Börn fá gefins endurskinsvesti

Í vikunni mun öllum grunnskólabörnum í fyrsta til þriðja bekk í Reykjavík verða færð endurskinsvesti að gjöf frá borginni. Um er að ræða stærsta umferðaröryggisátak sem ráðist hefur verið í í þágu skólabarna í borginni, að því er segir í tilkynningu.

Styrkja félag karla með krabbamein

Allur ágóði af af klippingu og litun renna til Framfarar, félags karla sem hafa greinst með krabbamein í blöðruhálskirtli á styrktardegi hárgreiðslustofunnar 101 hárhönnun sem haldinn verður á morgun.

Jákvæð í fjórtán mánuði

Vöruskipti voru hagstæð um 16,4 milljarða króna í október, samkvæmt bráðabirgðatölum Hagstofunnar.

Dæmdum nauðgara sleppt

Karlmanni, sem dæmdur var í sumar fyrir hrottalega nauðgun, var sleppt að gengnum dómi Hæstaréttar í gær. Hæstiréttur sneri þar með við úrskurði Héraðsdóms Reykjavíkur, sem úrskurðað hafði manninn í gæsluvarðhald þar til dómur í máli hans gengi í Hæstarétti, ekki þó lengur en til 22. desember.

Skoða sex mál tengd hruninu

„Við erum að skoða mörg mál sem varða hugsanlega ríkisaðstoð. Þar á meðal eru mál tengd peningamarkaðssjóðum bankanna,“ segir Per Sande­rud, forseti stjórnar Eftirlitsstofnunar EFTA (ESA).

Internet og hiti í strætóskýli

Strætóskýlið hjá Þjóðminjasafninu og Háskóla Íslands við Hringbraut hefur nú verið upphitað og upplýst.

Forseti Alþingis fundar í Brussel

Forseti Alþingis, þingmenn og starfsmenn Alþingis funduðu í gær með fulltrúum Evrópusambandsins í Brussel í Belgíu.

Hefur sóað kröftum og lífi hersveita

Hamid Karzai mun ekki takast að hemja spillingu í Afganistan. Ríkisstjórn hans hefur sóað kröftum og lífi hersveita bandalagsríkjanna undanfarin ár og mistekist að koma á fót stofnunum sem geta sinnt þörfum afgönsku þjóðarinnar.

Tólf milljóna króna afgangur á rekstri

Endurskoðuð fjárhags­áætlun Dalabyggðar gerir ráð fyrir 12,1 milljónar króna afgangi á rekstri sveitarfélagsins í ár. Um 49 milljóna króna viðsnúningur hefur orðið á rekstrinum frá því fjárhagsáætlun var samþykkt með 37 milljóna króna halla.

Skattalegar ástæður

„Þessi fyrirtæki eru hér af skattalegum ástæðum, þau greiða minni skatta en ef þau væru í Bretlandi,“ segir Baldvin Björn Haraldsson, hdl., sem á sæti í stjórnum DMG Lending og DMG Investments á Íslandi. Hann segir að starfsemi DMG fyrirtækjanna á Íslandi snúist um lánveitingar milli fyrirtækja innan DMG-samstæðunnar.

Framkvæmd fyrir fimmtíu milljarða

Fulltrúar tuttugu lífeyrissjóða skrifuðu undir viljayfirlýsingu við heilbrigðisráðuneytið, fyrir hönd ríkisvaldsins, í gær, um nýjan Landspítala. Hún felur í sér að sjóðirnir koma að fjármögnun og undirbúningi við byggingu nýs spítala. Sjóðirnir tuttugu eru með 83,22 prósent af heildareignum íslenskra lífeyrissjóða.

Ráðinn til þingflokks VG

Bergur Sigurðsson hefur verið ráðinn framkvæmdastjóri þingflokks Vinstrihreyfingarinnar - græns framboðs. Hann hóf störf um mánaðamótin. Bergur er umhverfisefnafræðingur frá Háskólanum í Osló og hefur síðastliðin þrjú ár starfað sem framkvæmdastjóri Landverndar. Þar áður starfaði hann við heilbrigðiseftirlit á Suðurnesjum.

Hafði áður hlotið dóma

Karlmaður sem dæmdur var í héraðsdómi í fyrradag í fimmtán mánaða fangelsi og til að greiða 93 milljónir króna í sekt vegna skattsvika hefur áður hlotið aðra dóma, meðal annars vegna brota á lögum um atvinnuréttindi útlendinga.

