Eldurinn slökktur á Tryggvagötu

Slökkvilið höfuðborgarsvæðisins var kallað út vegna elds í húsi við Tryggvagötu 10 rétt eftir klukkan eitt. Sjónarvottar segja að um mikinn eld hafi að ræða og Kjartan Skaptason sem leigir aðstöðu í húsinu segist halda að kveikt hafi verið í. Mikill reykur kom út um glugga og dyr hússins og voru þrír slökkviliðsbílar á svæðinu.Eftir að slökkviliðið hóf slökkvistörf gekk greiðlega að ráða niðurlögum eldsins.

Embættismenn funduðu með Robert Wade

Robert Wade, stjórnmálahagfræðingur við London School of Economics fundaði í morgun með fulltrúum frá fjármála-, forsætis- og viðskiptráðuneytinu. Fundurinn stóð yfir í nærri tvær klukkustundir.

Mega banna mótmælendum að hylja andlit sitt

Nokkuð hefur borið á því að mótmælendur sem hafa haft sig hvað mest í frammi undanfarnar vikur og mánuði hylji andlit sitt með treflum og lambhúshettum. Hér á landi geta skapast þær aðstæður að lögreglu sé heimilt að krefjast þess að grímurnar séu teknar niður. Stefán Eiríksson lögreglustjóri segir að grímurnar hafi ekki valdið lögreglu vandræðum hingað til. Hann segir mikilvægast að laga það ástand sem uppi hefur verið í stað þess að magna það.

Funda um framtíð Birnu

Björgvin G. Sigðurðsson viðskiptaráðherra og Árni M. Mathiesen fjármálaráðherra funda með Vali Valssyni, formanni bankaráðs Glitnis nú í hádeginu, en ákveðið hefur verið að stöður bankastjóra ríkisbankanna verða auglýstar lausar til umsóknar á næstu dögum.

Venus skín skært um þessar mundir

Margir hafa rekið augun í stjörnu á kvöldhimninum í suðri sem hefur skinið afar skært undanfarið. Á störnufræðivefnum segir að um reikistjörnuna Venus sé að ræða en í dag kemst Venus lengst frá sólinni frá jörðu séð sem þýðir að hún nær hæstu stöðu á himninum áður en hún fer lækkandi á ný.

Menn reyndu hvorki að temja sér hófsemi né fyrirhyggju

Margt bendir til þess að rótleysi og lítil áhersla á grunngildi hafi dregið menn út á hálan ís í íslensku viðskiptalífi að undanförnu. Fátt bendir til dæmis til þess að menn hafi, að minnsta kosti í ákveðnum fyrirtækjum, reynt að temja sér hófsemi eða fyrirhyggju í

Suðurlandsskjálftinn: 733 milljónir í styrki

Íslenska ríkið mun greiða út 733 milljónir króna í styrki vegna jarðskjálftans á Suðurlandi þann 29. maí í fyrra. Stærsti hluti þess, eða 402 milljónir, fara til einstaklinga sem urðu fyrir tjóni en tryggingar ná ekki til. Þá fara 200 milljónir króna til sveitarfélaga á svæðinu vegna fyrstu viðbragða við skjálftanum.

Ísland gerir ráð fyrir fleiri sjó- og mengunarslysum í norðurhöfum

Ísland hefur tekið við formennskunni í Norrænu ráðherraráðinu og leggur til þar að komið verði á fót gagnabanka um siglingarleiðir í norðurhöfum. Íslenskir ráðmenn gera ráð fyrir að fleiri sjó- og mengunarslys verði á þessum slóðum í kjölfar þess að heimskautsísinn hopar stöðugt og fleiri leiðir opnast fyrir skipasiglingar.

Hnífakastarinn ákærður

Búið er að gefa út ákæru á hendur þriggja barna föður sem grunaður er um að hafa beitt þrjú börn sín hrottalegu ofbeldi.

Hátt í 30 nýnemar í Lögregluskólanum

Tuttugu og níu nýnemar hófu í gær nám á fyrstu önn grunnnámsdeildar Lögregluskóla ríkisins. Námið á önninni tekur um fjóra mánuði og í september 2009 fara nemendurnir í fjögurra mánaða starfsþjálfun í lögreglunni, eftir því sem fram kemur á vef

Heildaraflinn jókst um 10% í desember

Heildarafli íslenskra skipa í desember, metinn á föstu verði, var 10,0% meiri en í desember 2007.

Eldur í Sjálfsbjargarhúsinu í nótt

Einn var fluttur á slysadeild vegna gruns um reykeitrun eftir að eldur kviknaði út frá lampa í herbergi í Sjálfsbjargarhúsinu við Hátún í Reykjavík í nótt.

