Vandræðalegt að ekki sé búið að leysa Icesave

Steingrímur J. Sigfússon fjármálaráðherra segir að það sé vandræðalegt að ekki hafi enn tekist að leysa Icesave málið og öllum finnist það óþægilegt - íslenskum, breskum og hollenskum stjórnvöldum, sem og Alþjóðagjaldeyrissjóðnum. Hann segir alla skynja að nú standi yfir lokatilraunin til að ná landi.

Fantasíumatseðill í fjárlagafrumvarpinu

Katrín Júlíusdóttir iðnaðarráðherra segir orkuskatt, eins og honum er lýst í fjárlagafrumvarpi, vera fantasíumatseðil sem ekki eigi að taka bókstaflega. Þá kveðst hún áskilja sér rétt til að fara vel yfir úrskurð Svandísar Svavarsdóttur umhverfisráðherra um Suðvesturlínu áður en hún lýsi sig sammála þeirri ákvörðun.

Vígahnöttur á stærð við fótbolta á Suðurlandi í nótt

Óvenju skær vígahnöttur, sem sást víða á Suðurlandi liðna nótt, hefur sennilega verið á stærð við fótbolta og fallið nærri suðurodda landsins. Nálægt hundrað skráð tilfelli eru um vígahnetti hérlendis, en aldrei hafa þó fundist brot úr neinum þeirra.

Skrifaði engin bréf í þágu íslenskra fjármálafyrirtækja

Forseti Íslands segist engin bréf hafa skrifað til þjóðarleiðtoga í þágu íslenskra fjármálafyrirtækja á erlendri grundu, fyrir utan eitt bréf, sem snéri ekki að bönkunum.

Allt á suðupunkti - vildu ekki tala fyrir VG

Gríðarleg ólga er innan Vinstri grænna vegna afsagnar Ögmundar Jónassonar úr ráðherrastól og ekki er útilokað að flokkurinn klofni. Fari svo mun ríkisstjórnin springa. Ögmundur, sem og formaður þingflokks Vinstri grænna, báðust undan því að taka til máls fyrir hönd flokksins í umræðum um stefnuræðu forsætisráðherra á Alþingi í kvöld.

Andlega veikur maður rispaði á annan tug bíla

Rannsókn lögreglunnar á höfuðborgarsvæðinu á skemmdarverkum á bílum í austurborginni í síðustu viku er að mestu lokið. Á annan tug bíla varð fyrir barðinu á skemmdarvargi sem rispaði þá talsvert. Spellvirkinn reyndist vera karl á þrítugsaldri sem glímt hefur við andleg veikindi. Hann hefur verið færður á viðeigandi stofnun.

Vantraust á Morgunblaðið margfaldast eftir komu Davíðs

Traust til Morgunblaðsins hrynur eftir að Davíð Oddsson og Haraldur Johannessen settust í stól ritstjóra fyrir skömmu, ef marka má könnun á trausti til fjölmiðla sem Markaðs- og miðlarannsóknir ehf. gerðu fyrir 365 miðla nýverið. Rúmlega 35% þeirra sem svöruðu segjast bera frekar eða mjög lítið traust til Morgunblaðsins, en rúmlega 13% sögðust gera það rétt áður en nýir ritstjórar tóku við. Fréttastofa Rúv nýtur mest trausts.

Keflavíkurárás: Gæsluvarðhald framlengt um fjórar vikur

Selma Guðnadóttir, 22 ára gömul kona úr Keflavík, mun sitja áfram í gæsluvarðhaldi næstu fjórar vikurnar vegna hnífaárásar á fimm ára gamla stelpu í Keflavík á sunnudag fyrir viku. Selma var handtekin fljótlega eftir árásina og úrskurðuð í gæsluvarðhald sem rann út í dag. Héraðsdómur framlengdi svo gæsluvarðhaldið um fjórar vikur. Selma hefur játað á sig verknaðinn.

Hafís undan Vestfjörðum

Stjórnstöð Landhelgisgæslunnar hefur undanfarna sólarhringa borist nokkrar tilkynningar um hafís, en ísjakar hafa sést við Vestfirði nánar tiltekið frá norð-austanverðu Horni allt að minni Önundarfjarðar.