Úttektirnar námu á annað hundrað milljónum króna

Úttektir á erlend greiðslukort hér á landi, sem nú eru til rannsóknar hjá efnahagsbrotadeild Ríkislögreglustjóra vegna skattsvika, nema samtals á annað hundrað milljónum króna.

Tilkynnt um þrjú innbrot

Þrjú innbrot voru tilkynnt til lögreglunnar á höfuðborgar­svæðinu í gærmorgun. Brotist var inn í Sjónvarpsmiðstöðina í Síðumúla um klukkan tvö um nótt, en ekki liggur fyrir hvort einhverju var stolið þaðan. Maður var handtekinn í kjölfarið grunaður um innbrotið.

Gistinætur færri en í fyrra

Gistinóttum á hótelum í september í ár fækkaði um 2 prósent miðað við sama tíma í fyrra, úr 122.500 í 120.500. Þetta kemur fram í tölum Hagstofu Íslands. Gistinóttum fækkaði í öllum landshlutum, nema á Suðurlandi og höfuðborgarsvæðinu.

Ráðist á hersveitir talibana

Um 40 vígamenn talibana hafa fallið síðustu daga í hörðum bardögum við pakistanska herinn í Suður-Waziristan við landamæri Pakistans og Afganistans. Þar af féllu tíu í hörðum götubardögum í borginni Ladha, einu af þremur helstu vígjum talibana og hryðjuverkasamtakanna Al Kaída í héraðinu.

Kennir Bandaríkjamönnum að soðsteikja lambaskanka

Kokkurinn Sheryl Julian kennir Bandaríkjamönnum að soðsteikja lambaskanka á vefútgáfu blaðsins Boston Globe. Í greininni segist hún hafa verið hrifnari af ameríska lambinu, þá helst vegna þess að hún vilji styðja innlenda framleiðslu. Hún bregður þó út af vananum og eldar íslenska lambið í þetta skiptið.

Sportbát og tveimur vélhjólum stolið

Lögreglan á höfuðborgarsvæðinu leitar að sportbáti sem var stolið í sumar. Báturinn er af gerðinni Quick Silver en hann var tekinn úr Reykjadal við Reykjaflöt. Þá leitar lögreglan einnig að auðþekkjanlegu mótorhjóli. Það er rautt á litinn og er af gerðinni American Ironhors Texas Chopper, skráningarnúmer VH983. Því var stolið úr Rósarima í Reykjavík í sumar.

Dæmdur nauðgari laus vegna dráttar á upplýsingum

Hæstiréttur hefur úrskurðað að Eugenio Daudo Silva Chipa, sem var dæmdur í fjögurra og hálfs árs fangelsi í Héraðsdómi Reykjavíkur fyrir hrottalega nauðgun, verði ekki gert að sæta áframhaldandi gæsluvarðhaldi þar til dómur fellur í máli hans í Hæstarétti líkt og farið var fram á. Ástæðan er dráttur á upplýsingum frá héraðsdóminum sem var óskað eftir í sumar.

McDonalds vill ekki koma aftur - of flókið rekstrarumhverfi

Forsvarsmenn skyndibitakeðjunnar McDonalds, segjast ekki hafa neinar fyrirætlanir um að snúa aftur til Íslands eftir að þremur McDonalds stöðum var lokað nú um mánaðamótin. Þetta kemur fram á fréttasíðunni Foodweek.com.au.

Umferðaróhapp við Gullinbrú

Umferðaróhapp varð fyrir stundu við Gullinbrú. Sjúkrabíll hefur verið sendur á vettvang. Samkvæmt varðstjóra eru tildrög slyssins enn óljós og ekki hægt að gefa nánari upplýsingar að svo stöddu.

Þróar fimmhjóla rafmagnsbíl sem ekur til hliðar

Íslenskur hugvitsmaður hefur tryggt sér einkaleyfisvernd á beygjubúnaði rafmagnsbíls sem getur ekið til hliðar inn í bílastæði.

Tafir á Helguvík skaða Orkuveituna

Orkuveita Reykjavíkur sér fram á hundruð milljóna króna kostnaðarauka vegna tafa á Helguvíkurverkefninu og rekur hluta tjónsins til aðgerða ríkisstjórnarinnar. Óvissa um Suðvesturlínur og orkuskatta veldur því að Orkuveitan getur ekki staðfest pöntun á Mitzubishi-aflvélum frá Japan og reynir nú að mæta tafakostnaði með hærra orkuverði frá Norðuráli.