Íslendingar hafa þjóða mestar áhyggjur af einkafjárhag

Af 17 þjóðum hafa Íslendingar hafa mestar áhyggjur af einkafjárhag sínum, samkvæmt viðamikilli alþjóðakönnun um fjármálakreppuna.

Átján ökumenn ljóslausir

Lögreglan á Selfossi stöðvaði átján ökumenn í gærkvöldi þar sem ljósabúnaður á bílum þeirra var ekki í lagi. Þeir voru skrifaðir upp og gefinn frestur til lagfæringa, en ekki sektaðir að svo stöddu.

Brotist inn í kaffihús á Selfossi

Brotist var inn í kaffihús á Selfossi í nótt og þaðan stolið fimmtán þúsund krónum í reiðufé úr sjóðsvélinni.

Ölvaðir ökumenn gerðu víðreist í nótt

Ölvaður ökumaður ók út af Eyjafjarðarbraut við Akureyri í gækvöldi og hafnaði ofan í skurði. Hann slapp ómeiddur en ökumaður sem kom þar að taldi hinn óheppna ekki með fullri rænu og hringdi á lögreglu.

Veikur sjómaður sóttur á þyrlu

Sjómaður veiktist alvarlega um borð í íslensku fiskiskipi þegar það var statt 50 sjómílur norður af Horni síðdegis í gær. Skipstjórinn óskaði eftir aðstoð og sendi Landhelgisgæslan þyrlu eftir manninum.

Lýsa áhyggjum af breytingum á rekstri St. Jósefsspítala

Hjúkrunarfræðingar og sjúkraliðar heilsugæslustöðvanna í Hafnarfirði og Garðabæ lýsa áhyggjum af fyrirhuguðum breytingum á rekstri Sankti Jósefsspítala í Hafnarfirði.

Óviðunandi ógn við ráðherra

Lögreglumenn á vettvangi tóku ekki eftir því þegar mótmælandi við Alþingishúsið veittist að forsætisráðherra eftir að hafa stjakað við lögreglumanni. Forseti Alþingis segir tilburðina vera algerlega óviðunandi.

Vilja bæta fyrir skemmdir á tækjabúnaði Stöðvar 2

Hópur mótmælenda býðst til að safna fé vegna skemmda sem urðu á tækjabúnaði Stöðvar 2 við Hótel Borg þegar Kryddsíldin fór þar fram á gamlársdag. Fólkið óskar eftir upplýsingum um skemmdirnar frá óháðum aðila. Jafnframt furðar hópurinn á sig því að Ari Edwald, forstjóri 365, telji sig hafa vald til að geta sagt lögreglu til hvernig hún eigi að haga störfum sínum. Undir bréfið skrifa Agnar Kr. Þorsteinsson, Björg Sigurðardóttir og Gunnar Gunnarsson.

Minnir þingmenn Samfylkingarinnar á stefnu flokksins

Oddný Sturludóttir, borgarfulltrúi Samfylkingarinnar, minnir flokksfélaga sína á þingi á stefnu flokksins og sérstaklega á þann hluta hennar sem fjallar um lýðræðismál. Hún segir flokksfélaga um land uggandi vegna aðgerða ríkisstjórnarinnar. Hlusti kjörnir fulltrúar ekki á raddir fólksins fá þeir umboð sitt ekki endurnýjað.

Alda innbrota á höfuðborgarsvæðinu

Alda innbrota gengur nú yfir höfuðborgarsvæðið og er talið að um skipulagða glæpastarfsemi sé að ræða í sumum tilfellum. Versnandi efnahagur er hugsanlega hluti af vandanum, segir yfirlögregluþjónn.

Fjórir sendiherrabústaðir til sölu

Utanríkisráðuneytið undirbýr nú sölu á fjórum sendiherrabústöðum. Um er að ræða bústaðina í New York, Washington, London og Osló. Gert er ráð fyrir að ríkissjóður geti hagnast um 500 til 1000 milljónir króna á sölu fasteignanna. Þetta kom fram í kvöldfréttum Ríkisútvarpsins.

Óvíst með framvindu Héðinsfjarðarganga

Óvissa ríkir um framvindu Héðinsfjarðarganga, þar sem kostnaður við framkvæmdina hefur stóraukist. Tékkneski verktakinn Metrostav á í vandræðum með að klára verkið.

