Annie Mist segir stuðning þjóðarinnar skipta sköpum

Annie Mist Þórisdóttir kom heim í dag eftir að hafa sigrað heimsmeistaramót í crossfit annað árið í röð. Hún ávarpaði aðdáendur sína í Skeifunni í dag fyrir utan húsnæði Crossfit Reykjavík. Múgur og margmenni var þar samankomið, m.a. ættingjar hennar og vinir.

Mikil fækkun afbrota samhliða nýrri taktík lögreglu og auknum jöfnuði

Afbrotum fækkaði verulega á síðasta ári og er breytingin samhliða lækkun á svokölluðum Gini-stuðli sem mælir ójöfnuð í skiptingu tekna. Fækkun afbrota skýrist af nýrri aðferðafræði lögreglunnar sem skilaði sér meðal annars í tilnefningu til nýsköpunarverðlauna.

Óvenjuleg fyrirhyggja í vínkaupum fyrir helgina

Veigamikill þáttur í tilstandi Íslendinga um verslunarmannahelgina er að drekka vín - mikið vín. Sala áfengis í vínbúðum landsins rýkur fram úr öllu valdi þannig að stundum hefur þurft að hleypa fólki inn í hollum. Venjulega er talað um að föstudagurinn fyrir verslunarmannahelgina sé einn af þremur stærstu dögum ársins í vínsölu.

Fjórða Hollywoodmyndin líklegast tekin á Íslandi í haust

Miklar líkur eru á að fjórða Hollywood myndin verði tekin upp hér á landi í október. "Það eru sterkar líkur á því," segir Leifur Dagfinnsson, hjá True North, í samtali við Vísi. Hann segir þó ekkert hafa verið ákveðið endanlega. Þess vegna sé ekki tímabært að tjá sig um það um hvaða mynd er að ræða.

Slæmt ástand á malarvegum

Ástand malarvega víða um land er með lakara móti samkvæmt upplýsingum frá Vegagerðinni. Ástæðan er sú að lítið hefur verið hægt að hefla vegna langvarandi þurrka.

Smyglari tekinn með tugi lítra af áfengi

Lögreglan og tollgæslan á Vestfjörðum lagði hald á 38 lítra af sterku áfengi og 37.000 sígarettur um borð í flutningaskipi sem kom til lestunar á Bíldudal síðastliðinn miðvikudag. Varningurinn fannst við leit í skipinu og var tilbúinn til hífingar frá borði. Talið er að hann hafi átt að fara til dreifingar hér á landi. Einn skipverji var handtekinn vegna málsins. Honum var sleppt í gærkveldi að lokinni yfirheyrslu. Samkvæmt upplýsingu frá lögreglu telst málið upplýst og er það komið til ákærumeðferðar.

Þyrlan sótti veikan sjómann

Skipverji á íslensku togveiðiskipi var fluttur með þyrlu Landhelgisgæslunnar á spítala í morgun. Um hálfsjöleytið bað skipstjórinn um samband við lækni þyrlunnar vegna sjúklings um borð og var ákveðið að maðurinn yrði sóttur. Skipstjórinn fékk jafnframt fyrirmæli um að sigla í átt að landi. Maðurinn var svo kominn í þyrluna um hálfníuleytið og var þyrlan lent í flugskýli Landhelgisgæslunnar um níuleytið þar sem sjúkrabíll tók við sjúklingnum og flutti hann á Landsspíatlann.

Ný stjórnmálaöfl komin með listabókstafi

Innanríkisráðuneytið hefur úthlutað þremur nýjum stjórnmálaöflum listabókstafi fyrir næstu alþingiskosningar.

Samlokurnar ódýrastar hjá Iceland Express

Samlokur eru áberandi á matseðlum þeirra flugfélaga sem halda uppi millilandaflugi héðan frá Íslandi allt árið. Samkvæmt verðkönnun sem Túristi.is gerði eru þær ódýrastar hjá Iceland Express og kosta nærri því helmingi minna en brauðið hjá Norwegian, þar sem þær eru dýrastar.

