar að svo stöddu.