Fleiri fréttir

Gæsluvarðhalds krafist yfir Þverárselsparinu

Lögreglan krefst gæsluvarðhalds yfir unga parinu sem grunað er um að hafa skotið á hús við Þverársel í Seljahverfi aðfararnótt sunnudagsins. Að sögn Friðriks Smára Björgvinssonar, yfirlögregluþjóns hjá rannsóknardeild lögreglunnar á höfuðborgarsvæðinu, var krafan tekin fyrir í Héraðsdómi Reykjavíkur klukkan fjögur í dag. Friðrik Smári sagðist gera ráð fyrir að farið yrði fram á vikulangt varðhald.

Oslóartréð höggvið við hátíðlega athöfn

Jólatréð sem Oslóarbúar munu gefa Íslendingum þetta árið var höggvið við hátíðlega athöfn í dag. Viðstaddir athöfnina voru meðal annars Sigríður Dúna Kristmundsdóttir, sendiherra Íslands í Noregi, og Margit F. Tveiten, sendiherra Norges á Íslandi. Ljósin á trénu verða svo tendruð við hátíðlega athöfn á Austurvelli þann 29. nóvember næstkomandi. Í ár eru liðin 58 ár síðan að Oslóarbúar gáfu Íslendingum fyrst jólatré.

Umhverfisráðherra boðar endurskoðun á náttúruverndarlögum

Svandís Svavarsdóttir umhverfisráðherra hefur ákveðið að hefja endurskoðun á lögum um náttúruvernd með það fyrir augum að styrkja stöðu náttúruverndar í landinu. Í tilkynningu frá Svandísi segir að ráðist sé í endurskoðunina vegna brýnnar þarfar á að styrkja stöðu náttúrunnar og umhverfissjónarmiða í íslenskum rétti.

Alvarlegt ef vitnum er hótað

„Það er mjög alvarlegt ef það gerist að menn ætla að beita ógnunum og hótunum gagnvart vitnum i málum," segir Ólafur Helgi Kjartansson, sýslumaður á Selfossi. Karlmaður var handtekinn í Þorlákshöfn á fimmtudaginn en þar hafði hann í hótunum um að manni mein sem hafði borið vitni gegn honum í dómsmáli daginn áður. Ólafur Helgi segir að það valdi sér ákveðnum áhyggjum að menn hóti ofbeldi í slíkum tilfellum.

Veiða síld fyrir utan sjúkrahúsið

Síldveiðiskipið Faxi RE er nú á veiðum í Breiðafirði og að sögn skipstjórans, Alberts Sveinssonar, er síldin erfið viðureignar. Skipið fór til veiða síðastliðið fimmtudagskvöld og í gær var Faxi kominn með um 950 tonna afla. Stefnt er að því að ná fullfermi eða rúmlega 1500 tonnum en Albert segir að það ætli að reynast erfiðara en hann átti von á.

Refaveiðar ekki styrktar en áfram herjað á minkinn

Styrkir ríkisins til refaveiða verða felldir niður á næsta ári, samkvæmt fjárlagafrumvarpinu. Hins vegar verða minkaveiðar áfram styrktar, á þeim grundvelli á minkurinn sé aðskotadýr í íslenskri náttúru.

Meinað að fylgjast með löndun ESB-skipa á karfa af Reykjaneshrygg

Ítrekaðar óskir Íslendinga um að fá að fylgjast með löndunum skipa Evrópusambandsins á karfa af Reykjaneshrygg hafa ekki náð fram að ganga og segjast íslensk stjórnvöld afar ósátt við að hafa þurft að samþykkja óbreytta stjórnun veiðanna á ársfundi Norðaustur Atlantshafsfiskveiðinefndarinnar í London fyrir helgi.

Fjárhagsleg staða kvennaathvarfsins bágborin

Sigþrúður Guðmundsdóttir, framkvæmdastýra Samtaka um kvennaathvarf, segir fjárhagsstöðu samtakanna bágborna en samtökunum hefur ítrekað verið synjað um styrki hjá sveitarfélögunum.