Lögreglan fann 125 kannabisplöntur á lokastigi ræktunar

Lögreglan á höfuðborgarsvæðinu stöðvaði kannabisræktun í húsi í miðborginni fyrir hádegi í dag. Við húsleit á áðurnefndum stað fundust 125 kannabisplöntur á lokastigi ræktunar og um 400 grömm af marijúana. Á sama stað fannst einnig mjög mikið af kannabisfræjum. Karl á fertugsaldri var handtekinn í tengslum við rannsókn málsins og játaði hann aðild sína en fíkniefnin voru ætluð til sölu.

Jóhanna flytur stefnuræðu í kvöld

Jóhanna Sigurðardóttir, forsætisráðherra, flytur stefnuræðu ríkisstjórnar sinnar á Alþingi í kvöld. Í kjölfarið munu fulltrúar allra þingflokka taka til máls og taka þátt í umræðum um stefnuræðuna. Þráinn Bertelsson, sem er utan þingflokka, talar síðastur í fyrstu umferð en umræðurnar skiptast í þrjár umferðir.

Umferðarslysum fækkaði um 26% á milli ára

Umferðarslysum fækkaði um 26% fyrstu átta mánuði ársins í ár miðað við sama tímabil í fyrra, samkvæmt tölum umferðardeildar lögreglunnar á höfuðborgarsvæðinu. Sambærilegar tölur frá tryggingafélögunum sýna 19% fækkun.

Ólafur Ragnar Grímsson sendi Indónesum samúðarkveðju

Forseti Íslands Ólafur Ragnar Grímsson sendi í dag samúðarkveðjur sínar og íslensku þjóðarinnar til Susilo Bambang Yudhoyono, forseta Indónesíu, vegna hamfara þeirra og hörmunga sem jarðskjálftarnir í Padang hafa haft í för með sér. Þetta kemur fram í tilkynningu frá forsetaskrifstofunni. Hundruð manna hafa látið lífið og gríðarlegur fjöldi fjölskyldna glímir við afleiðingar jarðskjálftanna.

Styttist í siðareglur borgarfulltrúa

Lokadrög að siðareglum fyrir borgarfulltrúa og reglum um skráningu fjárhagslegra hagsmuna þeirra liggja fyrir. Langt er síðan fyrst kom til tals innan borgarstjórnar að setja slíkar reglur. Dagur B. Eggertsson, borgarfulltrúi Samfylkingarinnar, vonast til þess að starfshópur á vegum forsætisnefndar skili tillögunum af sér á næstu dögum.

Katrín opnar Drekann á ný

Katrín Júlíusdóttir iðnaðarráðherra kynnti iðnaðarnefnd Alþingis í morgun þá ákvörðun að opna á ný fyrir umsóknir um olíuleit á Drekasvæðinu eftir áramót. Umdeildum skattareglum verður ekki breytt.

Steingrímur ræddi Icesave málið við Bos í morgun

Steingrímur J. Sigfússon fjármálaráðherra ræddi framgang Icesave málsins við Wouter Bos, fjármálaráðherra Hollands, á fundi í Istanbul í morgun. Þá segist hann hafa rætt stuttlega við Alistair Darling fjármálaráðherra Breta í gær þegar í ljós kom að ekki næðist þríhliða fundur með ráðherrunum. Steingrímur segir fundina tvímælalaust hafa verið gagnlega.

Tillögurnar eru stríðsyfirlýsing Árna Páls

Þær tillögur sem félagsmálaráðherra kynnti í síðustu viku um aðgerðir til leiðréttingar greiðslubyrði og aðlögun skulda eru stríðsyfirlýsing en ekki sáttargerð, að mati Hagsmunasamtaka heimilanna.

Kannski eðlilegast að Ögmundur stofni eigin flokk

Það væri kannski eðlilegast að Ögmundur Jónasson og skoðanasystkini hans í VG kæmu fram eins og sérstakur smáflokkur og semdi við ríkisstjórnina sem slíkur, segir Gunnar Helgi Kristinsson, prófessor í stjórnmálafræði við Háskóla Íslands.