Emma Watson komin til Íslands

Leikkonan Emma Watson, sem leikur ofurkláru galdrastelpuna Hermione Granger í Harry Potter myndunum, er á Íslandi. Um miðnætti í gærkvöldi tilkynnti hún heimsbyggðinni um komu sína á Twitter með orðunum "I'm in ICELAND!! Boo Ya!!!!!!"

Keppni hafin á Unglingalandsmótinu

Fyrstu keppnir á Unglingalandsmóti Ungmennafélags Íslands hófust klukkan átta í morgun. Keppt var í golfi, körfubolta, frjálsum íþróttum og knattspyrnu svo eitthvað sé nefnt. Stöðugur straumur fólks lagði inn á mótssvæðið í gær og hafa eigendur hundruða tjaldvagna, fellihýsa og tjalda komið sér fyrir. Á vefsíðu mótsins segir að aldrei hafi fleiri þátttakendur skráð sig til keppni en þeir eru um 2000.

Björt framtíð eina af nýju framboðunum sem ekki tapar fylgi

Þrjú af fjórum nýju framboðunum fyrir næstu Alþingiskosningar tapa fylgi frá fyrri mánuði, samkvæmt nýjum þjóðarpúlsi Gallups, en Björt framtíð þeirra Guðmundar Steingrímssonar og Heiðu Kristínar Helgadóttur vinnur á og mælist nú með 5,3 prósent.

Stöðvuðu 17 ára stúlku á 146 km hraða

Selfosslögreglan stöðvaði 17 ára stúlku á Eyrarbakkaveginum seint í gærkvöldi eftir að bíll hennar hafði mælst á 146 kílómetra hraða.

Vindátt og viðbúnaður hindruðu náttúruspjöll í Elliðavatni

Hagstæð vindátt og mikill viðbúnaður slökkviliðsins eru talin hafa komið í veg fyrir náttúruspjöll í Elliðavatni, þegar sjö lítrar af smurolíu láku af vél jeppa, sem rann mannlaus út í vatnið um átta leitið í gærkvöldi.

Hópslagsmál í Vestmannaeyjum í nótt

Hópslagsmál brutust út í Vestmannaeyjabæ um fjögur leitið í nótt, eftir að karlmaður réðst á unga konu og veitti henni áverka.

Björgunarskólinn á Gufuskálum lagður niður

Slysavarnafélagið Landsbjörg ætlar að hætta rekstri almannavarna- og björgunarskólans á Gufuskálum á Snæfellsnesi og hefur sagt upp starfsfólki sínu þar.

Féll af hestbaki og meiddist

Kona meiddist þegar hún féll af hestbaki í grennd við Hvanneyri í Borgarfirði undir miðnætti. Hún var flutt á heilsugæsluna í Borgarnesi til aðhlynningar.

Ölvaðir bílstjórar gerst sekir um manndráp

Ökumenn sem aka undir áhrifum áfengis eða annarra vímugjafa og verða valdir að dauða annars hafa verið ákærðir fyrir manndráp, og fangelsisdómar hafa fallið vegna slíkra mála. Umferðarstofa hvetur aðstandendur ökumanna sem ætla af stað ölvaðir til að grípa í taumana.

Þarf að loka til að hagræða í rekstri

Slysavarnafélagið Landsbjörg hefur sagt upp starfsmönnum sínum í Björgunarskólanum á Gufuskálum á Snæfellsnesi, þar sem haldin hafa verið námskeið fyrir björgunarfólk um árabil.

Segir fleiri í arnarvarpsskoðun

Páll Kr. Pálsson stjórnarformaður Sæferða segir að það verði forvitnilegt að sjá hvernig yfirvöld taki á öðrum sjófarendum sem sigli um sömu svæði og þeir um Breiðafjörðinn.

Rannsaka hegðun hvala við Ísland

Háskóli Íslands (HÍ) kynnti í gær samstarfsverkefni um hvalarannsóknir með Alþjóðadýraverndunarsjóðnum (IFAW). Verkefnið er til sex vikna og mun beinast að rannsóknum á hegðun hvala við Ísland.

Hvalaskoðarar fengu áfallahjálp eftir strand

„Báturinn var við Lundey að skoða fugla í blíðu veðri þegar hann strandaði,“ segir Þorsteinn Jóhannesson, framkvæmdastjóri hvalaskoðunarfyrirtækisins Norðursiglingar, sem gerir meðal annars út bátinn Hauk. Haukur strandaði með 37 farþega innanborðs við Lundey á Skjálfanda í gær.