Bankastjórastöður ríkisbankanna auglýstar

Stöður bankastjóra ríkisbankanna verða auglýstar lausar til umsóknar á næstu dögum. Þetta var ákveðið í dag. Samkvæmt heimildum fréttastofunnar funduðu Björgvin G. Sigurðsson viðskiptaráðherra og Árni M. Matthiesen fjármálaráðherra með formönnum bankaráða Landsbanka, Glitnis og Kaupþings í dag. Á fundinum mun hafa verið farið yfir starfsmannamál bankanna og ráðherrarnir tilkynnt formönnum bankaráðanna að það væri vilji ríkisvaldsins, sem eiganda bankanna, að stöður bankastjóranna yrðu auglýstar lausar til umsóknar.

Vilja að Guðlaugur endurskoði ákvörun um St. Jósefsspítala

Hjúkrunarfræðingar og sjúkraliðar heilsugæslustöðvanna í Hafnarfirði og Garðabæ lýsa yfir áhyggjum af fyrirhuguðum breytingum vegna ákvörðunar Guðlaugs Þórs Þórðarsonar, heilbrigðisráðherra, um stórfelldar breytingar á starfsemi St. Jósefsspítala í Hafnarfirði. Starfsfólkið vill að Guðlaugur endurskoði ákvörðun sína.

9000 kílómetra ferðalag fyrir ABC barnahjálp

Tveir bræður leggja í næstu viku upp í níuþúsund kílómetra ferðalag þar sem tilgangurinn er að safna fé frir ABC barnahjálp.

Lúðvík og Guðlaugur funduðu um St. Jósefsspítala

Heilbrigðisráðherra og bæjarstjórinn í Hafnarfirði funduðu um Sánkti Jósefsspítala í dag og eru sammála um að skoða verði alla heilbrigðisþjónustuna í bænum í samhengi. Bæjarstjórinn segir spítalann mikilvægan í almennri heilbrigðisþjónustu í bænum.

Örvæntingar gætir meðal umbjóðanda Vinnumálastofnunar

Nýtt yfirlit Vinnumálastofnunar um stöðuna á vinnumarkaði sýnir að tæplega átta þúsund manns - eða 4,8 prósent - voru skráðir atvinnulausir í desember síðast liðnum og hafði fólki án atvinnu fjölgað um 45 prósent frá því í mánuðinum á undan. Annir eru gríðarlegar á vinnumiðlun Vinnumálastofnunar.

Mótmælendur lausir úr haldi lögreglu

Mennirnir tveir sem handteknir voru við Alþingi í morgun eftir að þeir brutu öryggismyndavél við húsið eru lausir úr haldi lögreglu. Þetta staðfesti varðstjóri í samtali við fréttastofu.

Ingibjörg ráðlagði Sigurbjörgu fyrir borgarafundinn

Ingibjörg Sólrún Gísladóttir, utanríkisráðherra, ráðlagði Sigurbjörgu Sigurgeirsdóttur, stjórnsýslufræðingi, sem hélt framsögu á borgarafundinum í Háskólabíói í gær að nálgast ræðu sína á fundinum af varfærni og gæta þess að ganga ekki á faglegan heiður sinn.

Sótti um stöðu saksóknara vegna bankahrunsins eftir hvatningu

Ólafur Þór Hauksson, sýslumaður á Akranesi, sem Björn Bjarnason, dómsmálaráðherra, skipaði í dag til að gegna embætti sérstaks saksóknara vegna bankahrunsins gerði það eftir hvatningu. Hann vill ekki greina frá því hvort að Björn hafi hvatt hann til að sækja um stöðuna. Dómsmálaráðherra hafði samráð við fulltrúa allra þingflokka í allsherjarnefnd Alþingis þegar hann skipaði Ólaf í starfið. Nýja starfið leggst afar vel í Ólaf.

Fundar um fjárstyrki og hjálparstarf vegna jarðskjálftanna

Geir H. Haarde, forsætisráðherra, mun á morgun greina frá fjárstyrkjum og hjálparstarfi til þeirra sem urðu fyrir tjóni vegna jarðskjálfanna á Suðurlandi 29. maí sem ekki fæst bætt með öðrum hætti. Geir mun greina frá þessu á fundi með blaðamönnum á Selfossi í fyrramálið.

Ólafur Þór verður sérstakur saksóknari

Björn Bjarnason dóms- og kirkjumálaráðherra hefur í dag, að höfðu samráði við fulltrúa allra þingflokka í allsherjarnefnd Alþingis, falið Ólafi Þór Haukssyni, sýslumanni á Akranesi, að gegna embætti sérstaks saksóknara.