Guðlaugur Þór óskar eftir að heilbrigðisnefnd fundi um niðurskurð

Guðlaugur Þór Þórðarson þingmaður hefur óskað eftir því að heilbrigðisnefnd Alþingis komi saman sem fyrst til þess að ræða fjárlagatillögur ríkisstjórnarinnar.

Bílvelta á Ólafsfjarðarvegi

Bílslys varð á Ólafsfjarðarvegi rétt fyrir klukkan hálfeitt í nótt þegar bíll fór út af veginum og valt á Ámundastaðahálsi.

Stjörnuhrap lýsti upp Suðurland

Óvenjubjart stjörnuhrap vakti athygli um miðnætti í gærkvöldi og barst lögreglunni á Suðurlandi fjöldi tilkynninga vegna þess.

Jeppi brann til kaldra kola

Amerískur jeppi brann til kaldra kola í Kópavogi í nótt. Bíllinn var á stæði í Dimmuhvarfi þegar eldurinn blossaði upp og er hann talinn gjörónýtur.

Ólafur skrifaði erlendum forsetum bréf um bankana

Páll Hreinsson, formaður rannsóknarnefndar Alþingis, skrifaði forseta Íslands bréf 11. ágúst síðastliðinn til að óska eftir upplýsingum um og afritum af bréfaskrifum forsetans í þágu íslenskra fjármálastofnana eða fyrirsvarsmanna þeirra á árunum 2000-2008.

Ólafur og Þorvaldur úr skólastarfi

Bæði Ólafur Stefánsson handknattleiksmaður og Þorvaldur Þorsteinsson, rithöfundur og myndlistarmaður, hafa ákveðið að vera ekki í hópi eigenda nýs grunnskóla sem á að vera í húsnæði gömlu Heilsuverndarstöðvarinnar við Barónsstíg. „Þetta var enginn hvellur,“ segir Þorvaldur og útskýrir að vera Ólafs í Þýskalandi, þar sem hann leikur handbolta, hafi ráðið því að aðkoma hans yrði fremur lítil. Þorvaldur sjálfur segist svo vilja halda sig við ritstörf, það sé hans heimavöllur, en hann sé þess fullviss að þær Jenný Guðrún Jónsdóttir kennari og Edda Huld Sigurðardóttir, fyrrverandi skólastjóri Ísaksskóla, muni sjá til þess að skólinn verði til fyrirmyndar en þau fjögur hafa staðið að undirbúningi skólans sem fengið hefur nafnið Menntaskólinn.

Aukinn stuðningur raunhæft markmið

Það á að vera samningsmarkmið Íslendinga í viðræðum við Evrópusambandið um landbúnaðarmál að sækjast eftir auknum stuðningi við hefðbundinn fjölskyldubúskap í sveitum, segir Eiríkur Bergmann, dósent og forstöðumaður Evrópufræðaseturs Háskólans á Bifröst. Hann segir að stefna eigi að því að bændur sem búa á fjölskyldubúi og stunda sauðfjár- eða kúabúskap fái aukna styrki ef Ísland gengur í Evrópusambandið. Aðild að sambandinu bitni aðallega á kjúklinga- og svínabúum á landinu.

Lögreglan leitar að dýru þýfi

Lögreglan á Selfossi leitar dýrra muna eftir að brotist var inn í tilraunahús Landbúnaðarháskóla Íslands á Reykjum í Ölfusi.

Skrifar ástarbréf fyrir orkufyrirtækin

Steingrímur J. Sigfússon fjármálaráðherra hefur ritað meðmælabréf fyrir HS Orku og Orkuveitu Reykjavíkur til erlendra fjárfesta. Bréf af þessu tagi eru gjarnan nefnd ástarbréf og er ætlað að liðka til fyrir fjárfestingum hérlendis. Steingrímur staðfestir þetta en vill að öðru leyti lítið tjá sig um efni bréfanna.