Staðgreiðsla allt að 50 prósent á næsta ári

Staðgreiðsla skatta verður allt að 50 prósent á næsta ári. Fjármálaráðherra segir að hækka verði skatta meira nú en ella hefði þurft, ef fyrri ríkisstjórnir hefðu ekki rústað skattkerfinu.

Meintir mansalsmenn áfram í gæsluvarðhaldi

Lögreglustjórinn á Suðurnesjum krafðist þess í dag fyrir Héraðsdómi Reykjanses að 6 karlmenn, 5 Litháar og 1 Íslendingur, sem setið hafa í gæsluvarðhaldi vegna rannsóknar á ætluðu mansali og skipulagðri glæpastarfsemi yrðu úrskurðaðir í áframhaldandi gæsluvarðhald í allt að tvær vikur.

Árni búinn að skila inn uppgjöri

„Ég sendi inn í sumar en svo kom í ljós að það hafði ekki skilað sér þannig ég sendi þetta aftur í gær,“ segir þingmaður Sjálfstæðisflokksins, Árni Johnsen, en Vísir greindi frá því fyrr í dag að að hann væri eini þingmaðurinn sem hefði ekki skilað inn fjárhagslegu uppgjöri til Ríkisendurskoðunar vegna þátttöku í prófkjöri eða forvali vegna þingkosninga í vor.

Lögreglan óskar eftir vitni

Lögreglan á höfuðborgarsvæðinu óskar eftir vitni að umferðaróhappi sem varð á Gullinbrú í Reykjavík á fjórða tímanum í gær. Þá var hvítum jepplingi af gerðinni Hyundai Tucson, skráningarnúmer OM484, ekið á ljósastaur en bíllinn var á suðurleið.

Árni skilaði einn ekki uppgjöri

Árni Johnsen, þingmaður Sjálfstæðisflokksins, er eini þingmaðurinn sem skilaði ekki inn fjárhagslegu uppgjöri til Ríkisendurskoðunar vegna þátttöku í prófkjöri eða forvali vegna þingkosninganna í vor.

Hælisbeiðni Hosmany hafnað

Útlendingastofnun hefur hafnað hælisumsókn brasilíska lýtalæknisins Hosmany Ramos. Hann hyggst kæra niðurstöðuna. Dómsmála- og mannréttindaráðuneytið tekur innan skamms afstöðu til beiðni yfirvalda í Brasilíu sem vilja að Hosmany verði framseldur til heimalandsins.

Samninganefnd vegna ESB skipuð

Utanríkisráðherra hefur skipað samninganefnd Íslands vegna fyrirhugaðra aðildarviðræðna við Evrópusambandið.

Benda á fjarveru Dags

Fjarveru Sigmundar Davíðs Gunnlaugssonar, fulltrúa Framsóknarflokksins í skipulagsráði Reykjavíkur, á fundum ráðsins má rekja til þess að hann er formaður Framsóknarflokksins. Þetta kemur fram í bókun fulltrúa Framsóknarflokks- og Sjálfstæðisflokks í skipulagsráði um mætingu Sigmundar Davíðs á fundi ráðsins. Fulltrúar meirihlutans telja réttast að Samfylkingin byrji á sjálfri sér í þessum efnum vilji flokkurinn að reglur um mætingarskyldu séu skýrari. Þeir benda á fjarveru Dags B. Eggertssonar, borgarfulltrúa og varaformanns Samfylkingarinnar, málinu sínu til stuðnings.

Íslenskt flugfélag flýgur með flóttamenn til Íraks

Flugvél íslenska leiguflugfélagsins Primera Air, sem áður hét JetX, flaug í morgun með íraska flóttamenn frá Danmörku til Íraks fyrir dönsku lögregluna, eftir því sem fullyrt er á fréttavefnum Smugunni

Birkir Jón: Svik Samfylkingarinnar

Samfylkingin hefur ekki fylgt eftir kosningaloforðum sínum og svikið fjölda fólks á landsbyggðinni. Þetta kom fram í máli Birkis Jóns Jónssonar, varaformanns Framsóknarflokksins, á Alþingi í dag í umræðum um störf án staðsetningar. Jóhanna Sigurðardóttir, forsætisráðherra, sagði að það væri eindregin vilji stjórnvalda að sem flest störf standi fólki til boða, ekki síst á landsbyggðinni.

Sigmundur Davíð fékk 53 þúsund fyrir hvern fund

Sigmundur Davíð Gunnlaugsson, formaður Framsóknarflokksins, fékk 52.962 krónur greiddar fyrir hvern fund sem hann mætti á í skipulagsráði borgarinnar frá því í ágúst í fyrra.