Guðjón Már eignast OZ-nafnið á ný

Jón Stephenson von Tetzchner, stofnandi og fyrrum forstjóri norska hugbúnaðarfyrirtækisins Opera, hefur fjárfest í íslenska sprotafyrirtækinu Medizza.

Fjölskyldufólk streymir aftur í frí til útlanda

Sprenging hefur orðið sumarfrísferðum fjölskyldufólks til útlanda, segir forstjóri Úrvals Útsýnar. Þetta var sá hópur sem sparaði við sig í ferðalögum eftir hrun. Markaðsaðstæður hafa verið ferðalöngum í vil.

Veitti manni lífshættulega áverka

Hæstiréttur hefur staðfest gæsluvarðhaldsúrskurð yfir ríflega tvítugum manni sem er grunaður um að hafa veitt jafnaldra sínum lífshættulega áverka með hnífi í Höfðatúni síðastliðið laugardagskvöld.

Dulbúnar boðflennur vöktu enga tortryggni

Talsmaður Isavia segir þrennt hafa brugðist þegar tveir laumufarþegar fundust í þotu á Keflavíkurflugvelli. Mennirnir hafi sést í eftirlitsmyndavélum en ekki vakið neinar grunsemdir því þeir hafi dulbúið sig sem flugvallarstarfsmenn.

Þjóðarpúls: Sjálfstæðisflokkurinn stærstur

Sjálfstæðisflokkurinn er enn sem áður með meira fylgi en ríkisstjórnarflokkarnir tveir til samans. Samfylking og Vinstri grænir eykst samt þó frá fyrri mánuði. Þetta kemur fram í Þjóðarpúlsi Gallup.

Húkkarinn í kvöld og fólk streymir til Vestmannaeyja

„Við erum afar ánægð með stöðuna. Veðrið leikur við okkur og það er það eina sem maður fær ekki við ráðið." Þetta segir Páll Scheving Ingvarsson, formaður Þjóðhátíðarnefndar. Fjöldi fólks hefur lagt leið sína til Vestmannaeyja í dag.

"Breið sátt um stjórnarskrárbreytingar stendur ekki til boða"

Fyrrverandi varaformaður stjórnlagaráðs segir nær ómögulegt að mynda breiða sátt um breytingar á stjórnarskrá. Hann segir málið vera nú vera pólitískt og að gagnrýnendur tillaganna fjalli ekki um málið á efnislegum forsendum.

Slökkviliðsmenn í eggjandi myndatöku

Fáklæddir slökkviliðsmenn fjölmenntu í Nauthólsvíkina í gær. Það var þó hvorki sólarást né strípihneigð sem réð för, heldur stóðu yfir tökur á jóladagatali slökkviliðsins.

Landinn fer rólegur inn í Verslunarmannahelgi

Verslunarmannahelgi er nú á næsta leiti. Umferð hefur aukist um Selfoss og Borgarnes en hún hefur gengið vel það sem af er kvöldi.

Búast við þrettán þúsund manns á Selfossi um helgina

Unglingalandsmót UMFÍ fer fram á Selfossi um helgina. Hátt í sex þúsund manns eru nú samankomin á svæðinu. Mótið verður formlega sett annað kvöld en formaður UMFÍ gerir ráð fyrir að um 13 þúsund manns muni heimsækja landsmótið í ár.

Landspítalanum verður hlíft í niðurskurði næsta árs

Landspítalanum verður hlíft í niðurskurði næsta árs, samkvæmt heimildum fréttastofu og fjárlög til spítalans verða því ekki skert. Niðurskurður og skattahækkanir eru samt framundan annars staðar í kerfinu ef markmið ríkisstjórnarinnar um hallalaus fjárlög 2014 eiga að nást.

Landi komst ekki til eyja

Tveir menn voru handteknir í dag grunaðir um að hafa ætlað að selja landa á þjóðhátíð í Vestmannaeyjum. Lögreglan á Selfossi og á höfuðborgarsvæðinu lagði á hald á 65 lítra af 45 prósent landa.