400.000 króna sekt vegna fíkniefnaaksturs

Karlmaður var dæmdur til að greiða 400.000 króna sekt í Héraðsdómi Suðurlands fyrir að hafa þrisvar sinnum verið stöðvaður af lögreglu undir áhrifum fíkniefna og í eitt sinn verið farþegi í bíl sem lögregla fann fíkniefni í. Hann mætti ekki við þingfestingu málsins.

Lenti með dautt á öðrum hreyflinum

Lögregla og slökkvilið voru í viðbragðsstöðu á Reykjavíkurflugvelli nú fyrir stundu þegar kennsluvél kom inn til lendingar með dautt á öðrum hreyflinum. Að sögn varðstjóra hjá slökkviliðinu lenti vélin heilu og höldnu á vellinum. Götum í nágrenni við flugvöllinn var lokað af þessum sökum, meðal annars Snorrabrautin, en slökkvilið segir það ávallt gert í tilvikum sem þessum.

Íslendingar til Zimbabwe vegna kólerufaraldurs

Hjúkrunarfræðingarnir Hildur Magnúsdóttir og Maríanna Csillaq halda til Zimbabwe í dag og á morgun til að taka þátt í neyðaraðgerðum Rauða krossins vegna kólerufaraldurs í landinu. Þær munu starfa með neyðarteymum norska og finnska Rauða krossins. Fyrir er í Zimbabwe Huld Ingimarsdóttir sendifulltrúi Rauða krossins sem hefur stjórnað matvæladreifingu í landinu frá því í október.

30% með bílalán í erlendri mynt

Í nýrri skoðanakönnun sem Capacent Gallup gerði fyrir ASÍ er lánasamsetning íslenskra heimila skoðuð. Þar kemur fram að langflestir eða 62% eru með verðtryggt húsnæðislán í íslenskum krónum. Næst algengust eru bílalán í erlendri mynt en 30% aðspurðra eru með slík lán.

Skíðasvæðið á Siglufirði opið - gott færi

Skíðasvæðið á Siglufirði verður opið í dag frá kl 16-20 við frábærar aðstæður. Í tilkynningu frá skíðasvæðinu segir að verður og færi séu eins og best verði á kosið, S-gola, -6c° og heiðskírt.

Stakk hníf í gegnum hendi manns

Tuttugu og sjö ára gamall karlmaður hefur verið ákærður fyrir fyrir að hafa stungið mann með eldhúshnífi í hægri hönd þannig að hnífurinn fór í gegnum höndina. Sauma þurfti saman skurðinn sem hlaust af hnífnum. Ákæra gegn manninum var gefin út 22 desember en málið var þingfest í héraðsdómi í gær. Maðurinn neitaði sök við þingfestingu málsins.

Býður sig fram gegn Geir Haarde

Listamaðurinn Snorri Ásmundsson er búinn að taka ákvörðun um að bjóða sig fram til formanns Sjálfstæðisflokksins á landsfundi í lok mánaðarins. Snorri segist ekki vera neitt sérstakur pólitíkus en telur sig geta tekið til hendinni. Hann finnur fyrir gríðarlegum stuðningi innan flokksins og segist hafa talað við stjórnmálafræðinga sem styðji við bakið á sér.

Mennirnir enn í haldi lögreglu

Mennirnir tveir sem handteknir voru við Alþingi í morgun eftir að þeir brutu öryggismyndavél við húsið eru enn í haldi lögreglunnar. Búist er við því að teknar verði skýrslur af mönnunum síðar í dag og þeim síðan sleppt, eins og venja er í málum af þessu tagi.

Níu stöðvaðir án ökuréttinda

Níu réttindalausir ökumenn voru stöðvaðir í umdæmi lögreglunnar á höfuðborgarsvæðinu um helgina. Að sögn lögreglu höfðu fimm þeirra þegar verið sviptir ökuleyfi og fjórir höfðu aldrei öðlast ökuréttindi. Á sama tímabili voru fimmtíu umferðaróhöpp tilkynnt til lögreglunnar en þrjú þeirra má rekja til aksturs undir áhrifum áfengis eða fíkniefna.

Miklar hættur í kringum okkur

Það eru miklar hættur á ferðinni í nálægum löndum eins og við sjáum á viðbrögðum ríkisstjórna um allan heim, sagði Geir H. Haarde forsætisráðherra eftir ríkisstjórnarfund i dag.

Þingvallavegur lokaður í dag

Þingvallavegi númer 36 var lokað klukkan níu í morgun og verður svo fram til klukkan fimm í dag, þar sem verið er að skipta um ræsi í veginum. Vegagerðin bendir vegfarendum á að aka Suðurlandsveg og Biskupstungnabraut að Þingvöllum á meðan.