Hótaði að meiða vitni í dómsmáli

Karlmaður var handtekinn í Þorlákshöfn á fimmtudaginn þar sem hann var að leita að aðila sem hafði borið vitni í héraðsdómi í máli sem sá handtekni hafði verið dæmdur í daginn áður. Maðurinn hafði í hótunum um að vinna vitninu mein.

Hafdís Helga Ólafsdóttir skipuð skrifstofustjóri

Fjármálaráðherra hefur skipað Hafdísi Helgu Ólafsdóttur, lögfræðing, í stöðu skrifstofustjóra lögfræðisviðs fjármálaráðuneytisins. Embættið var auglýst 25. september síðastliðinn og bárust alls ellefu umsóknir um stöðuna.

Kvörtunum vegna lögreglu- og fangelsismála fjölgar

Nýjum málum sem Umboðsmaður Alþingis tekur til skoðunar fjölgaði um 11% á árinu 2008, samkvæmt nýútkominni skýrslu embættisins fyrir árið 2008. Í fyrra voru skráð 346 ný mál hjá ebættinu en árið 2007 voru þau 308.

Degi íslenskrar tungu fagnað víða

Degi íslenskrar tungu, 16. nóvember, fæðingardegi Jónasar Hallgrímssonar, er nú fagnað í fjórtánda sinn. Í skólum landsins og á vegum margra annarra stofnana og samtaka verður dagsins minnst með einhverju móti. Á vef dags íslenskrar tungu á heimasíðu menntamálaráðueytisins má finna upplýsingar um hluta af því sem fram fer undir merkjum dagsins.

Par til yfirheyrslu vegna skotárásar

Rannsóknarlögreglumenn eru með ungt par til yfirheyrslu vegna skotárásarinnar í Þverárseli aðfararnótt sunnudagsins. Að sögn Friðriks Smára er parið íslenskt og er karlmaðurinn á þrítugsaldri.

Fjárlaganefnd ræðir útgjöld ríkisins

Fjárlaganefnd Alþingis kom saman um klukkan hálftíu í dag til þess að fara yfir útgjaldahlið fjárlagafrumvarpsins og hittir forsvarsmenn ýmsa ríkisstofnana vegna þess.

Ferðamálasamtökin mótmæla hugmyndum um ferðamannaskatt

Ferðamálasamtök Íslands mótmæla harðlega hugmyndum um hækkun á virðisaukaskatti á gistingu og veitingar. Slíkar hækkanir stórskaða þá ímynd sem skapast hefur undanfarið ár meðal erlendra ferðasskipuleggjenda að verðlag á Íslandi sé viðráðanlegt.

Handtekinn við grunsamlega iðju í nótt

Þá handtók lögreglan mann í miðbæ Reykjavíkur í nótt en til hans sást þar sem hann var að ganga á milli bíla og skima inn um rúður þeirra. Þegar lögregla hafði afskipti af manninum kom í ljós að hann var með tæki og tól til innbrota á sér auk þess sem hann mun vera þekktur fyrir þesskonar iðju. Hann var einnig undir áhrifum áfengis eða fíkniefna og fékk hann að gista fangageymslur í nótt.

Bílstuldur: Skildi hann eftir í gangi

Bifreið var stolið við bensínstöð á Ártúnshöfða í nótt. Eigandinn hafði skilið bílinn eftir í gangi á meðan hann fór inn á bensínstöðina og skipti engum togum að einhver óprúttinn vegfarandi ákvað að ræna bílnum.

Skotið á mann í Seljahverfi - handtökur framkvæmdar

Maður hóf skothríð í Seljahverfi í Breiðholti aðfararnótt sunnudags. Lögregla hefur leitað skotmannsins frá því árásin átti sér stað og herma heimildir fréttastofu að einhverjar handtökur hafi verið framkvæmdar en óljóst er hvort sá er skaut úr byssunni sé kominn á bak við lás og slá.

Efri skattmörk meðaltekna verði sex hundruð þúsund

Stíft hefur verið fundað um skattatillögur ríkisstjórnarinnar um helgina; bæði innan flokkanna og á milli þeirra. Steingrímur J. Sigfússon fjármálaráðherra segir stefnt að því að leggja fyrstu tillögur fyrir ríkis­stjórnarfund á morgun.