Þarf að verðleggja mengun

„Þetta er hið besta mál. Við erum svona 15 til 20 árum á eftir nágrannaríkjunum í þessum málum,“ segir Árni Finnsson, formaður Náttúruverndarsamtaka Íslands, um ný orku-, umhverfis- og auðlindagjöld. Gjöldin eiga að skila 16 milljörðum í ríkiskassann á næsta ári.

Stjórnarkreppa gæti verið í uppsiglingu

Mikill titringur er innan ríkisstjórnarinnar vegna yfirlýsinga þingflokksformanns Vinstri grænna og Ögmundar Jónassonar í fjölmiðlum að undanförnu og óttast margir að stefni í stjórnarkreppu.

Drekaútboði fram haldið eftir áramót

Bandaríska fyrirtækið ION GX Technology hefur afþakkað leyfi sem það fékk í sumar til leitar að olíu og gasi á Drekasvæðinu. Ríkisstjórnin hyggst þó ekki leggja árar í bát heldur stefnir að því að opna á ný fyrir umsóknir um sérleyfi til olíuvinnslu strax upp úr áramótum.

Pólska lánið situr fast vegna Icesave

Pólverjar setja ekki skilyrði um lausn Icesavedeilunnar áður en þeir greiða út lán sitt til Íslendinga, en greiða það hins vegar ekki út fyrr en Alþjóðagjaldeyrissjóðurinn lýkur endurskoðun sinni á efnahagsáætlun gagnvart Íslandi. Sjóðurinn ætlar síðan ekki að gera það fyrr en samið hefur verið um Icesave, þannig að lán Pólverja situr fast þangað til.

Hnífsstungumennirnir handteknir

Lögreglan á höfuðborgarsvæðinu handtók fjóra karlmenn í tengslum við hnífsstunguárás á Spítalastíg í nótt um hálf fjögur leytið í dag. Að sögn lögreglu eru mennirnir af erlendu bergi brotnir en þeir voru handteknir í umferðinni.

Dagný Ósk nýr formaður UJ

Dagný Ósk Aradóttir Pind var kosin formaður Ungra Jafnaðarmanna á landsþingi UJ sem haldið var í Iðnó um helgina.

Ritstjóri Morgunblaðsins á bíl frá Viðskiptablaðinu

Haraldur Johannessen nýráðinn ritstjóri Morgunblaðsins keyrir um á 2008 árgerð af Ford Explorer lúxusjeppa. Bíllinn er á rekstrarleigu en það er Myllusetur ehf. sem er umráðamaður bílsins samkvæmt bifreiðarskrá. Myllusetur er eigandi Viðskiptablaðsins sem Haraldur ritstýrði áður.

Stunguárásin á Spítalastíg: Vitað hverjir voru að verki

Karlmaður var stunginn á Spítalastíg um klukkan þrjú í nótt en árásarmennirnir komust undan. Samkvæmt upplýsingum frá lögreglu hefur hún ekki enn haft uppá mönnunum en vitað er hverjir voru að verki. Þeir hafa áður komið við sögu lögreglu.

Íslenskir kvenfrumkvöðlar hitta Viktoríu krónprinsessu

Svana Helen Björnsdóttir framkvæmdastjóri Stika og Vilborg Einarsdóttir framkvæmdastjóri Mentors munu hitta Viktoríu krónprinsessu Svíþjóðar í viðhafnarkvöldverði á morgun mánudaginn 5. október. Þær hafa verið valdar fulltrúar íslenskra kvenfrumkvöðla í Evrópuverkefninu EU Network of Female Entrepreneurship Ambassadors ásamt Höllu Tómasdóttur og Kristínu Pétursdóttur frá Auði Capital.

Vill Ögmund aftur í ríkisstjórn

Guðfríður Lilja Grétarsdóttir þingmaður Vinstri grænna segir það gríðarlegan missi fyrir ríkisstjórn Íslands að Ögmundur Jónasson fyrrum heilbrigðisráðherra sé farinn frá borði. Hún segist hafa stutt ríkisstjórnina af fúsum og frjálsum vilja og geri það í raun enn. Þetta kom fram í Silfri Egils í dag.