Þingmenn VG styðja frumvörp um persónukjör með fyrirvara

Þingflokkur Vinstri grænna styður frumvörp um persónukjör til Alþingis- og sveitarstjórnarkosninga með fyrirvara. Þetta kom fram í máli Atla Gíslasonar, þingmanns VG, á þingfundi í dag. Það var Birgir Ármannsson, þingmaður Sjálfstæðisflokksins, sem innti Atla eftir afstöðu þingflokksins. Athygli vakti í gær að enginn þingmaður Vinstri grænna tók þátt í umræðum um frumvörpin þegar fyrsta umræða um frumvörpin fór fram í gærkvöldi.

Bygging nýs Landspítala hefst 2011

Gert er ráð fyrir því að framkvæmdir við byggingu nýs Landspítala hefjist á síðari hluta árs 2011 og standi fram á árið 2016, samkvæmt viljayfirlýsingu sem fulltrúar lífeyrissjóðanna og fulltrúar ríkisstjórnarinnar undirrituðu í dag.

Fimm þúsund hafa sagt nei takk við Árna Pál

Fjöldi þeirra sem hafa afþakkað greiðslujöfnunarúrræði ríkisstjórnarinnar hjá Íbúðalánasjóði var kominn í 4.700 núna um hádegið. Fólk sem ekki ætlar að nýta sér úrræðið sem Árni Páll Árnason félagsmálaráðherra kynnti á dögunum, hefur frest til 20. nóvember næstkomandi að tilkynna um það, vegna gjalddaga í desember.

Gatnamót lokuð í nótt

Í nótt verða gatnamót Kringlumýrarbrautar, Suðurlandsbrautar og Laugavegar lokuð, nema að því leyti að akreinar fyrir hægri beygju verða opnar. Áætlað er að gatnamótin verði opnuð að nýju fyrir klukkan sex í fyrramálið. Vegfarendur eru beðnir velvirðingar á þeim óþægindum sem þessi lokun kann að valda.

Komu saman við Vogaafleggjara

Undirbúningshópur Keflavíkurgöngunnar 2009 kom saman við Vogaafleggjara í hádeginu ásamt bæjarstjórum og oddvitum í bæjarmálunum af svæðinu. Undirbúningshópurinn saman stendur af hópi Suðurnesjamanna með ólíkar stjórnmálaskoðanir. Ætlunin er að vekja athygli á atvinnumálum á Suðurnesjum.

Íslenskir bændur eru heilsuhraustastir allra

Bændur eru heilbrigðastir Íslendinga andlega og líkamlega samkvæmt tveimur rannsóknum sem birtast í nýjasta hefti Læknablaðsins.

Auðveldar ríkjum að segja sig úr ESB

Auðveldara verður fyrir ríki að segja sig úr Evrópusambandinu eftir að Lissbon-sáttmálinn tekur gildi, en síðustu hindrun í vegi gildistökunnar var rutt burt í gær þegar Tékkar staðfestu sáttmálann. Ný embætti forseta framkvæmdastjórnarinnar og utanríkisstjóra verða til með sáttmálanum.

Steindir gluggar Bessastaðakirkju prýða jólafrímerkin í ár

Steindir gluggar Bessastaðakirkju prýða jólafrímerki Íslandspósts í ár. Bessastaðakirkja er með elstu steinbyggingum landsins en hún var vígð árið 1796. Um miðja síðustu öld var svo sett steint gler í glugga kirkjunnar í tilefni af sextugsafmæli Ásgeirs Ásgeirssonar þáverandi forseta. Alls eru gluggarnir átta en á þeim er trúarsaga Íslendinga rakin. Frímerkin koma út á morgun.

Gylfi: AGS stýrir ekki Íslandi

Efnahags- og viðskiptaráðherra segir Alþjóðagjaldeyrissjóðinn ekki fara með stjórn efnahagsmála á Íslandi, eins og margir þingmenn og fleiri hafa gefið í skyn. Sjóðurinn sé í samstarfi við Íslendinga að beiðni íslenskra stjórnvalda.

Mansalsmál: Farið fram á áframhaldandi gæsluvarðhald

Lögreglustjórinn á Suðurnesjum mun fara fram á áframhaldandi gæsluvarðhald yfir fimm Litháum og einum Íslendingi síðar í dag, en þeir hafa setið í varðhaldi í tengslum við rannsókn á skipulagðri glæpastarfsemi, meðal annars mansali og tryggingarsvikum.