Sprengja stíflur til að bjarga laxastofni

Tillögum Verndarsjóðs villtra laxastofna (NASF) um framtíðarnýtingu eins víðáttumesta votlendis Evrópu verður fylgt í þaula af frönskum stjórnvöldum. Þau hafa ákveðið að tvær stíflur á vatnasvæðinu, sem eru nálægt Mont-Saint-Michel, frægum ferðamannastað í Normandy, verði fjarlægðar.

Stuðningur í boði fyrir umsóknarlönd

Ríkjum sem sótt hafa um aðild að Evrópusambandinu (ESB) kann að standa til boða fjárhagsstuðningur til að fást við vaxandi atvinnuleysi. Árni Páll Árnason félagsmálaráðherra segir að Vladimír Spidla, framkvæmdastjóri atvinnu- og félagsmála ESB, hafi boðið fram aðstoð sambandsins á fundi sínum með norrænum vinnumálaráðherrum og fulltrúum þeirra fyrir helgi.

Milta sögukennara rofnaði í fjársöfnun

Nemendum við Menntaskólann í Hamrahlíð var brugðið á fimmtudag þegar uppátæki þeirra til fjársöfnunar fyrir Barna- og unglingageðdeild Landspítalans leiddi til þess að ungur sagnfræðikennari, Karl Jóhann Garðarsson, þurfti að leggjast inn á gjörgæsludeild með rofið milta.

Vill samræmd próf upp úr grunnskóla

Menntaráð Reykjavíkur hefur skipað starfshóp um námsmat í grunnskólum borgarinnar. Meðal þess sem hópurinn á að skoða er hvort rétt sé að samræmd próf verði aftur haldin að vori, en ekki hausti eins og nú er.

Íbúar prjóna kærleikstrefil

„Okkur fannst það sniðug hugmynd að vera með fasta viðburði hér í miðrými Nýheima þar sem íbúar geta verið með athafnasemi,“ segir Björk Pálsdóttir, verkefnisstjóri Nýsköpunarmiðstöðvar Íslands á Höfn í Hornafirði.

Þolinmæðin senn á þrotum

Barack Obama og Dimitrí Medvedev, forsetar Bandaríkjanna og Rússlands, sögðu í gær að tíminn væri við það renna út fyrir Íransstjórn að bregðast við sáttatillögu Alþjóða kjarnorkumálastofnunarinnar í kjarnorkudeilunni. Obama og Medvedev hittust á fundi Efnahagssamtaka Asíu- og Kyrrahafsríkja í Singapúr.

Alls 122 sektaðir í Laugardal

Alls þurfa 122 ökumenn að greiða stöðubrotsgjald eftir að hafa lagt ólöglega í nágrenni Laugardalshallarinnar á laugardag þegar Þjóðfundurinn fór þar fram. Stöðubrotsgjald nemur 2.500 krónum , en afsláttur er gefinn af þeirri upphæð ef gjaldið er greitt innan þriggja daga. Gjaldið rennur í Bílastæðasjóð.

Fá tvær vikur til þess að afgreiða Icesave

Alþingi hefur nú tvær vikur til afgreiða Icesave frumvarp ríkisstjórnarinnar en um næstu mánaðamót geta Hollendingar og Bretar sagt samkomulaginu upp einhliða. Formaður fjárlaganefndar vonast til þess að málið verði afgreitt úr nefnd á morgun.

Benedikt Davíðsson er látinn

Benedikt Davíðsson, fyrrverandi forseti Alþýðusambands Íslands, er látinn áttatíu og tveggja ára að aldri.

Þingmaður VG formaður Heimssýnar

Þingmaður Vinstri grænna, Ásmundur Einar Daðason ,var í dag kosinn formaður samtaka Heimssýnar á aðalfundi félagsins. Áður gegndi Ragnar Arnald, fyrrum ráðherra, formennskunni. Heimssýn eru samtök gegn aðild að ESB.