Steingrímur í Istanbúl: Búinn að skrifa undir pólska lánið

Í dag var undirritaður í Istanbul í Tyrklandi lánssamningur milli Póllands og Íslands. Samkvæmt samningnum lánar pólska ríkið íslenska ríkinu 630 milljónir pólskra slota (zloty, PLN) sem er jafnvirði u.þ.b. 200 milljóna Bandaríkjadala. Undir samninginn skrifuðu Jan Vincent-Rostowski, fjármálaráðherra, fyrir hönd Póllands og Steingrímur J. Sigfússon, fjármálaráðherra, fyrir hönd Íslands.

Afrískir símasvindlarar herja á íslenska fjölskyldu

Kona í Reykjavík sem lenti í símasvindli frá Túnis í síðasta mánuði segir að dóttir sín sé nú farin að fá hringingar úr skrýtnum númerum. Efttir nokkra rannsóknarvinnu komst hún að því nú væru það óprúttnir aðilar frá Sierra Leone sem væru að hrella fjölskylduna. Hún varar fólk við að svara erlendum símanúmerum sem það þekkir ekki. Sérstaklega númerum sem byrja á 232 og 216.

Höfum fengið 10% af þeim lánum sem við þurfum

Íslendingar hafa fengið einn tíunda af þeim erlendu lánum sem þörf er talin á til uppbyggingar efnahagslífsins, þegar fjármálaráðherra skrifar undir 25 milljarða króna lán frá Pólverjum nú í hádeginu. Hann mun einnig funda með fjármálaráðherra Rússa nú seinnipartinn um lán frá þeim.

Hannes Hólmsteinn á landsþingi Ungra jafnaðarmanna

Hannes Hólmsteinn Gissurarson og Kristrún Heimisdóttir takast á um hvaða hugmyndafræði eigi að hafa að leiðarljósi við uppbyggingu Íslands í dag á landsþingi Ungra jafnaðarmanna sem haldið er í Iðnó í Reykjavík. Kappræðurnar fara fram klukkan 15:00 í dag.

Ráðherrar vita ekki hver á að borga

Guðlaugur Þór Þórðarson þingmaður Sjálfstæðisflokksins og fyrrverandi heilbrigðisráðherra ritar pistil í dag þar sem hann gerir umtalaðann umhverfis- orku og auðlindaskatt að umtalsefni.

Steingrímur í Istanbúl: Skrifar undir lánið frá Pólverjum í dag

Steingrímur J. Sigfússon fjármálaráðherra skrifar undir 25 milljarða króna lánasamning við Pólverja í Istanbúl í Tyrklandi í dag. Pólverjar eru önnur þjóðin sem stendur við lánafyrirheit sitt við Ísland, en skrifað var undir rúnmlega sex milljarða lán frá Færeyingum hinn 18. nóvember í fyrra. Undirritunin á samningnum við Pólverja fer fram í hádeginu að íslenskum tíma.

Eldur í húsbíl í Garði

Samkvæmt upplýsingum frá lögreglunni á Suðurnesjum var nokkuð annasamt í nótt. Þrír ökumenn voru teknir grunaðir um ölvun við akstur, tveir í Reykjanesbæ og einn í Grindavík. Þá voru þrír ökumenn teknir grunaðir um akstur undir áhrifum ávana- og fíkniefna. Einn ökumannanna reyndist einnig aka sviptur ökuréttindum. Þá fundust lítilræði að meintum kannabisefnum í einni af bifreiðunum.

Karlmaður stunginn á Spítalastíg í nótt - árásaraðila leitað

Nokkur erill var í miðborg Reykjavíkur í nótt að sögn lögreglunnar á höfuðborgarsvæðinu. Fjórar líkamsárásir komu til kasta lögreglunnar í nótt. Á skemmtistaðnum Players í Kópavogi var maður handtekinn eftir líkamsárás, hafði hann sparkað ítrekað í liggjandi mann. Sá sem fyrir árásinni varð var fluttur á slysadeild í sjúkrabifreið. Árásaraðili gistir fangageymslu.