Hugbúnaður gerir fólki kleift að senda hinstu kveðjur sínar

Sveinn Kristjánsson, stofnandi When Gone, var gestur í útvarpsþættinum Reykjavík síðdegis í dag. Hann ræddi þar um nýstárlegan hugbúnað sem fyrirtækið þróar nú en það gerir fólki kleift að taka upp sín hinstu skilaboð.

Sólin hefur aldrei skinið meira í borginni

Reykvíkingar ættu flestir að vera sólbrúnir og sætir eftir sumarið því sólskinsstundirnar í Reykjavík síðustu þrjá mánuði hafa aldrei verið fleiri á þessum árstíma frá því mælingar hófust. Á Akureyri er sömu sögu að segja og Akureyringar ættu því að geta unað vel við sitt litarhaft.

Allt óvíst um frekari stuðning við lögregluna

Ögmundur Jónasson, innanríkisráðherra, getur ekkert sagt til um hvenær von er á frekari fjárframlögum til lögreglunnar á höfuðborgarsvæðinu. Hann hefur skilning á því að of langt hafi verið gengið í niðurskurði hjá lögreglunni á landinu. Hann segir að nú sé botninum náð, ekki verði gengið lengra og vonast til að hér eftir liggi leiðin upp.

Ökumenn muni eftir þokuljósunum

Björgunarsveitarmaður segir mikilvægt að ökumenn kveiki á þokuljósunum ef þeir lenda í þoku á vegum nú um helgina.

Ein hópuppsögn í júlí - 68 sagt upp

Ein tilkynning barst til Vinnumálastofnunar um hópuppsögn í júlímánuði. Um er að ræða uppsagnir í rannsóknar- og þróunarstarfsemi og er heildarfjöldi þeirra sem sagt var upp 68 manns. Starfsmennirnir koma aðallega til með að missa vinnuna í október til desember á þessu ár, að því er fram kemur á vef Vinnumálastofnunar.

Íbúi á Grettisgötu slapp með skrekkinn

Aðalsteinn Jónsson, íbúi á Grettisgötu, slapp með skrekkinn þegar bíl var ekið á húsið hans í dag. Aðalsteinn var úti að mála húsið sitt rétt áður en bíllinn skall á húsið. Það var mikil mildi að Aðalsteinn hafði rétt verið búinn að snúa sér frá húsinu. Hefði hann enn verið að mála, er ljóst að illa hefði farið. Bíllinn skall með öllu afli á húsið. Þeir sem voru í bílnum flúðu vettvang, þar á meðal var kona sem hafði slasast illa. Lögreglan hefur nú haft hendur í hári hennar.

Afmælisbragur á Einni með öllu

"Það er bara góð stemming fyrir hátíðinni enda veðurspáin með eindæmum góð alla helgina,“ segir Pétur Guðjónsson, talsmaður hátíðarinnar Einnar með öllu sem fram fer á Akureyri um helgina. Í gær var strax komið mikið af fólki í bæinn og er tjaldsvæðið við Þórunnarstræti að verða fullt.

Lögreglan minnir ferðalanga á að passa húsin sín

Lögreglan á höfuðborgarsvæðinu verður með viðamikið eftirlit um verslunarmannahelgina eins og jafnan áður. Áhersla verður á eftirlit með eftirvögnum og kerrum og skráningu ökutækja. Jafnframt því mun lögregla halda úti eftirliti í hverfum á svæðinu eftir föngum.

Harður árekstur á Vitastíg

Harður árekstur varð á gatnamótum Vitastígs og Grettisgötu laust fyrir klukkan tvö í dag. Sjúkralið er á svæðinu en hvorki hafa borist upplýsingar um hve margir farþegar voru né hvort einhverjir hafi slasast.

Réttarhlé fram í byrjun september

Réttarhlé í Hæstarétti stendur nú yfir og mun standa út ágústmánuð. Fyrsti málflutningur eftir réttarhléið fer fram 5. september næstkomandi.

Haldið sofandi í öndunarvél

Erlenda parið, sem flutt var á Landspítalann með þyrlu Landhelgisgæslunnar á sunnudagskvöld eftir bílveltu á Steingrímsfjarðarheiði, liggur enn á gjörgæslu.