Fleiri karlar en konur á Þjóðfundi

Af þeim 1231 fundargesti á Þjóðfundinum í Laugardalshöll í gær voru konur í minnihluta, eða 47 prósent samkvæmt heimasíðu Þjóðfundarins. Á móti voru karlmenn 53 prósent af fundargestum.

Tvö þúsund ásælast Haga

Viðskiptamaðurinn Guðmundur Franklín Jónsson sagði í viðtali við Egil Helgason í þættinum Silfur Egils í hádeginu að tvö þúsund áhugasamir fjárfestar væru tilbúnir að kaupa Haga.

Þúsundir horfðu Þjóðfundinn

Um 3.500 manns fóru inn á thjodfundur2009.is og horfðu á beina útsendingu frá Þjóðfundinum sem haldin var í Laugardalshöll í gær. Um 1.500 horfðu á útsendinguna um morguninn.

Vilja halda prestinum sínum

Mikil óánægja ríkir á Selfossi með ákvörðun Kirkjuþings um að sameina Hraungerðis- og Selfossprestaköll. Stofnaður hefur verið hópur sem krefst þess að fallið verði frá ákvörðuninni.

Hálkublettir eru á Holtavörðuheiði.

Á Vestfjörðum eru hálkublettir á flestum fjallvegum samkvæmt vegagerðinni. Hálka er á Steingrímsfjarðarheiði og á Klettshálsi. Snjóþekja er á Djúpvegi um Þröskulda. Þæfingsfærð er á Hrafnseyrarheiði og á Þorskafjarðarheiði.

Einar Skúlason býður sig fram gegn sitjandi borgarfulltrúa

Einar Skúlason, fyrrum framkvæmdarstjóri Alþjóðahússins, hefur ákveðið að bjóða sig fram gegn Óskari Bergssyni, borgarfulltrúa, í fyrsta sætið í prófkjöri Framsóknarmanna í Reykjavík sem fram fer í lok nóvember.

TIME: Íslensk tíska blómstrar í bankahruninu

Tímaritið Time fjallar um óvæntan vöxt íslenskrar tísku eftir bankahrunið á heimasíðu sinni og ræðir við nokkra íslenska búðareigendur á Laugveginum. Meðal annars er rætt við Báru Hólmgeirsdóttur, fatahönnuð sem rekur búðina Aftur. Hún segir í viðtalinu að hönnuðir hafi hagnast á hruninu.

Erill í Reykjavík og eldur í Reykjanesbæ

Nokkur erill var hjá lögreglunni á höfuðborgarsvæðinu í nótt en um 100 mál voru tilkynnt sem verður að teljast nokkuð mikið. Talsvert var af fólki í miðbæ Reykjavíkur og var eitthvað um stympingar og hávaðaútköll. Tíu manns gistu fangageymslur og fimm voru teknir grunaðir um ölvun við akstur.

Ljósið var lofsteinn sem splundraðist með tilþrifum

„Þetta var örugglega lofsteinn sem splundraðist með tilþrifum,“ segir Sævar Helgi Bragason formaður Stjörnuskoðunarfélags Seltjarnarness og einn af stjórnendum vefjarins Stjörnuskoðun.is. Þegar framburður sjónarvottanna sem sáu mikla ljósrák á himni síðdegis er borinn undir Sævar segir hann lýsingarnar ríma nokkurn veginn við það að lofsteinn hafi splundrast þegar hann kom inn í gufuhvolfið.

Dularfullt ljós á himnum - sennilega stjörnuhrap

Allnokkrir hafa hringt inn á fréttastofu og segjast hafa séð skært ljós á himnum sem hrapaði til jarðar. Einn sjónarvotturinn taldi að þarna hafi verið óvanalega bjart stjörnuhrap. Svo virðist sem það hafi verið á suðurlandi en annar sjónarvotturinn sem var gestur í Bláa lóninu sagði fyrirbærið hafa verið svo skært og mikið að það virtist mjög nálægt. Fyrirbærið sást um klukkan hálf sex í kvöld.

Sjá næstu 50 fréttir

Mest lesið